გელა ბესელია 2018 წლიდან თბილისის სამედიცინო აკადემიაში (თსა) იკავებს ასოცირებული პროფესორის აკადემიურ თანამდებობას ქცევითი მეცნიერებების მიმართულებთ, ხოლო 2024 წლიდან - პროფესორის აკადემიურ თანამდებობას. ასევე, იგივი ხელმძღვანელობს სამეცნიერო-კვლევითი და დოქტორანტურის დეპარტამენტს.
საქართველოს მეცნიერებათა ეროვნული აკადემიის ივანე ბერიტაშვილის სახელობის ფიზიოლოგიის ინსტიტუტის ასპირანტურის დამთავრების შემდეგ, 2008 წელს გელა ბესელიას მიენიჭა მედიცინის დოქტორის აკადემიური ხარისხი. იგი ფლობს სახელმწიფო სერტიფიკატს ფთიზიატრიაში, პულმონოლოგიაში და ნევროლოგიაში, გავლილი აქვს შესაბამისი სარეზიდენტო პროგრამები და სპეციალიზაციის კურსი. 2011–2012 წლებში გავლილი აქვს სტაჟირება ნიუ იორკის სამედიცინო კოლეჯის უჯრედული ბიოლოგიისა და ანატომიის დეპარტამენტში (ქ. ვალჰალა, ნიუ იორკი, აშშ). 2020-2022 წლებში მუშაობდა პენსილვანიის სახელმწიფო უნივერსიტეტის, სამედიცინო კოლეჯის ნეიროქირურგიის დეპარტამენტში, პოსტ-დოქტორანტის პოზიციაზე (ქ. ჰერში, პენსილვანია, აშშ). აქვს პრაქტიკოს ექიმად მუშაობის 8 წლიანი სტაჟი. სამედიცინო პროფილის უმაღლეს სასწავლებლებში კითხულობდა ლექციებს ფიზიოლოგიასა და ქცევის ფიზიოლოგიაში. 2010 წლიდან არის ივანე ბერიტაშვილის ექსპერიმენტული ბიომედიცინის ცენტრის ქცევისა და კოგნიტიურ ფუნქციათა ლაბორატორიის მეცნიერ თანამშრომელი.
გელა არის 13 სამეცნიერო-კვლევითი პროექტის მონაწილე, მათ შორის ახალგაზრდა მეცნიერთათვის პრეზიდენტის სამეცნიერო საგრანტო კონკურსის ორგზის გამარჯვებული და ახალგაზრდა მეცნიერთა კვლევების საგრანტო კონკურსის გამარჯვებული. ის არის 28 სამეცნიერო ნაშრომის ავტორი და თანაავტორი, მონაწილეა 15-ზე მეტი საერთაშორისო კონფერენციის. ის არის საქართველოს ფიზიოლოგთა საზოგადოების, საქართველოს ნეირომეცნიერთა ასოციაციის, ტვინის კვლევის საერთაშორისო ორგანიზაციის (IBRO) და ევროპის ნეირომეცნიერთა ასოციაციების ფედერაციის (FENS) წევრი. 2016-2020 წლებში იყო საქართველოს ნეირომეცნიერთა ასოციაციის აღმასრულებელი მდივანი. მას გავლილი აქვს სხვადასხვა პროფესიული ტრენინგი.
