თსა-ს სტუდენტთა საყურადღებოდ!
2020-06-10

დისტანციური სწავლების პროცესში თსა-ს პარტნიორი პლატფორმის AMBOSS-ს მიერ შემუშავდა და დაიგეგმა ონლაინ ვებინარი თემაზე: “როგორ გავხდეთ კარგი კლინიცისტი და მოვემზადოთ საერთაშორისო გამოცდებისათვის (მათ შორის, USMLE)“.

ვებინარი ჩატარდა ორშაბათს, 8 ივნისს, 18:00 – 19:00 (თბილისის დროით).



AMBOSS გახლავთ მსოფლიოს გამოცდილი და თავდადებული ექიმების მიერ შექმნილი ინტერაქტიური ბიბლიოთეკა. იგი მოიცავს 20,000-ზე მეტ სამედიცინო თემას, რომელიც დაკავშირებულია 5.000-ზე მეტ კლინიკურ შემთხვევებზე დაფუძნებულ კითხვებთან. AMBOSS უწყვეტად აწოდებს განახლებულ სამედიცინო ინფორმაციას სტუდენტებს, ექიმებსა და მედიცინის სკოლებს მთელი მსოფლიოს მასშტაბით.

ვებინარის მონაწილეებმა მიიღეს ინფორმაციას , თუ როგორ გამოიყენონ AMBOSS რათა გახდნენ უკეთესი კლინიცისტები და წარმატებით მოემზადონ ისეთი საერთაშორისო გამოცდებისათვის, როგორიცაა USMLE.

ვებინარზე სტუდენტებმა შეისწავლეს თუ როგორ გამოიყენონ პლატფორმა ეფექტურად საკუთარი სამედიცინო ცოდნის გაღრმავებისა და მიღებული ინფორმაციის გააზრების გზით. ასევე აითვისეს საკუთარი პროგრესის მონიტორინგის მეთოდები და ჰქონდათ გამოცდილი მენტორებისათვის კითხვების დასმის შესაძლებლობა.

ვებინარზე მომხსნებლები იყვნენ:

დოქტორი Ryan Colaço, AMBOSS სამედიცინო რედაქტორი და ბერლინის ოფისის IMG ურთიერთობების მენეჯერი.

დოქტორი Tanner Schrank, AMBOSS პარტნიორული ურთიერთობების მენეჯერი, ცენტრალურ და აღმოსავლეთ ევროპაში.