თავგადასავლებით სავსე საზაფხულო სტაჟირება

მე მარიამ ბექაური ვარ, თბილისის სამედიცინო აკადემიის მესამე კურსის სტუდენტი. მინდა ჩემი საინტერესო ზაფხულის შესახებ  მოკლედ მოგიყვეთ.

სტაჟირების განმავლობაში, გამიმართლა და შესანიშნავი პროფესორი მყავდა, რომელიც შემდეგ ჩემი მენტორიც გახდა. მან ძალიან ბევრი რამ მასწავლა, განსაკუთრებით ენდოკრინოლოგიურ დარღვევებთან დაკავშირებით. მაქსიმალურად შევეცადე, რაც შეიძლება მეტი მესწავლა მისგან, რათა ეს ცოდნა ჩემს მომავალ პრაქტიკაში გამომეყენებინა. ეს შესანიშნავი და თავგადასავლებით სავსე ზაფხული ენდოკრინოლოგიის დეპარტამენტში გავატარე, სადაც ბევრი საინტერესო პაციენტი ვნახე. შევხვდი არაერთ იშვიათ  დაავადებას, მათ შორის ისეთებს რომელთა დიაგნოზების შესახებ მხოლოდ სახელმძღვანელოებში  თუ მქონდა წაკითხული. ერთ-ერთი ყველაზე საინტერესო, რაც ვნახე, ედისონის დაავადების მქონე პაციენტი იყო. მინდა აღვნიშნო ისიც, რომ ჩემი პროფესორის დამსახურებით, ფარისებრის ულტრაბგერითი გამოკვლევაც კი ჩავატარე. ვაღიარებ, თეორიის პრაქტიკაში გამოყენება მართლაც, რომ გასაოცარი და ამაღელვებელი იყო. 

თავისუფალ დროს ქალაქის დათვალიერებას, უცხო კულტურის შეცნობასა და ზღვის სანაპიროზე ფრენბურთის თამაშში ვატარებდით. ასევე შესაძლებლობა გვქონდა დავმტკბარიყავით მზის ჩასვლით, რომელიც მართლაც ულამაზესი იყო  ბალტიის ზღვის ფონზე. ხშირად იახტითაც გადავდიოდით სხვა ზღვისპირა ქალაქებში და ვტკბებოდით ლიეტუვის სილამაზით, წყნარი და მშვიდი გარემოთი. ევროპის შუაგულში მდებარე, ლიეტუვის  დედაქალაქ ვილნიუსსაც ვესტუმრეთ,  რომლის ისტორია ჯერ კიდევ ნეოლითის ხანიდან იწყება. რამდენიმე დღე ლატვიაშიც დავყავით, დავათვალიერეთ რიგა. ქალაქის ღირსშესანიშნაობებით, ისტორიით, კულტურითა და არქიტექტურით აღფრთოვანებული დავრჩით. ასევე მოვინახულეთ არაერთი მუზეუმი, რამაც ჩვენს მოგზაურობას საინტერესო ისტორია შემატა.

ვფიქრობ, ამ სტაჟირებამ შესაძლებლობა მომცა მედიცინა სხვა კუთხით დამენახა და