ხარისხის უზრუნველყოფის სამსახური

პეტრე შოთაძის სახელობის თბილისის სამედიცინო აკადემიის (თსა) მისია და ინსტიტუციური განვითარების ხედვა გულისხმობს ხარისხის უზრუნველყოფის (QA) და ხარისხის გაუმჯობესების (QI) ინტეგრირებულ მიდგომას, როგორც ადმინისტრაციული, ისე კვლევის და მესამე მისიის მიმართულებებით.

თსა-ის ხარისხის უზრუნველყოფის სამსახურის მიზანია საუნივერსიტეტო სივრცეში ხარისხის კულტურის დამკვიდრება და მუდმივი განვითარება.

ხარისხის უზრუნველყოფის სამსახური ხელმძღვანელობს საქართველოს კანონებით და ითვალისწინებს ეროვნულ და საერთაშორისო სტანდარტებს.

ხარისხის კულტურა თსა-ში

• თანმიმდევრულობა – მისიასა და ხედვაში გაცხადებული პრიორიტეტების რეალურ საქმიანობაში დანერგვა
• ერთიანი სტანდარტები – ერთიანი მიდგომების დამკვიდრება ყველა აკადემიურ საქმიანობაში
• თანამონაწილეობა – თითოეული თანამშრომლის წვლილი დაწესებულების ადგილობრივ და საერთაშორისო პოზიციონირებასა და ხარისხის განვითარებაში
• გამჭვირვალობა – შეფასებების და შედეგების გაზიარება დაინტერესებულ მხარეებთან
• მხარდამჭერი გარემო – სამართლიანობისა და გულწრძელობის პრინციპებზე დაყრდნობით
• ურთიერთპატივისცემა
• ინფორმირებულობა – ინფორმაციის ხელმისაწვდომობის უზრუნველყოფა უნივერსიტეტის ყველა წევრისთვის

PDCA ხარისხის ციკლი

თსა-ში ხარისხის უზრუნველყოფის სისტემა დაფუძნებულია Plan-Do-Check-Act (PDCA) ციკლზე — ოთხ ურთიერთდაკავშირებულ ეტაპზე, რომლებიც უზრუნველყოფს ხარისხის კონტროლს და მუდმივ გაუმჯობესებას ყველა საგანმანათლებლო პროგრამასა და ადმინისტრაციულ პროცესში.

ხარისხის გარე უზრუნველყოფა

თსა მონაწილეობს განათლების ხარისხის განვითარების ეროვნული ცენტრის (NCEQE) მიერ წარმართულ გარე შეფასების პროცესებში, ასევე საერთაშორისო პარტნიორული შეფასების პროგრამებში.