მედიცინა და ხელოვნება
2020-06-22


პეტრე შოთაძის სახელობის თბილისის სამედიცინო აკადემია ახორციელებს პროექტს - საბავშვო უნივერსიტეტი „მედიცინა და ხელოვნება“. პროექტში მონაწილეობისათვის აუცილებელია წინასწარი რეგისტრაცია - http://tiny.cc/4py5nz.

ჩვენ სხვადასხვა მიკროორგანიზმთან თანაარსებობა გვიწევს. ბევრი მათგანი ჩვენს სხეულზე ცხოვრობს, ზოგიც - სხეულის შიგნით. ამ მიკროორგანიზმთა უმრავლესობა უვნებელია და მათი არსებობა ჯანმრთელობის შენარჩუნებისათვის არის მნიშვნელოვანი. თუმცა არიან ისეთებიც, რომლებიც შესაბამის პირობებში ინფექციური დაავადებების განვითარებას იწვევს.  ერთ-ერთი ასეთი მიკროორგანიზმია მიკობაქტერია, რომელიც ტუბერკულოზის გამომწვევია. აღნიშნული ინფექციური დაავადება ყველაზე ხშირად აზიანებს ფილტვებს, მეოცე საუკუნემდე ის პრაქტიკულად განუკურნებელ დაავადებად ითვლებოდა. ტუბერკულოზმა ბევრი ხელოვანის სიცოცხლე იმსხვერპლა. ერთ-ერთი ტრაგიკული მაგალითია მხატვარი ექსპრესიონისტი ამადეო მოდილიანი. ის ტუბერკულოზური მენინგიტით გარდაიცვალა 1920 წლის 24 იანვარს. მისმა 8 თვის ფეხმძიმე მეუღლემ ჟანამ მეორე დღეს დაასრულა სიცოცხლე თვითმკვლელობით.

სამწუხაროდ, ეს მაგალითი ხელოვანთა შორის ინფექციური დაავადებების გავრცელების ერთადერთი შემთხვევა როდია. სხვა მაგალითების განსახილველად და ასევე ინფექციური დაავადებებისადმი მიძღვნილი ხელოვნების ნიმუშების განსახილველად ჩაერთეთ პროექტში.

#SRNSFG