10 აგვისტოდან 20 აგვისტოს ჩათვლით ცხადდება კონკურსი სარეზიდენტო პროგრამის შემდეგ მიმართულებებზე:
- დერმატოლოგია (2 მაძიებელი)
პროგრამის ხელმძღვანელი - ამირან ქორიძე
კლინიკები - ოქროს საწმისი XXI საუკუნე, ემბრიო, ჩაჩავას კლინიკა, ჯანმრთელობის სახლი.
- გინეკოლოგია (3 მაძიებელი)
პროგრამის ხელმძღვანელი - ნინო ლორთქიფანიძე
კლინიკები - მედიქლაბი, ბერძნული სამედიცინო ფონდი ჰიპოკრატე.
პროგრამაზე დაშვების წინაპირობები:
- ერთიანი დიპლომისშემდგომი საკვალიფიკაციო გამოცდების შედეგად მინიჭებული ქულა;
- ტესტი სპეციალობაში და გასაუბრება საგამოცდო კომისიასთან;
- ინგლისური ენის B2 დონის განმსაზღვრელი ტესტი (იმ შემთხვევაში, თუ მაძიებელი ვერ წარმოადგენს ინგლისური ენის B2 დონის დამადასტურებელ სერტიფიკატს).
რეზიდენტურაში ჩარიცხვის მსურველთა განცხადებების მიღებისა და შიდა საგამოცდო პროცედურების ჩატარების ვადები:
- ინგლისური ენის B2 დონის განმსაზღვრელი ტესტირება ჩატარდება 2026 წლის 24 აგვისტოს, იმ მაძიებელთათვის, რომლებიც ვერ წარმოადგენენ B2 დონის დამადასტურებელ სერტიფიკატს;
- გინეკოლოგიის პროგრამაზე სპეციალობის ტესტირება და გასაუბრება ჩატარდება 2026 წლის 25 აგვისტოს;
- დერმატოლოგიის პროგრამაზე სპეციალობის ტესტირება და გასაუბრება ჩატარდება 2026 წლის 26 აგვისტოს.
ორივე პროგრამისთვის პროფესიული მზადების პირველი წლის მოდულების განხორციელება დაიწყება 2026 წლის 1 სექტემბრიდან.
ასატვირთი დოკუმენტები:
- ერთიანი დიპლომისშემდგომი საკვალიფიკაციო გამოცდების ჩაბარების შედეგად მინიჭებული სპეციალობის მაძიებლის დამადასტურებელი მოწმობა ან შესაბამისი ცნობა;
- უმაღლესი სამედიცინო სასწავლებლის დასრულების დიპლომი;
- პირადობის მოწმობა/პასპორტი;
- რეზიუმე (CV);
- ინგლისური ენის ცოდნის B2 დონის დამადასტურებელი სერტიფიკატი (არსებობის შემთხვევაში);
- ფოტო.
სწავლის საფასური შეადგენს თვეში 300 ლარს. სწავლება მიმდინარეობს წელიწადში 11 თვე.
გინეკოლოგია - ჯამური ხანგრძლივობა - 4 წელი
დერმატოლოგია - ჯამური ხანგრძლივობა - 3 წელი
გთხოვთ, გაიაროთ რეგისტრაცია შემდეგ ბმულზე.
დამატებითი კითხვების არსებობის შემთხვევაში მოგვმართეთ შემდეგ ელექტრონულ ფოსტაზე:
residency@tma.edu.ge
გისურვებთ წარმატებას!