2021-04-06
ღია კარის დღეები გრძელდება
ძვირფასო აბიტურიენტებო, თსა კვლავ გიწვევთ ღია კარის დღეებზე!
ღია კარის დღეებს დაემატა კიდევ 3 დღე.
15 აპრილი, 16:00 საათი და 17:00 საათი;
16 აპრილი 17:00 საათი;
17 აპრილი 12:00 საათი და 14:00 საათი.
12 და 13 აპრილის ღონისძიებები სრულად დაჯავშნილია. შესაბამისად, დაინტერესებულ პირებს ვთხოვთ - დარეგისტრირდით დამატებით შემოთავაზებულ დღეებზე. გთხოვთ, რეგისტრაციისას მიუთითეთ სასურველი დღე და საათი.
ღია კარის დღეზე დასასწრებად რეგისტრაცია შესაძლებელია 2021 წლის 10 აპრილის ჩათვლით.
გთხოვთ, რეგისტრაციისთვის მიჰყევით ბმულს და აირჩიეთ თქვენთვის სასურველი დღე და საათი www.shorturl.at/axFG0
მადლობას გიხდით დაინტერესებისთვის!
აქვე შეგახსენებთ, რომ ღია კარის დღეებზე მოსულ მედიცინით დაინტერესებულ აბიტურიენტებს შესაძლებლობა გეძლევათ მონაწილეობა მიიღოთ სიმულაციურ ტრენინგში "ერთი დღე კლინიკაში“ და სრულიად უსაფრთხო გარემოში სამედიცინო სიმულატორებსა და მულაჟებზე შეასრულოთ სამედიცინო პროცედურები.
თქვენ შესაძლებლობა გექნებათ შეასრულოთ შემდეგი ტიპის პროცედურები:
1 - პირველადი რეანიმაციული ღონისძიებები - გულის არაპირდაპირი მასაჟი, ხელოვნური სუნთქვის ჩატარება, დეფიბრილაცია;
2 -ინტრავენური მიდგომები - პერიფერიულ ვენაში კათეტერის ჩადგმა, სისხლის ნიმუშის აღება, ვენაში პრეპარატის შეყვანა;
3 - ჭრილობის პირველადი დამუშავება და გაკერვა;
4 - ენდოტრაქეული ინტუბაცია - სასუნთქი მილის მოთავსება ტრაქეაში ლარინგოსკოპის გამოყენებით;
თითოეული ტიპის პროცედურისთვის გამოყოფილი იქნება 15 წუთი, მეგზურობას და მენტორობას კი თსა-ს სტუდენტები გაგიწევენ.
თქვენ ასევე მიიღებთ ამომწურავ ინფორმაციას აკადემიის სასწავლო და გაცვლითი პროგრამების, სტუდენტური ცხოვრებისა და საუნივერსიტეტო სტიპენდიების შესახებ.
გახსოვდეთ, რომ მედიცინა იწყება აქ!
