თსუ-ში სტუდენტური ცხოვრება: აქტივობები და ღონისძიებები

"პერსონალის განვითარება და ტრანსნაციონალური თანამშრომლობა” - ანგარიში

2026-05-05

ევროპის უნივერსიტეტების ასოციაციის (European University Association) თემატურმა სამუშაო ჯგუფმა „პერსონალის განვითარება და ტრანსნაციონალური თანამშრომლობა“ ანგარიში გამოაქვეყნა. სამუშაო ჯგუფში, ევროპის უნივერსიტეტებთან ერთად, თბილისის სამედიცინო აკადემიას ფაკულტეტის განვითარების დეპარტამენტის ხელმძღვანელი, ასოცირებული პროფესორი მაკა ზარნაძე და სამედიცინო განათლებისა და კვლევის სპეციალისტი დეა გოდერძიშვილი წარმოადგენდნენ.

ანგარიშში თავმოყრილია თსა-ს მიერ, ერთი წლის განმავლობაში, განხორციელებული ინტენსიური თანამშრომლობის შედეგები. კერძოდ, აღწერილია თსა-ს პერსონალის განვითარებისთვის დანერგილი სწავლა-სწავლების მოდელის საუკეთესო გამოცდილება. ამ ანგარიშის მიზანია, გააერთიანოს ევროპის სხვადასხვა ქვეყნის უნივერსიტეტები, შექმნას პლატფორმა გამოცდილების გაცვლისა და ერთობლივი ხედვების ჩამოყალიბებისთვის, რაც გააუმჯობესებს სწავლის ხარისხს.

მნიშვნელოვანია, რომ აღნიშნული თანამშრომლობა ორმხრივ სარგებელს ქმნის: ერთი მხრივ, აკადემია აქტიურად მონაწილეობს ევროპის უნივერსიტეტების ასოციაციის საქმიანობაში და აზიარებს საკუთარ გამოცდილებას. მეორე მხრივ, თავადაც იღებს საუკეთესო საერთაშორისო პრაქტიკებს და კიდევ უფრო მეტად ინტეგრირდება ევროპულ საგანმანათლებლო სივრცეში.

ერთწლიანი მუშაობის შედეგად შემუშავებული რეკომენდაციები და პრაქტიკული ჩარჩო, ხელს უწყობს ტრანსნაციონალური თანამშრომლობის გაძლიერებას და პერსონალის პროფესიული განვითარების ეფექტიან განხორციელებას ევროპულ უმაღლეს განათლებაში.

სამუშაო ჯგუფის შემადგენლობაში არიან უელვას უნივერსიტეტი (ესპანეთი), კოტ-დ’აზურის უნივერსიტეტი (საფრანგეთი), უორვიკის უნივერსიტეტი (გაერთიანებული სამეფო) და სხვ. ჯგუფს ხელმძღვანელობდა ლინშოპინგის უნივერსიტეტი (შვედეთი). სამუშაო ჯგუფის კოორდინატორია: იონას ლეშკე, ბოხუმის რურის უნივერსიტეტის სტრატეგიული სასწავლო პროექტების მიმართულების ხელმძღვანელი (გერმანია).

CIMED-ის ექსპერტები თბილისის სამედიცინო აკადემიას სასწავლო გეგმის ინტეგრაციისა და კლინიკური ტრენინგის გაძლიერებაში ეხმარებიან

2026-04-01

თბილისის სამედიცინო აკადემიაში სამუშაო ვიზიტით იმყოფებოდნენ მედიცინის საგანმანათლებლო პროგრამების ინოვაციების დეპარტამენტის (CIMED) ხელმძღვანელები, პროფესორები იოუკ დენეკენსი და ჰერმან ვან როსუმი (ანტვერპენი, ბელგია).

ვიზიტის ფარგლებში, ექსპერტები შეხვდნენ თსა-ს ადმინისტრაციულ, აკადემიურ და მოწვეულ პერსონალს და განიხილეს სამედიცინო განათლების როგორც საბაზისო, ისე კლინიკურ ეტაპებზე არსებული გამოწვევები და მათი გადაჭრის გზები.

ექსპერტებმა ხაზი გაუსვეს სასწავლო პროგრამაში სხვადასხვა ტიპის ინტეგრაციის გაძლიერებას. მათ რეკომენდაცია გაუწიეს ჰორიზონტალური ინტეგრაციის გაუმჯობესებას ფსიქოსოციალური და ქცევითი მეცნიერებების კლინიკურ მსჯელობის სესიებში ჩართვით. მათ ასევე ხაზი გაუსვეს ვერტიკალური ინტეგრაციის მნიშვნელობას, რათა უზრუნველყოფილი იყოს პროფესიული კომპეტენციების უწყვეტი განვითარება საბაზისო სასწავლო კურსებიდან, კლინიკური სასწავლო კურსების ჩათვლით გარდა ამისა, ყურადღება გამახვილდა კლინიკური სწავლების ხარისხისა და ეფექტიანობის გაუმჯობესებაზე.

ექსპერტები შეხვდნენ სემესტრის კოორდინატორებს, გაუზიარეს პროცესების ეფექტიანი კოორდინაციის საერთაშორისო გამოცდილება.

გარდა ამისა, დაესწრნენ კლინიკური სასწავლო კურსების სემინარებს, რის შედეგადაც კლინიცისტებს მიაწოდეს დეტალური პროფესიული უკუკავშირი.

ვიზიტის პერიოდში ბელგიელმა ექსპერტებმა კლინიცისტებისთვის ჩაატარეს ტრენინგი თემაზე — „სწავლება და შეფასება კლინიკურ სასწავლო კურსებში“, დაესწრნენ პროგრამის კლინიკური თანამხელმძღვანელის, კაცა ბრეგვაძის უორქშოპს „სამუშაო ადგილზე შეფასების პრაქტიკების (WPBA)“ შესახებ. ტრენინგები ჩატარდა ინტერაქტიულ ფორმატში, კლინიცისტების აქტიური მონაწილეობით, რამაც მნიშვნელოვნად შეუწყო ხელი კლინიკური სწავლების გამოწვევებისა და მათი გადაჭრის გზების სიღრმისეულ განხილვას.

2026-03-04

https://youtu.be/8nIm6THNy1U?si=dTwKnF6_hS-JCBFu

თბილისის სამედიცინო აკადემიამ პროექტის “VITAL – Virtual Innovation and Training for Advancing Faculty Leaders, Digital Competencies, and Research Excellence” ოფიციალური გახსნის ღონისძიებას უმასპინძლა. აღნიშნული ინიციატივა Erasmus+ ვირტუალური მობილობის პროგრამის ფარგლებში დაფინანსებული საგრანტო პროექტია, რომელსაც კოორდინაციას უწევს სანტიაგო დე კომპოსტელას უნივერსიტეტი (ესპანეთი).

VITAL-ის მიზანია საქართველოში და უკრაინაში ადრეული კარიერული ეტაპის აკადემიური პერსონალის პროფესიული განვითარების გაძლიერება შემდეგი ოთხი ძირითადი მიმართულებით:

კარიერული განვითარების მხარდაჭერა რბილი უნარებისა (soft skills) და აკადემიური ლიდერობის ტრენინგების საშუალებით;
ციფრული კომპეტენციების გაუმჯობესება ინოვაციური და ხელოვნურ ინტელექტზე დაფუძნებული სწავლების მეთოდების გამოყენებით;
კვლევითი პოტენციალის გაძლიერება მენტორობის პროგრამების, მეთოდოლოგიური ვორქშოფებისა და თანაავტორობის შესაძლებლობების გზით;
ევროპული ღირებულებების ხელშეწყობა ინკლუზიური ლიდერობისა და ინსტიტუციური პოლიტიკის გაუმჯობესების გზით.

თსა-ში გამართული ოთხდღიანი შეხვედრა, მიეძღვნა ამ სამწლიანი პროექტის ოფიციალურ დაწყებას, რაც თავის მხრივ ქმნის საფუძველს პროექტის კოორდინირებული სტარტისთვის და ხელს უწყობს მის წარმატებულ განხორციელებას.

VITAL ხორციელდება საერთაშორისო კონსორციუმის მიერ, რომელიც აერთიანებს პარტნიორ ინივერსიტეტებს ესპანეთიდან (სანტიაგო დე კომპოსტელას უნივერსიტეტი), იტალიიდან (INFOR ელეა სმარტ ბიზნეს აკადემია), უკრაინიდან (უკრაინის მეცნიერებათა ეროვნული აკადემიის სურსათის ბიოტექნოლოგიისა და გენომიკის ინსტიტუტი, ტერნოპოლის ეროვნული სამედიცინო უნივერსიტეტი) და საქართველოდან (პეტრე შოთაძის სახელობის თბილისის სამედიცინო აკადემია, ბიზნესისა და ტექნოლოგიების ინივერსიტეტი).

პროექტში თსა მონაწილეობს როგორც პარტნიორი ორგანიზაცია და მისი განხორციელება და კოორდინაცია აკადემიის მხრიდან უზრუნველყოფილია თსა-ს ფაკულტეტის განვითარების დეპარტამენტისა და სამეცნიერო-კვლევითი და დოქტორანტურის დეპარტამენტის ფასილიტაციით.

2026-02-23

Erasmus+-ის პერსონალის მობილობის პროგრამის ფარგლებში, თსა-მ ლოძის სამედიცინო უნივერსიტეტის (პოლონეთი) სამედიცინო განათლების ცენტრის ხელმძღვანელს, პროფესორ იანუშ იანჩუკოვიჩს და მის კოლეგებს უმასპინძლა.

ვიზიტის მიზანი იყო აკადემიის სტუდენტებთან და პერსონალთან გამოცდილების გაზიარება.

ოთხ დღიანი ვიზიტის ფარგლებში, სტუმრებმა წარადგინეს თანამედროვე ხედვა და მეთოდოლოგია სამედიცინო პროფესიონალიზმის განსაზღვრისა და სწავლების მიმართულებით. ასევე, სტუდენტებს გაუზიარეს ინფორმაცია იმუნოლოგიაში გამოყენებული ინოვაციური მეთოდებისა და ტრავმაზე ორიენტირებული მოვლის/განათლების შესახებ. ინტერაქტიული ლექციების პარალელურად, სამუშაო შეხვედრები დაეთმო ლიდერობისა და ექიმ-პაციენტის კომუნიკაციის საკითხებს.

ვიზიტის ფარგლებში, ასევე გაიმართა პროდუქტიული შეხვედრები თსა-ს ადმინისტრაციულ და აკადემიურ პერსონალთან, სადაც მხარეებმა გაცვალეს საუკეთესო პრაქტიკა და მიმდინარე გამოცდილება სასწავლო პროგრამაში სამედიცინო პროფესიონალიზმის სწავლების და შეფასების შესახებ. შეხვედრებისას ასევე განიხილეს სამომავლო თანამშრომლობის პოტენციური სფეროები და განისაზღვრა ერთობლივი საქმიანობის ძირითადი მიმართულებები.

ხსენებულ საკითხებთან ერთად, სამუშაო ვიზიტის ნაწილი დაეთმო ერთიანი ჯანმრთელობის (one-health approach) მიდგომას და პლანეტარული ჯანმრთელობის აქტუალურ საკითხებს.

თსა-სთვის გამორჩეულად სასიამოვნო და საპატიო იყო პოლონელი კოლეგების მასპინძლობა და გეგმავს თანამშომლობის გაძლიერებას ერთობლივი სამეცნიერო, კვლევითი და ტრანსდისციპლინური საქმიანობის მიმართულებით.

2026-02-16

ევროპის უნივერსიტეტების ასოციაციის (EUA) ყოველწლიურ ფორუმს წელს ლისაბონმა (პორტუგალია) უმასპინძლა. ფორუმის ძირითადი თემა იყო ევროპის უნივერსიტეტებში სწავლა-სწავლების ხარისხის გაუმჯობესება პერსონალის პროფესიული განვითარების გზით.

შეხვედრის ფარგლებში, თბილისის სამედიცინო აკადემია წარადგინეს ფაკულტეტის განვითარების დეპარტამენტის ხელმძღვანელმა ასოცირებული პროფესორმა მაკა ზარნაძემ და რექტორის მიმდინარე საქმეების კოორდინატორმა ანა მამისეიშვილმა. აკადემიის წარმომადგენლებმა, ევროპელ პარტნიორ უნივერსიტეტებთან ერთად, ფორუმის მონაწილეებს გააცნეს ევროპის უნივერსიტეტების ასოციაციაცის თემატური სამუშაო ჯგუფის ერთწლიანი მუშაობის შედეგები. კერძოდ, მათ მონაწილეობა მიიღეს ვორქშოფის ფასილიტაციაში, რომელიც შეეხებოდა ტრანსნაციონალურ თანამშრომლობას პერსონალის განვითარების მიმართულებით.

2026-01-23

პროექტი VITAL – Virtual Innovation and Training for Advancing Faculty Leaders, Digital Competencies, and Research Excellence წარმოადგენს სტრატეგიულ შესაძლებლობების განვითარების საერთაშორისო ინიციატივას, რომელიც დაფინანსებულია Erasmus+ ვირტუალური მობილობის პროგრამის გრანტით.

პროექტში თსა მონაწილეობს როგორც პარტნიორი ორგანიზაცია და მისი განხორციელება და კოორდინაცია აკადემიის მხრიდან უზრუნველყოფილია თსა-ს ფაკულტეტის განვითარების დეპარტამენტისა და სამეცნიერო-კვლევითი და დოქტორანტურის დეპარტამენტის ფასილიტაციით.

პროექტის კოორდინატორია სანტიაგო დე კომპოსტელას უნივერსიტეტი, ესპანეთი. VITAL ხორციელდება საერთაშორისო კონსორციუმის მიერ, რომელიც აერთიანებს პარტნიორ ინივერსიტეტებს ესპანეთიდან (სანტიაგო დე კომპოსტელას უნივერსიტეტი), იტალიიდან (INFOR ელეა სმარტ ბიზნეს აკადემია), უკრაინიდან (უკრაინის მეცნიერებათა ეროვნული აკადემიის სურსათის ბიოტექნოლოგიისა და გენომიკის ინსტიტუტი, ტერნოპოლის ეროვნული სამედიცინო უნივერსიტეტი) და საქართველოდან (პეტრე შოთაძის სახელობის თბილისის სამედიცინო აკადემია, ბიზნესისა და ტექნოლოგიების ინივერსიტეტი).

პროექტის მიზანია საქართველოსა და უკრაინის უმაღლეს საგანმანათლებლო დაწესებულებებში ახალგაზრდა და კარიერის საწყის ეტაპზე მყოფი ფაკულტეტის წარმომადგენლების მენტორობა და გაძლიერება შემდეგ მიმართულებებში:

აკადემიური ლიდერობა
ციფრული პედაგოგიკა
კვლევითი კომპეტენციები

2025-12-26

თბილისის სამედიცინო აკადემიას (თსა), სამედიცინო განათლების ინოვაციების ცენტრის (CIMED) ხელმძღვანელები – პროფესორი ჟოზეტ დენეკენსი და პროფესორი ჰერმან ვან როსუმი სტუმრობდნენ.

ვიზიტის ფარგლებში გაიმართა სამუშაო შეხვედრები თსა-ს საგანმანათლებლო პროგრამების ხელმძღვანელებთან, მედიცინის სკოლის დეკანთან, ხარისხის უზრუნვეყოფის სამსახურთან და კლინიკური მსჯელობის ხაზის განმახორციელებელ გუნდთან. შეხვედრების დროს განიხილეს აკადემიაში დანერგილი საგანმანათლებლო ინოვაციების შედეგები, გაანალიზდა პედაგოგებისა და სტუდენტებისგან მიღებული უკუკავშირი და შეფასდა მათი გავლენა სასწავლო პროცესის ხარისხზე.

ხარისხის უზრუნველყოფის სამსახურთან ერთად CIMED-ის წარმომადგენლებმა განიხილეს ინოვაციების დანერგვისა და მონიტორინგის მექანიზმები.

ვიზიტის ფარგლებში სტუმრები დაესწრნენ კლინიკური მსჯელობის სესიას, რის შემდეგაც ლექტორს მიაწოდეს კონსტრუქციული უკუკავშირი სწავლების მეთოდოლოგიისა და სტუდენტთა ჩართულობის გაუმჯობესების მიზნით.

ასევე, აკადემიური და მოწვეული ლექტორებისთვის ჩატარდა ვორქშოფი თემაზე:
„PSII Curriculum: Patient-Centered, Student-Centered, Inquiry-Based, Integrated Curriculum – The Way to Teach Tomorrow’s Doctors, Doctors Fit for Purpose“.
ვორქშოფის ფარგლებში განსაკუთრებული ყურადღება დაეთმო სტუდენტზე და პაციენტზე ორიენტირებული, ინტეგრირებული სასწავლო პროგრამის მნიშვნელობას, კლინიკური მსჯელობის განვითარებასა და რეფლექსიის როლს თანამედროვე სამედიცინო განათლებაში.

ევროპის უნივერსიტეტების ასოციაციის შეხვედრა

2025-11-19

ევროპის უნივერსიტეტების ასოციაციის (EUA) თემატური სამუშაო ჯგუფის მორიგ შეხვედრას ლინშოპინგის უნივერსიტეტმა (შვედეთი) უმასპინძლა. თბილისის სამედიცინო აკადემიის (თსა) ფაკულტეტის განვითარების დეპარტამენტის სახელით, შეხვედრას ესწრებოდნენ დეპარტამენტის ხელმძღვანელი, ასოცირებული პროფესორი მაკა ზარნაძე და სამედიცინო განათლებისა და კვლევის სპეციალისტი დეა გოდერძიშვილი.

შეხვედრა მიზნად ისახავდა პერსონალის განვითარებისა და ტრანსნაციონალური თანამშრომლობის გაძლიერების ჩარჩოს შექმნასა და დასრულებას. ასევე, 2026 წლის თებერვალში ევროპის უნივერსიტეტების ასოციაციის სწავლა/სწავლების ფორუმისათვის ვორქშოპის მომზადებას.

2025 წლის გაზაფხულიდან თსა-ს ფაკულტეტის განვითარების დეპარტამენტი მონაწილეობს EUA-ის თემატური სამუშაო ჯგუფის საქმიანობაში, რომელიც ორიენტირებულია პერსონალის განვითარების ხელშეწყობასა და ტრანსნაციონალური თანამშრომლობის გაძლიერებაზე.

აღნიშნული ჯგუფი აერთიანებს ევროპის წამყვანი უნივერსიტეტების წარმომადგენლებს. კერძოდ, ლინშეპინგის უნივერსიტეტი (შვედეთი), ბოხუმის რურის უნივერსიტეტი (გერმანია), კოტ დ’აზურის უნივერსიტეტი (საფრანგეთი), უელვას უნივერსიტეტი (ესპანეთი), ვარვიკის უნივერსიტეტი (დიდი ბრიტანეთი), AAB კოლეჯი (კოსოვო), ალექსანდრე მოისიუს უნივერსიტეტი (ალბანეთი), სომხეთის ეროვნული პოლიტექნიკური უნივერსიტეტი (სომხეთი) და სხვა. თსა ჯგუფში წარმატებული აპლიკაციის საფუძველზე მოხვდა და აქტიურად მონაწილეობს სამუშაო პროცესში, რომელიც მიზნად ისახავს პერსონალის განვითარების საუკეთესო მოდელებისა და ინსტიტუციური პრაქტიკების გაზიარებას.

თსა EUA-ს თემატური სამუშაო ჯგუფის შეხვედრაში მონაწილეობს

2025-10-20

2025 წლის გაზაფხულიდან თბილისის სამედიცინო აკადემიის (თსა) ფაკულტეტის განვითარების დეპარტამენტი მონაწილეობს ევროპის უნივერსიტეტების ასოციაციის (EUA) თემატური სამუშაო ჯგუფის საქმიანობაში, რომელიც ორიენტირებულია პერსონალის განვითარების ხელშეწყობასა და ტრანსნაციონალური თანამშრომლობის გაძლიერებაზე.

აღნიშნული ჯგუფი აერთიანებს ევროპის წამყვანი უნივერსიტეტების წარმომადგენლებს საფრანგეთიდან, შვედეთიდან, დიდი ბრიტანეთიდან, ავსტრიიდან, კოსოვოდან და სხვა ქვეყნებიდან. თსა ჯგუფში წარმატებული აპლიკაციის საფუძველზე მოხვდა და აქტიურად მონაწილეობს სამუშაო პროცესში, რომელიც მიზნად ისახავს პერსონალის განვითარების საუკეთესო მოდელებისა და ინსტიტუციური პრაქტიკების გაზიარებას.

თემატური სამუშაო ჯგუფის მეორე შეხვედრა, რომელიც გაიმართა ონლაინ ფორმატში 2025 წლის სექტემბერში, მიეძღვნა უნივერსიტეტებში პერსონალის განვითარების ინსტიტუციური გამოცდილებების განხილვასა და თანამშრომლობის გაძლიერებას. შეხვედრაში მონაწილეობდნენ ევროპის სხვადასხვა უნივერსიტეტის წარმომადგენლები, რომლებმაც წარმოადგინეს წარმატებული პრაქტიკები და მიდგომები აკადემიური და ადმინისტრაციული პერსონალის პროფესიული განვითარების სფეროში.

თსა-ს ფაკულტეტის განვითარების დეპარტამენტის სახელით, შეხვედრას ესწრებოდნენ დეპარტამენტის ხელმძღვანელი, ასოცირებული პროფესორი მაკა ზარნაძე და სამედიცინო განათლებისა და კვლევის სპეციალისტი დეა გოდერძიშვილი.

შეხვედრაზე, თსა-ს სახელით პრეზენტაცია წარადგინა დეა გოდერძიშვილმა, რომელშიც ასახული იყო აკადემიის მიზნები, მიმდინარე ინიციატივები, საუკეთესო პრაქტიკები და არსებული გამოწვევები, მათ შორის, პერსონალის პროფესიული კომპეტენციების გაუმჯობესების პროცესში საჭიროებებზე დაფუძნებული მიდგომები.

ფაკულტეტის განვითარების დეპარტამენტმა ასევე გააზიარა სამომავლო გეგმები, რომელიც მიზნად ისახავს სწავლა-სწავლების ხარისხის გაუმჯობესებასა და საერთაშორისო თანამშრომლობის გაფართოებას.

ევროპის უნივერსიტეტების ასოციაციის თემატურ სამუშაო ჯგუფში მონაწილეობა თსა-ს შესაძლებლობას აძლევს, მიიღოს გამოცდილება ევროპის უნივერსიტეტების პერსონალის განვითარების სფეროში, გააზიაროს საკუთარი პრაქტიკა და ჩაერთოს EUA-ს პოლიტიკის ფორმირებაში, რომელიც მიზნად ისახავს პერსონალის განვითარების გზით სწავლა-სწავლების ხარისხის გაუმჯობესებას — ბოლონიის პროცესის პრინციპების შესაბამისად.

თემატური ჯგუფის მუშაობის შედეგები წარდგენილი იქნება EUA-ს ყოველწლიურ ევროპულ ფორუმზე.

ვორქშოპი - „შეფასება სამუშაო ადგილზე (WPBA – Mini-CEX და CbD)“

2025-10-15

თბილისის სამედიცინო აკადემიის ფაკულტეტის განვითარების დეპარტამენტისა და პროგრამების დეპარტამენტის ორგანიზებით ჩატარდა ვორქშოპი თემაზე: „შეფასება სამუშაო ადგილზე (WPBA – Mini-CEX და CbD)“.

ვორქშოპის მიზანი იყო კლინიკური სასწავლო კურსების განმახორციელებელი ლექტორებისთვის სამუშაო ადგილზე შეფასების თანამედროვე მეთოდების WPBA – Mini-CEX და CbD- გაცნობა და ათვისება.

პროგრამის თანახელმძღვანელმა, კახა ბრეგვაძემ, მონაწილეებს გააცნო სამუშაო ადგილზე შეფასების კონცეფცია, მისი მნიშვნელობა კლინიკური სწავლების პროცესში, საერთაშორისო გამოცდილება და აკადემიაში ამ მეთოდების დანერგვის გეგმა.

ვორქშოპის განსაკუთრებული ნაწილი დაეთმო Mini-CEX-ის სიმულაციურ სცენარს, რომლის ფარგლებშიც მონაწილეებს შესაძლებლობა ჰქონდათ დაკვირვებოდნენ სტუდენტისა და პაციენტის კომუნიკაციის, ასევე, ანამნეზის შეგროვების პროცესს და შემდეგ სტუდენტებისთვის მიეცათ კონსტრუქციული უკუკავშირი.

დისკუსიის ფორმატში მონაწილეებმა ასევე იმსჯელეს ემპათიის რუკისა და ეფექტური უკუკავშირის მიცემის პრინციპებზე.

საერთაშორისო კურსი „მინდობილი პროფესიული საქმიანობა“

2025-10-03

თსა-ს ერთსაფეხურიანი საგანმანათლებლო პროგრამების ხელმძღვანელებმა, ცისანა ლომაშვილმა და კახა ბრეგვაძემ წარმატებით გაიარეს საერთაშორისო ონლაინ კურსი მინდობილი პროფესიული საქმიანობის (Entrustable Professional Activities - EPAs) შესახებ: „Ins and Outs of Entrustable Professional Activities“. კურსი ორგანიზებული იყო ევროპის სამედიცინო სკოლების ასოციაციის (The Association of Medical Schools in Europe – AMSE) მიერ და მას უძვებოდნენ სამედიცინო განათლებაში ავტორიტეტული ისეთი ფიგურები, როგორიცაა ოლე ტენ კატე, ჰარმ პეტერსი და სხვები. აღსანიშნავია, რომ კურსში მონაწილეობის მიღებამდე, სააპლიკაციო კონკურსის გავლა იყო საჭირო, რის შედეგადაც მსოფლიოდან სულ 20 მონაწილე შეირჩა.

მინდობილი პროფესიული აქტივობები (EPAs) პროფესიულ საქმიანობათა ერთობლიობაა, რომელთა დამოუკიდებლად შესრულება შეიძლება მიენდოს სტუდენტს (დიპლომამდელი) ან რეზიდენტს (დიპლომისშემდგომი) მას შემდეგ, რაც ის ამ აქტივობების განხორციელების დროს შესაბამის კომპეტენციებს გამოავლენს. ამჟამად EPA აქტიურად ინერგება მსოფლიოს მრავალ ქვეყანაში.

EPA კურსი ძალიან მაღალი ინტენსივობით იყო დატვირთული. თსა-ს მედიცინი პროგრამის ხელმძღვანელებმა მონაწილეობა მიიღეს მცირე ჯგუფის აქტივობებსა და დისკუსიებში.

EPA-ის კურსის ფარგლებში მიღებული გამოცდილების საფუძველზე დაიგეგმა EPA-ის თსა-ს მედიცინის პროგრამაშიც იმპლემენტაცია, რომელიც ამჟამად მიმდინარეობს.

ლექციებისაგან თავისუფალი პროგრამის წარდგენა

2025-09-16

თსა-ს ფაკულტეტის განვითარების დეპარტამენტის ორგანიზებით აკადემიური და მოწვეული ლექტორებისათვის ვორქშოპი ჩატარდა.

ვორქშოფის მიზანი იყო - ლექციებისაგან თავისუფალი პროგრამის (lecture free) კონცეფციის წარდგენა და აქტიური სწავლების მეთოდების გაცნობა.

პროგრამების დეპარტამენტის ხელმძღვანელმა და ფაკულტეტის განვითარების დეპარტამენტის წარმომადგენლებმა მონაწილეებს გააცნეს ლექციებისაგან თავისუფალი პროგრამის კონცეფციის არსი. ეს არის ინოვაციური მიდგომა, რომელიც ემყარება მტკიცებულებებს და მიზნად ისახავს აქცენტის გადატანას სემინარების დროს აქტიურ სწავლებაზე. აღნიშნული მიდგომა ერთი მხრივ ხელს უწყობს სტუდენტს, თეორიული მასალა პრაქტიკაში გამოიყენოს, მეორე მხრივ ეხმარება მას გაანალიზოს, თუ როგორ ისწავლოს. ეს კი თავის მხრივ წარმოადგენს მთელი ცხოვრების განმავლობაში სწავლის საფუძველს (Lifelong learning).

ვორქშოპზე დამსწრეებმა ასევე მონაწილეობა მიიღეს აქტიური სწავლების სხვადასხვა მეთოდის სიმულაციაში, მათ შორის: Snowball method, Jigsaw method. ასეთმა სიმულაციურმა გარემომ მონაწილეებს საშუალება მისცათ, საკუთარ თავზე გამოეცადათ აქტიური სწავლების სხვადასხვა მიდგომა და ამავე დროს გაემართათ ჯანსაღი, მტკიცებულებებზე დაფუძნებული დისკუსია ლექციებისაგან თავისუფალი პროგრამის კონცეფციის, მისი დადებითი მხარეების, გამოწვევებისა და სამომავლოდ განსახორციელებელი აქტივობების შესახებ.

2025-08-31

თბილისის სამედიცინო აკადემიამ მონაწილეობა მიიღო სამედიცინო განათლების საერთაშორისო ასოციაციის ყოველწლიურ კონფერენციაში AMEE 2025. სამ დღიან ღონისძიებას წელს ბარსელონამ (ესპანეთი) უმასპინძლა. თსა კონფერენციაზე წარადგინეს თსა-ს ერთსაფეხურიანი საგანმანათლებლო პროგრამის ხელმძღვანელებმა ცისანა ლომაშვილმა და კახა ბრეგვაძემ, სამეცნიერო-კვლევითი დეპარტამენტის ხელმძრვანელმა გელა ბესელიამ, ფაკულტეტის განვითარების დეპარტამენტის ხელმძრვანელმა მაკა ზარნაძემ და რექტორის მიმდინარე საქმეების კოორდინატორმა ანა მამისეიშვილმა.

აღნიშნული კონფერენცია არის შესაძლებლობა გაეცნო სიახლეებსა და ინოვაციურ მიდგომებს სამედიცინო განათლებაში, მოუსმინო დარგის ექსპერტებს მთელი მსოფლიოს მასშტაბით და ამავე დროს, გაუზიარო მათ საკუთარი გამოცდილება.

ღონისძიება ყოველწლიურად აერთიანებს სამედიცინო განათლების წარმომადგენლებს მთელი მსოფლიოს მასშტაბით. წელს კი, კონფერენციამ 4000-მდე დელეგატს უმასპინძლა მთელი მსოფლიოდან.

გარდა AMEE 2025-ში მონაწილეობისა, მაკა ზარნაძემ ასევე მონაწილეობა მიიღო ფაკულტეტის განვითარების მე-8 საერთაშორისო კონფერენციაში (ICFDHP), სადაც ხაზი გაესვა ფაკულტეტის განვითარების წამყვან როლს სწავლების ხარისხის გაუმჯობესებაში, ფაკულტეტის განვითარების შესაძლო სტრატეგიებს და კვლევების მნიშვნელობას ფაკულტეტის განვითარების მიმართულებით პრობლემის იდენტიფიცირებისა და მისი დაძლევის გზების ძიების მიზნით.

2025-08-25

თსა-ს მიკრობიოლოგიის დეპარტამენტის ასოცირებულმა პროფესორმა და ფაკულტეტის განვითარების დეპარტამენტის ხელმძღვანელმა მაკა ზარნაძემ მონაწილეობა მიიღო ტრენერთა ტრენინგის პროგრამაში - Tiny earth Instructor Training, რომელიც ჩატარდა მედისონში, ვისკონსინი (აშშ). აღნიშნული ტრენინგ პროგრამა განსაკუთრებით მნიშვნელოვანია, რადგან იგი ყურადღებას ამახვილებს პედაგოგიური უნარების სრულყოფაზე, ლიდერული შესაძლებლობების გაძლიერებაზე და მომავალი პედაგოგების მოსამზადებელი უნარ-ჩვევების განვითარებაზე.

განსაკუთრებით აღსანიშნავია ტრენინგ პროგრამის აქცენტი მიკრობიოლოგიასა და მეცნიერების პოპულარიზაციაზე. ამ კომპონენტების ინტეგრაცია მონაწილეებს საშუალებას აძლევს, რთული სამეცნიერო საკითხები ფართო აუდიტორიისთვის გასაგები და საინტერესო ფორმით წარმოაჩინონ. ეს მნიშვნელოვნად უწყობს ხელს სამეცნიერო წიგნიერების გაღრმავებას, კვლევის საზოგადოებრივ აღქმას და მომავალი თაობის სამეცნიერო კვლევებში ჩართულობის წახალისებას.

2025-07-18

“ციფრული ინსტრუმენტი მედიცინის სკოლის/ფაკულტეტის სტუდენტების კლინიკური მსჯელობის უნარის ობიექტურად სტრუქტურირებული შეფასებისათვის” - თსა-ში ოთხ დღიანი ტრენინგ კურსი - VOSCE (ვირტუალური OSCE) ჩატარდა.

კურსი განკუთვნილი იყო სამედიცინო განათლების მქონე ნებისმიერი პირისათვის, მიუხედავად მათი გამოცდილებისა. განსაკუთრებით მნიშვნელოვანი კი იყო მათთვის, ვინც ჩართულია სტუდენტების სწავლებასა და შეფასებაში.

ტრენინგს დაესწრო 20 მონაწილე საქართველოს სხვადასხვა უნივერსიტეტიდან (პეტრე შოთაძის სახელობის თბილისის სამედიცინო აკადემია, საქართველოს აგრარული უნივერსიტეტი, აკაკი წერეთლის სახელმწიფო უნივერსიტეტი, ქართულ-ამერიკული უნივერსიტეტი, საქართველოს ეროვნული უნივერსიტეტი SEU). გარდა ამისა, ტრენინგში მონაწილეობდნენ წარმომადგენლები ერევნის მხითარ ჰერაცის სახელობის სახელმწიფო სამედიცინო უნივერსიტეტიდან და ბუხარას სახელმწიფო სამედიცინო ინსტიტუტიდან.

თეორიული მასალის გაცნობასთან ერთად, ტრენინგის დამსწრეებს საშუალება ჰქონდათ თსა-ს საგამოცდო ცენტრში მონაწილეობა მიეღოთ სიმულაციურ ციფრულ გამოცდაში, ასევე დასწრებოდნენ ობიექტურად სტრუქტურირებულ კლინიკურ გამოცდას აკადემიიის კლინიკური უნარ-ჩვევების ცენტრში.

ტრენინგის მონაწილეებს მიეცათ საშუალება ჯგუფურად ემუშავათ კლინიკური ქეისების სტრუქტურაზე სტუდენტთა კლინიკური მსჯელობის შესაფასებალად.

ტრენინგ კურსი მომზადდა თსა-ს პროფესორების მიერ (სპეციალისტები სამედიცინო განათლებაში) ევროკავშირის მიერ დაფინანსებული პროექტის - SAFEMED+ Simulation in Undergraduate MEDical Education for Improvement of Safety and Quality of Patient Care გამოცდილების მიხედვით. SAFEMED+-ის პროექტის მიზანს წარმოადგენდა სამედიცინო განათლების ხარისხის გაუმჯობესება, კლინიკური უნარების სწავლების მოდერნიზაცია და კურიკულუმში დანერგვა.

ტრენინგის პროგრამა აკრედიტირებული იყო უწყვეტი სამედიცინო განათლების აკრედიტაციის ევროპული საბჭოს (European Accreditation Council of Continuous Medical Education EACCME®) მიერ და მინიჭებული ჰქონდა 15.5 კრედიტ ქულა. ოთხ დღიანი ტრენიინგის დასრულების შემდგომ, მონაწილეებს გადაეცათ სერტიფიკატი შესაბამისი EACCME კრედიტ ქულებით.

პროფესორ კირან პანდიტის (აშშ) საჯარო ლექცია თსა-ში

2025-07-04

თსა-ს აკადემიური პერსონალისთვის ამერიკელი კოლეგის დოქტორ კირან პანდიტის (MD, MPH) საჯარო ლექცია გაიმართა. შეხვედრა ონლაინ რეჟიმში მიმდინარეობდა და მისი მთავარი თემა იყო Beyond Student Evaluations of Teaching and Educator Portfolios: A Multisource, Longitudinal System for Evaluating Teaching, რაც სწავლების შეფასების მრავალწყაროიან და გრძელვადიან მიდგომას ეხებოდა.

შეხვედრის ფარგლებში, დოქტორმა პანდიტმა წარადგინა პრეზენტაცია, სადაც ხაზი გაესვა საკითხს, რომ სტუდენტის მიერ ლექტორის და სწავლების პროცესის შფასება არ უნდა იყოს ერთადერთი ინსტრუმენტი აკადემიური პერსონალის შეფასებისას. პრეზენტაციის დროს მომხსენებელმა აუდიტორიას გაუზიარა გამოცდილება სწავლების ხარისხის შეფასების ალტერნატიული მეთოდების შესახებ და გააცნო კონკრეტული პრაქტიკული მაგალითები. განსაკუთრებული ყურადღება დაეთმო საკითხს — როგორ უნდა მოხდეს პედაგოგის პროფესიული იდენტობის (Teacher Identity) ჩამოყალიბებისა და განვითარების ხელშეწყობა აკადემიურ სივრცეში.

კირან პანდიტი არის ვიცე დეკანი ფაკულტეტის განვითარების მიმართულებით ალბერტ აინშტაინის კოლეჯში, (ნიუ-იორკი, აშშ). მას მრავალწლიანი და მრავალმხრივი გამოცდილება აქვს სამედიცინო განათლებაში, ფაკულტეტის განვითარებასა და სასწავლო პროგრამების ინოვაციურ დაგეგმვაში. იგი ამავდროულად ხელმძღვანელობს უნივერსიტეტებს შორის თანამშრომლობას ჯანდაცვის პროფესიებში სწავლების შეფასებისა და შეფასების მიმართულებით. იგი არის არაერთი საერთაშორისო კონფერენციის მონაწილე და თსა-ს აკადემიური პერსონალისა და დოქტორ პანდიტის თანამშრომლობაც სწორედ მსგავსი კონფერენციის, კერძოდ AMEE -2024 კონფერენციის ფარგლებში დაიწყო გასულ წელს.

ამერიკელ კოლეგასთან სამუშაო შეხვედრა ორგანიზებული იყო თბილისის სამედიცინო აკადემიის ფაკულტეტის განვითარების დეპარტამენტის მიერ.

თსა-ს წარმომადგენლებმა EUA-ს სამუშაო ჯგუფის შეხვედრაზე

2025-06-12

ევროპის უნივერსიტეტების ასოციაციის (EUA) თემატური ჯგუფის პირველ სამუშაო შეხვედრას კოტ დ’აზურის უნივერსიტეტმა უმასპინძლა (ნიცა, საფრანგეთი).

სწავლა-სწავლების, პერსონალის განვითარებისა და საერთაშორისო თანამშრომლობის თემატური სამუშაო ჯგუფის მიზანია ევროპის უნივერსიტეტებში სწავლა - სწავლების მიმართულებით პერსონალის განვითარების ხელშესაწყობად არსებული გამოწვევებისა და საუკეთესო პრაქტიკის განხილვა. ასევე, პერსონალის განვითარებაზე ორიენტირებული ტრანსნაციონალური თანამშრომლობის ჩარჩოს შემუშავება.

EUA-ს თემატურ სამუშაო ჯგუფში აკადემიას წარმოადგენენ თსა-ს ფაკულტეტის განვითარების დეპარტამენტის ხელმძღვანელი, ასოცირებული პროფესორი მაკა ზარნაძე და სამედიცინო განათლებისა და კვლევის სპეციალისტი დეა გოდერძიშვილი.

ევროპის უნივერსიტეტების ასოციაციის თემატურ სამუშაო ჯგუფში მონაწილეობა თსა-ს შესაძლებლობას აძლევს გამოცდილება მიიღოს ევროპის უნივერსიტეტებში პერსონალის განვითარების შესახებ. ამასთან, გააზიაროს საკუთარი გამოცდილება ამ მიმართულებით და შესაბამისად ჩაერთოს EUA-ს პოლიტიკის შემუშავებაში. კერძოდ, პერსონალის განვითარების გზით სწავლა-სწავლების ხარისხის გაუმჯობესების მიმართულებით, რაც ბოლონიის პროცესით არის გათვალისწინებული.

EUA სამუშაო ჯგუფის შემადგენლობაში შედის ევროპის 10 უნივერსიტეტის, მათ შორის: შვედეთის, დიდი ბრიტანეთის, საფრანგეთის, ავსტრიის, ესპანეთის, კოსოვოს, ალბანეთის, სომხეთის და უკრაინის 20 წარმომადგენელი.

თემატური ჯგუფის მუშაობის შედეგები წარდგენილი იქნება EUA-ს ყოველწლიურ ევროპულ ფორუმზე ლისაბონში 2026 წლის თებერვალში.

ტრენინგები თსა-ს აკადემიური და მოწვეული პერსონალისათვის

2025-04-30

თბილისის სამედიცინო აკადემიის აკადემიური და მოწვეული პერსონალის სამეცნიერო -კვლევითი უნარების განვითარების ხელშეწყობის მიზნით აკადემიაში ტრენინგების კვირეული გაიმართა:

თსა სადოქტორო პროგრამებისა და აკადემიის სამეცნიერო პოტენციალის წარდგენა - სადოქტორო პროგრამების ხელმძღვანელებმა, ეკატერინე კლდიაშვილმა და გია კამკამიძემ შეხვედრის მონაწილეებს წარუდგინეს სადოქტორო პროგრამები: “მედიცინის მეცნიერებები'' და ,,საზოგადოებრივი ჯანდაცვა". სამეცნიერო კვლევითი და დოქტორანტურის დეპარტამენტის ხელმძღვანელმა გელა ბესელიამ ისაუბრა აკადემიის სამეცნიერო პოტენციალის შესახებ. მომხსენებლებმა უპასუხეს შეხვედრის მონაწილეთა შეკითხვებს.

ტრენინგი - აკადემიური კეთილსინდისიერების პრინციპები - შეხვედრის მონაწილეებმა კონკრეტული ქეისების მაგალითებზე იმსჯელეს აკადემიური კეთილსინდისიერების საკითხებზე, რომელიც მნიშვნელოვანია ინსტიტუციის კვლევითი კომპონენტის და ასევე, კონკრეტული ინდივიდის სამეცნიერო კარიერის განვითარებისათვის და სერიოზულ გამოწვევას წარმოადგენს ხელოვნური ინტელექტის (AI) ეპოქაში.

ტრენინგი - ეფექტური სამეცნიერო კომუნიკაციის ძირითადი პრინციპები - შეხვედრის მონაწილეებმა კონკრეტული ქეისების მაგალითებზე იმსჯელეს სამეცნიერო კომუნიკაციის ძირითად პრინციპებზე. სამეცნიერო ჟურნალის შერჩევის წესებზე და სამეცნიერო პუბლიკაციის მომზადების მნიშვნელოვან საკითხებზე.

Workshop - კვლევა სამედიცინო განათლების მეთოდოლოგიის მიმართულებით - შეხვედრაზე აღინიშნა, რომ კვლევა სამედიცინო განათლების მეთოდოლოგიის მიმართულებით მნიშვნელოვანია, რათა ხელი შევუწყოთ მტკიცებულებაზე დაფუძნებული მეთოდოლოგიით სწავლებასა და შეფასებას აკადემიაში და შესაბამისად, უზრუნველვყოთ სწავლების მაღალი ხარისხი და კურსდამთავრებულების პროფესიონალებად ჩამოყალიბება (fit purpose). შეხვედრა წარიმართა ჯგუფებში მუშაობის სახით, სადაც მონაწილეებმა შეარჩიეს და ჩამოაყალიბეს კვლევითი/სამეცნიერო საკითხი, მეთოდოლოგია და თემის შედეგების მნიშვნელობა მიიღეს უკუკავშირი კოლეგებისა და ვიცე რექტორისაგან კვლევის მიმართულებით. დაიგეგმა ვორქშოფის შემდგომი შეხვედრაც, სადაც მონაწილეები წარმოადგენენ არჩეული თემის ირგვლივ ლიტერატურის მიმოხილვის შედეგებს და კვლევის გეგმას.

აქტივობები ორგანიზებული იყო სამეცნიერო კვლევითი და დოქტორანტურისა და ფაკულტეტის განვითარების დეპარტამენტების მიერ.

2025-04-08

თსა-ს როლი საზოგადოებაში განათლებისა და კვლევის მიღმა - აკადემიის ინსტიტუციური კულტურის განვითარებისა და ფაკულტეტის განვითარების დეპარტამენტის ორგანიზებით ვორქშოპი გაიმართა.

სამუშაო შეხვედრა მიზნად ისახავდა სოციალური პასუხისმგებლობის (ISR/CSR) იმ აქტივობების გაცნობას, რასაც თსა ინსტიტუციური კულტურის დეპარტამენტი ახორციელებს.

ვორქშოპს ესწრებოდნენ აკადემიური და მოწვეული ლექტორები, სტუდენტები, კურსდამთავრებულები, ადმინისტრაციის წარმომადგენლები.

შეხვედრის ფარგლებში ინსტიტუციური კულტურის განვითარების დეპარტამენტის ხელმძღვანელმა მაკა მაღლაკელიძემ მონაწილეებს გააცნო განათლებისა და კვლევის მიღმა აკადემიის როლი საზოგადოებაში. ისაუბრა თსა-ს მიერ უკვე განხორციელებული და მიმდინარე სოციალური პროექტების შესახებ, რაც მათთვის შთაგონების წყარო გახდა მომავალი იდეების დასაგეგმად.

ჯგუფებში გაერთიანებულმა მონაწილეებმა ერთობლივად განავითარეს კრეატიული იდეები და წარმოადგინეს პროექტების საინტერესო კონცეფციები, რომლებიც სოციალურ და კულტურულ ცვლილებებს ემსახურება.

ეფექტიანი სამეცნიერო ხელმძღვანელობის ძირითადი პრინციპები

2025-03-12

ფაკულტეტის განვითარების დეპარტამენტისა და სამეცნიერო კვლევითი და დოქტორანტურის დეპარტამენტის ორგანიზებით თსა-ში ჩატარდა ტრენინგი ეფექტიანი სამეცნიერო ხელმძღვანელობის ძირითადი პრინციპები.

ტრენინგის პროგრამა შეიქმნა სადოქტორო პროგრამების ხარისხის ევროპული სისტემის (ORPHEUS) მიერ ორგანიზებულ ტრენერთა ტრენინგზე. “სადოქტორო განათლების ხარისხი, სამეცნიერო ხელმძღვანელებისათვის ტრენინგის პროგრამების შექმნა" - ეს სწორედ იმ ტრენინგის დასახელებაა, რომელიც (29.09.-3.11.2024) ჩატარდა დუბროვნიკში (ხორვატია) და რომელშიც აქტიურად მონაწილეობდნენ თსა-ს დელეგატები.

ტრენინგის მიზანი იყო სამეცნიერო ხელმძღვანელების მხარდაჭერა, რათა მათ ხელი შეუწყონ სტუდენტებისა და მკვლევრების კარიერულ განვითარებას.

შეხვედრის ფარგლებში ინტერაქციულად, შესაბამისი შემთხვევების განხილვით იმსჯელეს სამეცნიერო ხელმძღვანელების უფლება-მოვალეობებზე, სამეცნიერო ეთიკის და კომუნიკაციის ძირითად გამოწვევებზე, სტუდენტსა და სამეცნიერო ხელმძღვანელს შორის სწორი კომუნიკაციის მნიშვნელობაზე, განმავითარებელი უკუკავშირის ძირითად პრინციპებზე, სტუდენტისა თუ მკვლევრის სტრესისა და გადაღლის ნიშნებზე. ასევე, განიხილეს სამეცნიერო ხელმძღვანელის მხრიდან სტუდენტის / მკვლევრის ფსიქიკური ჯანმრთელობის მხარდაჭერისა და პოზიტიური აკადემიური გარემოს შექმნის მნიშვნელობა და მიდგომები.

ზემოაღნიშნული თემები ტრენინგზე წარადგინეს ფაკულტეტის განვითარების დეპარტამენტის ხელმძღვანელმა, ასოცირებულმა პროფესორმა მაკა ზარნაძემ, სამედიცინო განათლების და კვლევის სპეციალისტმა დეა გოდერძიშვილმა, ასოცირებულმა პროფესორმა მანანა ლოლაძემ, თსა-ს სტუდენტთა სამეცნიერო კვლევითი აქტივობების კოორდინატორმა საბა იორდანიშვილმა, ბიბლიოთეკარმა ლუბა პოღოსოვამ და სტუდენტთა საკონსულტაციო სამსახურის უფროსმა მარიამ მაჭავარიანმა.

ტრენინგს ესწრებოდნენ თსა-ს სადოქტორო პროგრამების ხელმძღვანელები, ვიცე რექტორი კვლევის მიმართულებით ეკატერინე კლდიაშვილი, სამეცნიერო-კვლევითი და დოქტორანტურის დეპარტამენტის ხელმძღვანელი გელა ბესელია და თსა-ს პერსონალი.

საპილოტე ტრენინგის მონაწილეთაგან მიღებული უკუკავშირის გათვალისწინებით მოხდება პროგრამის სრულყოფა და 2025 წლიდან რეგულარულად და სავალდებულოდ ჩატარდება ტრენინგები სადოქტორო პროგრამების განხორციელებაში მონაწილე პერსონალისთვის.

ტრენინგები აკადემიური და მოწვეული პერსონალისთვის

2025-03-10

აკადემიური და მოწვეული პერსონალის პროფესიული განვითარების ხელშეწყობის მიზნით, ფაკულტეტის განვითარების დეპარტამენტის ორგანიზებით, თსა-ში ტრენინგების კვირეული ჩატარდა.

პირველი ტრენინგი რეფლექსიურ სესიას დაეთმო, რაც გულისხმობს პორტფოლიოს მენტორების ყოველსემესტრულ შეხვედრას. შეხვედრის მიზანი იყო პორტფოლიოში არსებული გამოწვევების განხილვა და გამოცდილების გაზიარება. ტრენინგის ფარგლებში, მენტორებმა, მათთვის სპეციალურად შემუშავებული თვითანალიზის ფორმის მიხედვით მოახდინეს თვითშეფასება, თუ რამდენად კარგად იცნობენ პორტფოლიოს როლს თსა-ს საგანმანათლებლო პროგრამაში და რამდენად სწორად აძლევენ უკუკავშირს სტუდენტებს. შეხვედრის მონაწილენი ასევე გაეცნენ მენტორობის მიმართულებით გამოქვეყნებულ სხვადასხვა კვლევას. ნანუკა წიკლაურმა და მარიამ გუგუშვილმა პრეზენტაციის სახით წარმოადგინეს და დამსწრე აუდიტორიასთან ერთად განიხილეს ერთ-ერთი სტატია “How do mentors perceive and perform their role in a reflection-based mentoring programme for medical students?” (Ghent University, International Journal of Medical Education. 2024. October).

გამოცდილების გაზიარება - შეხვედრას ფიზიოლოგიის სასწავლო კურსის განმახორციელებლები ესწრებოდნენ. შეხვედრა გაიხსნა თბილისის სამედიცინო აკადემიის პროფესორის, გელა ბესელიას პრეზენტაციით "მეხსიერების ნეირობიოლოგიური მექანიზმები". დამსწრე აუდიტორიამ ასევე განიხილა საკითხი, რომ სასურველია მსგავსი შეხვედრების ხშირად ორგანიზება, სადაც გარკვეულ თემებს დარგის სპეციალისტები წარადგენენ.

ტრენინგების კვირეულის ფარგლებში, ერთი შეხვედრა დაეთმო ანატომიური მაგიდის - (Anatomage) შესაძლებლობების მაქსიმალურად გამოყენებას. აღნიშნულ ტრენინგს დაესწრნენ ანატომიის სასწავლო კურსის განმახორციელებლები, რომელთა მიზანი იყო ანატომიური მაგიდის გამოყენების უნიკალური შესაძლებლობების გაცნობა და მათი სასწავლო პროცესში ჩართვა.

შეფასება სამედიცინო განათლებაში, როგორ შევქმნათ MCQ ტესტი - აღნიშნულ ტრენინგს უძღვებოდნენ საგამოცდო ცენტრის კოორდინატორები - ვახო დეისაძე და ჯიმი ბრეგვაძე. მათ ტრენინგის მონაწილეებს გააცნეს საერთაშორისო რეკომენდაციები და მათ საფუძველზე აკადემიაში შემუშავებული MCQ ტესტის შექმნის 10 წესი, რომლითაც სავალდებულოდ უნდა იხელმძღვანელონ თსა-ს ლექტორებმა.

2025-02-11

აპლიკაციის შესარჩევი საფეხურების გავლის შედეგად, თსა-ს განაცხადი წარმატებით იქნა მიღებული ევროპის უნივერსიტეტების ასოციაციის (EUA) მიერ და თსა მონაწილეობას მიიღებს 2025 წლის EUA-ს თემატური სამუშაო ჯგუფის მუშაობაში. ჯგუფის მუშაობა ორიენტირებულია პერსონალის განვითარებაზე და ტრანსნაციონალურ თანამშრომლობაზე.

ევროპის უნივერსიტეტების ასოციაციის თემატურ სამუშაო ჯგუფში მონაწილეობა თსა-ს შესაძლებლობას აძლევს მიიღოს გამოცდილება ევროპის უნივერსიტეტებში პერსონალის განვითარების შესახებ, ასევე გააზიაროს საკუთარი გამოცდილება ამ მიმართულებით და შესაბამისად ჩაერთოს ევროპის უნივერსიტეტების ასოციაციის პოლიტიკის შემუშავებაში პერსონალის განვითარების გზით სწავლა-სწავლების ხარისხის გაუმჯობესების მიმართულებით , რაც ბოლონიის პროცესით არის გათვალისწინებული. თემატური ჯგუფის მუშაობის შედეგები წარდგენილი იქნება EUA-ს ყოველწლიურ ევროპულ ფორუმზე.

EUA თემატური სამუშაო ჯგუფების (TPG) ძირითადი მიზნებია:

• ევროპის უნივერსიტეტებში სწავლა - სწავლების ორგანიზებისა და განხორციელების საუკეთესო პრაქტიკისა და მიღებული გამოცდილების განხილვა და შესწავლა;

• სწავლა - სწავლების გაუმჯობესებაში წვლილის შეტანა შერჩეულ თემებთან დაკავშირებული ძირითადი მოსაზრებების გამოვლენითა და გათვალისწინებით.

TPG 2025 ყურადღებას გაამახვილებს ევროპის უმაღლეს საგანმანათლებლო დაწესებულებებში პერსონალის განვითარებაზე, შეისწავლის, თუ როგორ შეიძლება პერსონალისა და სტუდენტის პარტნიორობამ მრავალფეროვანი გახადოს სწავლების პროცესი, მხარი დაუჭიროს პერსონალის განვითარებას და ხელი შეუწყოს სწავლების უფრო ინკლუზიურ მიდგომას.

თსა-ს ფაკულტეტის განვითარების დეპარტამენტის ხელმძღვანელი მაკა ზარნაძე და სამედიცინო განათლებისა და კვლევის სპეციალისტი დეა გოდერძიშვილი წარმოადგენენ აკადემიას EUA თემატურ სამუშაო ჯგუფში ერთი წლის განმავლობაში (2025 მარტი - 2026 თებერვალი).

აღსანიშნავია, რომ გასულ წელს, თსა წარმატებით მონაწილეობდა EUA AI Task-and-Finish Group-სამუშაო ჯგუფში, კვლევებში თსა-ს ვიცე-რექტორის ეკა კლდიაშვილის აქტიური მონაწილეობით.

ევროპის უნივერსიტეტების ასოციაცია (EUA) აერთიანებს 850-ზე მეტ უნივერსიტეტს ევროპის 49 ქვეყანაში. EUA გადამწყვეტ როლს ასრულებს ბოლონიის პროცესში და გავლენას ახდენს ევროკავშირის პოლიტიკაზე უმაღლეს განათლებაში. სხვა ევროპულ და საერთაშორისო ორგანიზაციებთან უწყვეტი თანამშრომლობით, EUA უზრუნველყოფს ევროპული უნივერსიტეტების დამოუკიდებელი აზრის გამოხატვას.

2025-01-23

სტუდენტზე ორიენტირებული სწავლება გულისხმობს სტუდენტის აქტიურ ჩართულობას სასწავლო პროცესში, რაც ხელს უწყობს თვითგანვითარების უნარის ჩამოყალიბებას და ზრდის სტუდენტის პასუხისმგებლობას საკუთარი ცოდნის ფორმირებაზე. თსა-ს საგანმანათლებლო პროგრამაში აქტიური სწავლების სხვადასხვა მეთოდია (TBL, Flipped Classroom, CBCR, Portfolio და სხვა) ინტეგრირებული, თუმცა თსა-ს მოტივირებული ლექტორები თავის მხრივაც უზრუნველყოფენ სხვადასხვა ექსტრაკურიკულური აქტივობის ორგანიზებას, რაც მოიცავს აქტიური სწავლების სხვადასხვა მაგალითს.

ბიოქიმიის დეპარტამენტის მოწვეული ლექტორის მარიამ ნიკოლაშვილის ინიციატივით, ჩატარდა ბიოქიმია 1ის საახალწლო-სახალისო შეჯიბრი.

აქტივობაში მონაწილეობდა პირველი სემესტრის 25 სტუდენტი, რომლებიც მცირე (3-4 სტუდენტი) ჯგუფებად იყვნენ დაყოფილი. მათ ევალებოდათ დროის შეზღუდულ მონაკვეთში ამოეცნოთ ბიოქიმიასთან დაკავშირებული კლინიკური კორელაციები და ეპასუხათ ბლიც-კითხვებზე.

შეჯიბრი წარიმართა სახალისოდ, საინტერესო, არასტრესულ გარემოში, სტუდენტების აქტიური ჩართულობით.

გამარჯვებულ გუნდებს გადაეცათ სიმბოლური საჩუქრები.

მნიშვნელოვანია, რომ მსგავსი სახალისო პროცესი ზრდის მოტივაციას სწავლისადმი, ავითარებს კრიტიკულ აზროვნებას, კომუნიკაციის უნარებს, ხელს უწყობს სიღრმისეულ სწავლას და ზრდის სტუდენტის პასუხისმგებლობას საკუთარი ცოდნის ფორმირებაზე.

2024-12-11

თსა-მ კლინიკური მიკრობიოლოგიის პროფესორს, ჯულიო პეტრონიოს უმასპინძლა. ვიზიტი მოლისეს უნივერსიტეტისა (UNIMOL-იტალია) და თსა-ს შორის Erasmus + თანამშრომლობის ფარგლებში შედგა. პროფესორმა პეტრონიომ შეხვედრები გამართა აკადემიის ადმინისტრაციასთან, მათ შორის მედიცინის ფაკულტეტის დეკანთან, კვლევისა და საერთაშორისო მიმართულების ვიცე რექტორებთან, საერთაშორისო დეპარტამენტის, ფაკულტეტის განვითარების დეპარტამენტისა და ხარისხის უზრუნველყოფის დეპარტამენტის წარმომადგენლებთან. შეხვედრის მიზანი იყო შემდგომი თანამშრომლობის გაძლიერება და Erasmus+ პროექტის გაგრძელება.

მოწვეულმა სპიკერმა ლექციები გამართა არა მხოლოდ სტუდენტებისთვის, არამედ აკადემიური და მოწვეული პერსონალისთვის. ლექციის სასაუბრო თემა იყო: "ხელახლა წარმოქმნილი ვექტორებით გადამდები დაავადებები: ეპიდემიოლოგიიდან რეზისტენტობამდე" და მიზნად ისახავდა ხელახლა წარმოქმნილი ვექტორული დაავადებების მიმოხილვას. ფოკუსირება გაკეთდა მათ ეპიდემიოლოგიაზე, ფაქტორებზე, რომლებიც ხელს უწყობენ მათ განვითარებას და ანტიმიკრობული რეზისტენტობის ზრდას.

ლექციის დროს პროფესორმა განიხილა შემდეგი საკითხები:

• ვექტორებით გადამდები დაავადებები, ძირითადი ვექტორები და ხელახლა გაჩენილი დაავადებების მაგალითები (როგორიცაა: დენგუს ცხელება, მალარია, ზიკა, ჩიქუნგუნია);

• ეპიდემიოლოგია და ფაქტორები, რომლებიც ხელს უწყობენ დაავადების ხელახლა გაჩენას, მათ შორის კლიმატის ცვლილებას, ურბანიზაციას და გლობალურ მოგზაურობას;

• დაავადების გადაცემის დინამიკა და მასპინძელი ვექტორ-პათოგენის ურთიერთქმედება;

• ანტიმიკრობული მედიკამენტებისადმი რეზისტენტობის პრობლემები.

თითოეული ლექცია დასრულდა ინტერაქციული კითხვა-პასუხით, რომელმაც თავის მხრივ ხელი შეუწყო სტუდენტებთან დისკუსიას და ჩართულობას.

2024-12-02

საერთაშორისო სამეცნიერო კონფერენციის - „მედიცინა: ინოვაციები და გამოწვევები 2024 (MEDIC 2024)” ფარგლებში, თსა აკადემიური და მოწვეული პერსონალის პროფესიონალიზაციის მიზნით, ფაკულტეტის განვითარებისა და სამეცნიერო კვლევითი და დოქტორანტურის დეპარტამენტების ინიციატივითა და მხარდაჭერით ჩატარდა პერსონალისა და სტუდენტების კვლევითი უნარების განვითარების ხელშეწყობაზე მიმართული ვორქშოფები:

26 ნოემბერი - "Teacher’s self-reflection as a tool for faculty development"

შეხვედრის მონაწილეები გაეცნენ თვითანალიზის, როგორც პედაგოგის პროფესიული განვითარების კომპონენტის მნიშვნელობას და ამ მიმართულებით არსებულ საერთაშორისო რეკომენდაციებს. გარდა ამისა, მონაწილეებმა ინდივიდუალურად შეავსეს აკადემიის მიერ საერთაშორისო რეკომენდაციების საფუძველზე შემუშავებული პედაგოგის თვითანალიზის ფორმა. დოკუმენტი აძლევს პედაგოგს შესაძლებლობას, საკუთარი საქმიანობა შეაფასოს წინასწარ განსაზღვრულ სტანდარტებთან/დოკუმენტებთან მიმართებით.

შეხვედრის ფარგლებში მონაწილეებმა ინტერაქციული ფორმით იმსჯელეს რამდენად დაეხმარება თვითანალიზის ხსენებული ფორმა პედაგოგს საკუთარი ძლიერი და გასაუმჯობესებელი მხარეების იდენტიფიცირებაში.

27 ნოემბერი: “Holistic approach to doctoral supervision: expectations, roles and responsibilities

შეხვედრას უძღვებოდა პროფესორი მელიტა კოვაჩევიჩი - ზაგრების უნივერსიტეტის პროფესორი, ევროპის საუნივერსიტეტო ასოციაციის სადოქტორო საბჭოს ყოფილი ხელმძღვანელი, ასოციაცია PRIDE-ის საბჭოს თავმჯდომარის მოადგილე.

შეხვედრის მონაწილეებს მოდერატორმა გააცნო მოლოდინები სადოქტორო და სამაგისტრო პროგრამების ხელმძღვანელებისადმი, მათი უფლება/მოვალეობები, საერთაშორისო რეკომენდაციები. ღონისძიების მონაწილეებმა ინტერაქციულად იმსჯელეს საერთაშორისო პრინციპებისა და გამოცდილების აკადემიაში დანერგვის შესაძლებლობებზე.

28 ნოემბერი: How to convert abstract to research paper

შეხვედრის მონაწილეებს ვიცე რექტორმა კვლევის მიმართულებით - ეკატერინე კლდიაშვილმა, გააცნო სამეცნიერო ნაშრომისადმი წაყენებული მოთხოვნები, სამეცნიერო ნაშრომის შესრულების ეტაპები, საერთაშორისო ჟურნალების მოთხოვნები სამეცნიერო ნაშრომისადმი.

შეხვედრის მონაწილეებმა ინტერაქციული ფორმით იმსჯელეს გამოწვევებზე, რომელიც მათ აქვთ სამეცნიერო ჟურნალებში ნაშრომის წარდგენისას, და ამ გამოწვევების დაძლევის შესაძლებლობებზე.

ვიზიტი სანტიეგო დე კომპოსტელას უნივერსიტეტში

2024-11-20

თსა-ს მიკრობიოლოგიის დეპარტამენტის ასოცირებული პროფესორი, თსა ფაკულტეტის განვითარების დეპარტამენტის ხელმძღვანელი მაკა ზარნაძე, პერსონალის განვითარების პროგრამის - Erasmus Staff Mobility ფარგლებში იმყოფებოდა სანტიაგო დე კომპოსტელას უნივერსიტეტის (ესპანეთი) მიკრობიოლოგიის დეპარტამენტში. ვიზიტის ფარგლებში (11-17 ნოემბერი) მან მონაწილეობა მიიღო ანტიბიოტიკორეზისტენტობის შესახებ ცნობიერების ამაღლების კვირეულში და წარადგინა პრეზენტაცია - Hints of Antibiotic Resistance – Bacteriophages.

მობილობის ფარგლებში მას საშუალება ჰქონდა გაეზიარებინა ესპანელი კოლეგების გამოცდილება სანტიაგო დე კომპოსტელას უნივერსიტეტში მიკრობიოლოგიის სწავლებასთან დაკავშირებით და ასევე გასცნობოდა მასპინძელი უნივერსიტეტის კვლევით შესაძლებლობებს.

2024-10-30

ევროპის სამედიცინო სკოლების ასოციაციის (AMSE) ყოველწლიურ კონფერენციას წელს თესალონიკმა (საბერძნეთი) უმასპინძლა. თსა-ს დელეგაციამ, რომლის შემადგენლობაშიც იყვნენ მედიცინის სკოლის დეკანი ლალი მეკოკიშვილი, დეკანის მოადგილე სასწავლო პროცესის მართვის მიმართულებით მარიკა თხელიძე, ინსტიტუციური კულტურის განვითარების დეპარტამენტის ხელმძღვანელი მაკა მაღლაკელიძე, Horizon Europe-ის საგრანტო ოფისის კოორდინატორი მაგდა ტვილდიანი და რექტორის მიმდინარე საკითხების კოორდინატორი ანა მამისეიშვილი, წარადგინა ორი პოსტერ - პრეზენტაცია: “Application of photography and storytelling in developing medical students’ attitudes towards practice in remote and rural areas” და “International Students Experiences: Enhancing Critical Analysis and Decision-Making Skills with Virtual Patient Simulation”.

გარდა ამისა, მათ მონაწილეობა მიიღეს კონფერენციის ფარგლებში დაგეგმილ მთელ რიგ აქტივობებში, მათ შორის ლექციებში, პანელური დისკუსიებსა და სემინარებში.

ორდღიანი კონფერენცია მიზნად ისახავდა ცოდნისა და პაციენტზე ორიენტირებული მაგალითების გაზიარებას, ასევე ჯანდაცვის სისტემის განსავითარებლად საზოგადოების ჩართულობის გაძლიერებას.

AMSE-ს ყოველწლიური კონფერენცია მნიშვნელოვანი პლატფორმაა სამედიცინო სკოლებისთვის გამოცდილებისა და საუკეთესო პრაქტიკის გასაზიარებლად. ასევე, ჯანდაცვის პროფესიონალებისთვის კავშირების გასაძლიერებლად.

ღონიესძიების მონაწილეებს საშუალება მიეცათ ეთანამშრომლათ ექსპერტებთან და დარგის პროფესიონალებთან მთელი ევროპის მასშტაბით, ასევე, მიეღოთ ინფორმაცია სამედიცინო განათლების, კვლევისა და პაციენტის მოვლის უახლესი მეთოდების შესახებ.

2024-10-16

„სადოქტორო განათლების ხარისხი“ - ამ სახელწოდების ტრენერთა ტრენინგს უმასპინძლა დუბროვნიკმა (ხორვატია). ღონისძიება ორგანიზებული იყო სადოქტორო პროგრამების ხარისხის ევროპული სისტემის (ORPHEUS) მიერ, რომელშიც მონაწილეობა მიიღეს თსა-ს ფაკულტეტის განვითარების დეპარტამენტის ხელმძღვანელმა, მიკრობიოლოგიის დეპარტამენტის ასოცირებულმა პროფესორმა მაკა ზარნაძემ და თსა-ს საგრანტო კომიტეტის წევრმა, მიკრობიოლოგიის დეპარტამენტის ასოცირებულმა პროფესორმა მანანა ლოლაძემ.

ტრენერთა ტრენინგის მიზანი იყო, სადოქტორო პროგრამების ხარისხის უზრუნველსაყოფად, სამეცნიერო ხელმძღვანელებისათვის ტრენინგის პროგრამების შექმნა.

სამუშაო შეხვედრების მიმდინარეობისას, მონაწილეებმა ერთმანეთს გაუზიარეს საკუთარი გამოცდილება, ერთობლივად იმუშავეს სამეცნიერო ხელმძღვანელების ტრენინგ პროგრამაზე და მიიღეს უკუკავშირი ტრენინგის ფასილიტატორებისაგან. ტრენინგების შემდგომ, კი დამოუკიდებლად შეიმუშავეს საკუთარი უნივერსიტეტების ტრენინგ-პროგრამები სამეცნიერო ხელმძღვანელებისათვის.

ტრენინგს ფასილიტაციას უწევდნენ კაროლინსკას უნივერსიტეტის პროფესორი, სადოქტორო პროგრამების დეკანი რობერტ ჰარისი, ვიცე-პრეზიდენტი ჯენეტ კარტუნი და აღმასრულებელი კომიტეტის წარმომადგენელი პროფესორი ჯოანა ალმეიდა პალჰა. ტრენინგს ასევე ესწრებოდა ORPHEUS-ის პრეზიდენტი ჯონ გრიმერსი.

შეხვედრაში მონაწილეობდა ევროპის 11 სხვადასხვა უნივერსიტეტის 15 წარმომადგენელი.

2024-09-19

თსა-ში ახალი ლექტორებისთვის საორიენტაციო შეხვედრები გაიმართა, შეხვედრების მიზანი იყო ლექტორების ახალ სამუშაო სივრცეში ინტეგრაციის ხელშეწყობა.

შეხვედრის ფარგლებში ახალ ლექტორებს აკადემიის ვიცე-რექტორმა კვლევის მიმართულებით ეკატერინე კლდიაშვილმა გააცნო აკადემიის ძირითადი სტრატეგიული მიმართულებები, დეკანმა ლალი მეკოკიშვიმა საორგანიზაციო საკითხები და ადმინისტარციასთან კომუნიკაციის შესაძლებლობები. ინსტიტუციური კულტურის განვიტარების დეპარტამენტის ხელმძღვანელმა მაკა მაღლაკელიძემ კი, მონაწილეებს ვორკშოფის საშუალებით მისცა შესაძლებლობაგაეანალიზებინათ აკადემიის მისია.

შეხვედრის მონაწილეები ასევე გაეცნენ თსა-ს საგანმანანთლებლო პროგრამას. საბიბლიოთეკო რესურსებს და სასწავლო პროცესის მართვის ელექტრონულ სისტემას. მათ ასევე შესაძლებლობა მიეცათ დაეთვალიერებინათ თსა-ს საგანმანათლებლო ინფრასტრუქტურა, კერძოდ, კლინიკური უნარ-ჩვევების ცენტრი და ბიბლიოთეკა.

ხარისხის უზრუნვეყოფის სამსახურის უფროსი ნინო სიხარულიძე შეხვედრის მონაწილეებს ესაუბრა აკადემიაში დამკვიდრებული ხარისხის კულტურაზე და ლექტორების ჩართულობაზე ხარისხის უზრუნველსაყოფად. საგამოცდო ცენტრის ხელმძღვანელმა ვახტანგ დეისაძემ მონაწილეებს გააცნო საგამოცდო ცენტრის ფუნქციონირების ძირითადი პრინციპები და გამოცდების სტანდარტიზაციის პროცესი.

შეხვედრის ფარგლებში, მონაწილეებს საშუალება ჰქონდათ გაცნობოდნენ სამედიცინო განათლებაში ჩართული ლექტორის კომპეტენციათა ჩარჩოს, რომელიც ევროპის სამედიცინო განათლების საერთაშორისო ასოციაციის - AMEE მიერ მოწოდებული გზამკვლევებისა და რონალდ ჰარდენის სახელმძღვანელოს - Eight Roles of the Medical Teacher საფუძველზე აკდემიის ფაკულტეტის განვითარების დეპარტამენტმა შეიმუშავა.

შეხვედრის დასასრულს, მედიცინის სკოლის დეკანმა ლალი მეკოკიშვილმა და პროგრამის ხელმძღვანელებმა ცისანა ლომაშვილმა ახალ ლექტორებს მათთვის საინტერესო შეკითხვებზე უპასუხეს.

შეხვედრის შემდეგ, ლექტორები წერენ თვით-ანალიზს, სადაც ასახავენ მიღებული ინფორმაციის ღირებულებას და სწავლების პროცესში პრაქტიკული გამოყენების შესაძლებლობას. ლექტორებისგან მიღებული უკუკავშირის საფუძვეკზე ფაკულტეტის განვითარების დეპარტამენტი გეგმავს შემდგომ აქტივობებს ლექტორებისათვის.

2024-09-04

თსა-ს წარმომადგენლებმა სამედიცინო განათლებისადმი მიძღვნილ წლის ყველაზე მნიშვნელოვან ღონისძიებაში მიიღეს მონაწილეობა. სამედიცინო განათლების საერთაშორისო ასოციაციის კონფერენციას, AMEE -2024 (24.08-28.08) წელს ბაზელმა (შვეიცარია) უმასპინძლა, სადაც აკადემიამ სამი პრეზენტაცია წარადგინა.

Exploring Perspectives on Death and Dying Among Final-Year Undergraduate Medical Students at Tbilisi Medical Academy, Georgia - კახა ბრეგვაძე, სამედიცინო საგანმანათლებლო პროგრამების ინოვაციების კოორდინატორი;
Explore to Real and Virtual patients as professional perception and motivation for preclinical medical students - მაგდა ტვილდიანი, Horizon Europe საგრანტო ოფისის კოორდინატორი და დეა გოდერძიშვილი, სამედიცინო განათლებისა და კვლევის სპეციალისტი
Introducing GOTs (growth-oriented tests) – relative freedom with responsibility - ბიძინა ჩაჩხიანი, ხარისხის უზრუნველყოფის სამსახურის უფროსის მოადგილე და ვახო დეისაძე, საგამოცდო ცენტრის ხელმძღვანელი.

გარდა ამისა, კონფერენციის ფარგლებში, აკადემიის წარმომადგენლებმა მონაწილეობა მიიღეს სამუშაო შეხვედრებში, დაესწრნენ პლენარულ სხდომებსა და გამოფენებს.

Connect, Grow and Inspire - ამ ეგიდით მიმდინარეობდა წლევანდელი კონფერენცია, რომელსაც მსოფლიოს 100-ზე მეტი ქვეყნის სხვადასხვა უნივერსიტეტის ათასობით წარმომადგენელი ესწრებოდა. ეს კონფერენცია საუკეთესო საშუალებაა, საერთაშორისო თანამშრომლობის, პროფესიული ზრდისა და ჯანდაცვის განათლების უახლესი ტენდენციების გაცნობის მიზნით.

2024-08-27

თსა მუდმივად უზრუნველყოფს აკადემიური და მოწვეული პერსონალის პროფესიული განვითარების ხელშეწყობას სწავლა - სწავლების, შეფასების მეთოდების და სამეცნიერო-კვლევითი უნარების გაუმჯობესების მიმართულებით. სწორედ ამ მიზნით, თსა-ს წარმომადგენლებმა მარიამ ნიკოლაშვილმა, ნათია გარუჩავამ, მარიამ გოგაძემ, ინა ლეშკაშელმა და თინათინ ახვლედიანმა მონაწილეობა მიიღეს საზაფხულო მოკლევადიან გაცვლით პროგრამებში, რომელსაც რადბაუდის უნივერსიტეტმა უმასპინძლა, (ნიდერლანდები, ქ. ნაიმეგენი).

Erasmus+ Staff mobility პროგრამის ფარგლებში, აკადემიის წარმომადგენლები დაესწრნენ რადბაუდის უნივერსიტეტის მიერ ორგანიზებულ სხვადასხვა ტრენინგ-კურსს: SEM (Structural Equation Modeling), Excellence beyond borders: Breaking down barriers in gifted education, INSIGHTS: Integrating sex and gender in health sciences.

გაცვლით პროგრამაში მონაწილეების შერჩევა მოხდა ღია კონკურსის წესით, თსა-ს შესარჩევი კომისიისა და რადბაუდის უნივერსიტეტის საერთაშორისო დეპარტამენტის მიერ.

ნიდერლანდებში მიღებულ გამოცდილებას კი პროგრამის მონაწილეები შემოდგომაზე გაუზიარებენ კოლეგებს აკადემიაში.

2024-08-05

22.07-25.07.2024 ფაკულტეტის განვითარების დეპარტამენტის ორგანიზებით ჩატარდა ტრენინგი - „VOSCE (ვირტუალური OSCE) - “ციფრული ინსტრუმენტი მედიცინის სკოლის/ფაკულტეტის სტუდენტების კლინიკური მსჯელობის უნარის ობიექტურად სტრუქტურირებული შეფასებისათვის” (Digitalized tool for Objective Structured Examination of Clinical Reasoning Skills of Medical Students)

ტრენინგი აკრედიტებული იყო უწყვეტი სამედიცინო განათლების აკრედიტაციის ევროპული საბჭოს (EACCME®) მიერ (17 CME კრედიტით)

4 დღის განმავლობაში აკადემიამ 11 სხვადასხვა უნივერსიტეტის ( მათ შორის ილიას სახელმწიფო უნივერსიტეტი., თბილისის სახელმწიფო უნივერსიტეტი, თბილისის სახელმწიფო სამედიცინო უნივერსიტეტი, საქართველოს უნივერსიტეტი, Alte უნივერსიტეტი, გრიგოლ რობაქიძის სახელობის უნივერსიტეტი, ქართულ-ამერიკული უნივერსიტეტი, დავით ტვილდიანის უნივერსიტეტი, ერევნის ტრადიციული მედიცინის და ერევნის სახელმწიფო უნივერსიტეტი, კერალას უნივერსიტეტი (ინდოეთი), თბილისის სამედიცინო აკადემია) 41 წარმომადგენელს უმასპინძლა ( 25 დასწრებით, 16 ონლაინ).

ტრენინგ/კურსის მიზანი იყო - სამედიცინო სკოლის/ფაკულტეტის სტუდენტების კლინიკური მსჯელობის უნარის შესაფასებლად ობიექტურად სტრუქტურირებული ციფრული ინსტრუმენტის - (ვირტუალური OSCE/VOSCE ) გაცნობა.

4 დღიანი დატვირთული ტრენინგის ფარგლებში მონაწილეებს თეორიული მასალის გაცნობასთან ერთად საშუალება ჰქონდათ ჯგუფურად მოემზადებინათ დავალებები ობიექტურად სტრუქტურირებული კლინიკური გამოცდისთვის (OSCE) და ასევე დასწრებოდნენ შესაბამის გამოცდებს აკადემიაში (VOSCE და OSCE). ტრენინგის მონაწილეებს ასევე საშუალება ჰქონდათ, მოერგოთ სტუდენტის როლი და გამოეცადათ საკუთარი თავი VOSCE-ის ფარგლებში

ტრენინგ კურსი მომზადდა თსა-ს პროფესორების - ია ავალიანი, ცისანა ლომაშვილი, აკაკი სეფაშვილი, ხატია ხატიაშვილი, თათია შოთაძე, ბერიკა კიკნაძის - მიერ.

2024-07-30

თსა-ს ფაკულტეტის განვითარებისა და კვლევითი და დოქტორანტურის დეპარტამენტის ორგანიზებით, სამუშაო შეხვედრა Journal Club გაიმართა.

Journal Club პერსონალის პროფესიული განვითარების ხელშემწყობი ერთ-ერთი აქტივობაა, სადაც სფეროს ექსპერტები განიხილავენ თანამედროვე ლიტერატურას, სამედიცინო განათლების მეთოდოლოგიის მიმართულებით.

ამჟამად, Journal Club თემა იყო ხელოვნური ინტელექტი უმაღლეს განათლებაში - შესაძლებლობები და გამოწვევები.

შეხვედრის მონაწილეებს HORIZON EUROPE საგრანტო ოფისის კოორდინატორმა მაგდა ტვილდიანმა წარუდგინა ჟურნალში „Medical Teacher“ 2023 წელს გამოქვეყნებული სტატია - Ethical use of Artificial Intelligence in Health Professions Education.

კვლევითი და დოქტორანტურის დეპარტამენტის ხელმძღვანელმა ეკა კლდიაშვილმა, რომელიც ამავდროულად ევროპის უნივერსიტეტების ხელოვნური ინტელექტის მიმართულებით მომუშავე ჯგუფის წევრია, წარადგინა პრეზენტაცია, სადაც მიმოიხილა ხელოვნური ინტელექტი, როგორც უმაღლესი განათლების ტრანსფორმაციის შესაძლებლობა.

ხოლო, სტუდენტთა სამეცნიერო-კვლევითი აქტივობების კოორდინატორმა საბა იორდანიშვილმა და საერთაშორისო სტუდენტთა კოორდინატორმა საიფ რუსტუმმა ისაუბრეს, თუ როგორ იყენებენ ხელოვნური ინტელექტის შესაძლებლობებს ყოველდღიურ პრაქტიკაში.

ღონისძიების დასასრულს, მონაწილეებმა ისაუბრეს ხელოვნური ინტელექტის მიმართულებით სტუდენტებთან და ლექტორებთან შემდგომი დიალოგის გაგრძელების აუცილებლობაზე და ასევე ხაზი გაუსვეს თსა-ში ამ მიმართულებით მოქმედი კლუბის მუშაობაში ლექტორების ჩართულობის მნიშვნელობას.

2024-07-04

რეგისტრაცია EACCME® მიერ აკრედიტებულ კურსზე

22.07-25.07.2024 პეტრე შოთაძის სახელობის თბილისის სამედიცინო აკადემია (თსა) გთავაზობთ უწყვეტი სამედიცინო განათლების აკრედიტაციის ევროპული საბჭოს (EACCME®) მიერ აკრედიტებულ ოთხ დღიან ტრენინგ კურსს (17 CME კრედიტით).

„VOSCE (ვირტუალური OSCE) - “ციფრული ინსტრუმენტი მედიცინის სკოლის/ფაკულტეტის სტუდენტების კლინიკური მსჯელობის უნარის ობიექტურად სტრუქტურირებული შეფასებისათვის” (Digitalized tool for Objective Structured Examination of Clinical Reasoning Skills of Medical Students).

კურსი განკუთვნილია სამედიცინო განათლების მქონე ნებისმიერი პირისათვის, განსაკუთრებით მათთვის, ვინც ჩართულია სტუდენტების სწავლებასა და შეფასებაში, მიუხედავად მათი გამოცდილებისა.

ტრენინგ/კურსის მიზანი - სამედიცინო სკოლის/ფაკულტეტის სტუდენტების კლინიკური მსჯელობის უნარის შესაფასებლად ობიექტურად სტრუქტურირებული ციფრული ინსტრუმენტის - (ვირტუალური OSCE/VOSCE) გაცნობა.

ტრენინგის ფარგლებში თეორიული მასალის გაცნობასთან ერთად საშუალება გექნებათ ჯგუფურად მოამზადოთ დავალებები ობიექტურად სტრუქტურირებული კლინიკური გამოცდისთვის და ასევე დაესწროთ შესაბამის გამოცდებს აკადემიაში (VOSCE და OSCE).

ტრენინგ კურსი მომზადდა თსა-ს პროფესორების მიერ (სპეციალისტები სამედიცინო განათლებაში)ევროკავშირის მიერ დაფინანსებული პროექტის - SAFEMED+ Simulation in Undergraduate MEDical Education for Improvement of Safety and Quality of Patient Care გამოცდილების მიხედვით. SAFEMED+-ის პროექტის მიზანს წარმოადგენდა სამედიცინო განათლების ხარისხის გაუმჯობესება, კლინიკური უნარების სწავლების მოდერნიზაცია და კურიკულუმში დანერგვა.

ტრენინგის დასრულების შემდეგ გადმოგეცემათ სერტიფიკატი შესაბამისი კრედიტ ქულებით.

ინსტრუქციის ენა - ინგლისური.

ტრენინგზე დასასწრებად გთხოვთ გაიაროთ რეგისტრაცია. იჩქარეთ, მსმენელების რაოდენობა შეზღუდულია -

https://docs.google.com/forms/d/e/1FAIpQLScSR10_Cmar_ELoXo-SgURYoxX_1fL-qD111heWq-Mhqqp1TA/viewform

ტრენინგის პროგრამა იხილეთ აკადემიის ვებგვერდზე https://tma.edu.ge/vosce

თსა-ს პარტნიორი უნივერსიტეტებისთვის მონაწილეთა დასწრება უფასოა.

2024-06-19

თსა მუდმივად ატარებს ტრენინგებს აკადემიური და მოწვეული ლექტორებისათვის სამედიცინო განათლების მეთოდოლოგიის მიმართულებით. ამჯერად, ტრენინგი გაიმართა თემაზე: „უკუკავშირი სამედიცინო განათლებაში“. ტრენინგის ფარგლებში მონაწილეები გაეცნენ ეფექტური უკუკავშირის პრინციპებს და შესაბამის საერთაშორისო რეკომენდაციებს. ასევე, განიხილეს უკუკავშირის როლი და ადგილი თსა-ს საგანმანათლებლო პროგრამაში. ტრენინგის ფარგლებში მონაწილეები ჯგუფებად დაიყვნენ და ტრენერის მიერ მიწოდებული დავალების (უკუკავშირის მაგალითი) ირგვლივ იმსჯელეს. ტრენინგს უძღვებოდა ნატალია კოჭლაშვილი.

ტრენინგის მომდევნო დღე კი დაეთმო საკითხს „შეფასება სამედიცინო განათლებაში, როგორ შევქმნათ სტანდარტული MCQ“. ტრენინგის მონაწილეებს შესაძლებლობა მიეცათ გასცნობოდნენ MCQ ტესტის შექმნის საერთაშორისო პრაქტიკას და იმ რეკომენდაციებს, რომლითაც ხელმძღვანელობს აკადემია. შეხვედრის ფარგლებში მონაწილეებმა განიხილეს კარგი და ცუდი ტესტის არაერთი ნიმუში. ტრენინგს უძღვებოდნენ თსა-ს საგამოცდო ცენტრის ხელმძღვანელები - ვახო დეისაძე და ჯიმი ბრეგვაძე.

AMEE - სამედიცინო განათლების სპეციალისტის სტატუსი

2024-06-17

თსა-ს კიდევ ორმა თანამშრომელმა სამედიცინო განათლების სპეციალისტის სტატუსი მოიპოვა.

მედიცინის სკოლის დეკანის მოადგილემ სტუდენტებთან ურთიერთობის მიმართულებით თინათინ ახვლედიანმა და საერთაშორისო სტუდენტთა კოორდინატორმა საიფ რუსტუმმა დაწარმატებით გაიარეს სამედიცინო განათლების საერთაშორისო ასოციაციის (AMEE) მიერ ორგანიზებული ოთხი ტრენინგ - კურსი და სამედიცინო განათლების სპეციალისტის სტატუსი მოიპოვეს.

თბილისის სამედიცინო აკადემია კვლავ განაგრძობს პერსონალის უწყვეტი პროფესიული განვითარების მხარდაჭერას სამედიცინო განათლების მეთოდოლოგიის მიმართულებით. შესაბამისად, AMEE-ს მიერ შემოთავაზებული ტრენინგ-კურსები ESME - „ძირითადი უნარ-ჩვევები სამედიცინო განათლებაში“ - წინ გადადგმული ნაბიჯია ამ გზაზე. ხოლო, თსა-სთვის კი უმნიშვნელოვანესია ევროპულ საგანმანათლებლო სივრცეში ინტეგრაციისთვის.

ტრენინგ-კურსები ორგანიზებული იყო AMEE-ს რეგიონული, საქართველოს წარმომადგენლობის მიერ.

ტრენინგები კლინიკური სასწავლო კურსების განმახორციელებლებისათვის

2024-06-17

კლინიკურ ეტაპზე სწავლების და შეფასების ხარისხის გაუმჯობესების მიზნით აპრილი -ივნისის პერიოდში ჩატარდა ტრენინგები კლინიკური სასწავლო კურსების განმახორციელებლისათვის თემაზე - სწავლება და შეფასება კლინიკურ სასწავლო კურსებში.

კლინიკურ სწავლებაში ჩართული ლექტორების მაქსიმალური ხელშეწყობისა და სასწავლო გარემოსთან მეტად დაახლოების მიზნით, ტრენინგები ჩატარდა კლინიკებში.

შეხვედრებს უძღვებოდნენ სამედიცინო განათლების ინოვაციების ცენტრის ხელმძღვანელი იოუკ დენეკენსი და საგანმანათლებლო პროგრამის ხელმძღვანელი კლინიკური სწავლების მიმართულებით - ნინო კეკენაძე.

შეხვედრის ფარგლებში კლინიცისტები გაეცნენ თსა-ს საგანმანათლებლო პროგრამაში უკვე დანერგილ ინოვაციებს, კლინიკური მსჯელობის კონცეფციას, ეფექტური უკუკავშირის პრინციპებს, კლინიკურ სასწავლო კურსებში სწავლებისა და შეფასების თანამედროვე მეთოდებს, რომელთაგან ნაწილი პილოტურად უკვე ხორციელდება თსა-ს საგანმანათლებლო პროგრამაში.

2024-06-07

თსა-ში თანატოლთა სწავლების პროგრამაში ჩართული სტუდენტების ახალი ნაკადისათვის მორიგი ტრენინგი ჩატარდა. ორ დღიანი ტრენინგი ორგანიზებული იყო თსა-ს ფაკულტეტის განვითარების დეპარტამენტისა და თანატოლთა სწავლების პროგრამის შემქმნელების მიერ. პროგრამა კი შემუშავებული იყო საერთაშორისო გამოცდილების გათვალისწინების საფუძველზე.

საერთაშორისო სტუდენტთა კოორდინატორი საიფ რუსტუმი, ტრენინგის მონაწილე სტუდენტებს თანატოლთა სწავლების პროგრამის მნიშვნელობაზე ესაუბრა, ხოლო ინსტიტუციური კულტურის განვითარების დეპარტამენტის ხელმძღვანელმა მაკა მაღლაკელიძემ მონაწილეებს თსა-ს მისია ინტერაქციულ ფორმატში წარუდგინა და მისცა მათ საკუთარი მოსაზრებების გამოთქმის საშუალება.

თსა ფაკულტეტის წევრების - ცისანა ლომაშვილის, ია ხახუტაიშვილის, ნატალია კოჭლაშვილის და საბა იორდანიშვილის დახმარებით ტუტორები ტრენინგის ფარგლებში გაეცნენ თსა-საგანმანათლებლო პროგრამას, აქტიური სწავლების მეთოდებს, აკადემიური კეთილსინდისიერების პრინციპებს, თუ როგორ უნდა მოახდინონ სტუდენტებთან ეფექტური კომუნიკაცია , რომელი ტექნიკის გამოყენება შეუძლიათ კომფორტული სასწავლო გარემოს შესაქმნელად, როგორ მოახდინონ ეფექტური უკუკავშირის მიცემა და სხვ.

2024-04-23

თსა-მ სორბონას უნივერსიტეტის (საფრანგეთი) ასოცირებული პროფესორს, საფრანგეთის მიკრობიოლოგთა ასოციაციის დირექტორთა საბჭოს წევრს - მატილდა ლესკატს უმასპინძლა.

სტუმარმა სამუშაო შეხვედრები გამართა თსა-ს ფაკულტეტის წევრებთან და სტუდენტებთან. მან ქართულ აუდიტორიას გააცნო მიკრობიოლოგიის სწავლების თავისებურებები საფრანგეთის მაგალითზე და ისაუბრა საგანმანათლებლო თამაშების მნიშვნელობაზე.

მატილდა ლესკატმა ფაკულტეტის წევრებს გაუზიარა საკუთარი გამოცდილება კვლევითი მიმართულებით და განსაკუთრებით ყურადღება გაამახვილა იმ ფაქტორების შესწავლაზე, რომლებიც არეგულირებენ Escherichia coli-ს კოლონიზაციას საჭმლის მომნელებელი ტრაქტის დონეზე.

ვიზიტის ფარგლებში, შეხვედრა გაიმართა სამეცნიერო კვლევითი და დოქტორანტურის დეპარტამენტის ხელმძღვანელთან, სადაც მხარეებმა განიხილეს შემდგომი კვლევითი თანამშრომლობის შესაძლებლობები.

გარდა ამისა, მატილდა ლესკატმა აკადემიის სტუდენტებისათვის წარმართა საგანმანათლებლო თამაში Bacteria Game.

თსა-სა და მატილდა ლესკატს შორის თანამშრომლობა დაიწყო ლიონში, AMEE -2022 კონფერენციაზე. თანამშრომლობის ფარგლებში მიღებული გამოცდილების საფუძველზე აბსტრაქტი - Effect of "Bacteria Game" on consolidation of knowledge in medical bacteriology and antibiotic therapy from the perspective of medical students“ წარდგენილ იქნა AMEE 2023 კონფერენციაზე გლაზგოში (დიდი ბრიტანეთი).

2024-04-03

თსა-ს ახალი ლექტორებისთვის საორიენტაციო შეხვედრები გაიმართა. შეხვედრის მონაწილეებისთვის ჩატარდა ტრენინგი თემაზე: სამედიცინო განათლების მეთოდოლოგიის ძირითადი პრინციპები. ლექტორები ინტერაქციულ ფორმატში გაეცნენ კომპეტენციაზე დაფუძნებული სამედიცინო განათლების, სტუდენტზე ორიენტირებული სწავლების არსს, აქტიური სწავლების მეთოდებს. ასევე, მონაწილეობა მიიღეს სავარჯიშოების შესრულებაში, რომლის მიზანი იყო თანამედროვე სამედიცინო განათლებაში ჩართული პედაგოგის უფლება - მოვალეობების გაცნობა.

შეხვედრის ფარგლებში ახალი ლექტორებისათვის მისიის გაცნობის მიზნით თსა ინსტიტუციური კულტურის განვითარების დეპარტამენტის ხელმძღვანელმა მაკა მაღლაკელიძემ შეხვედრა ინტერაქციულად, მონაწილეებისათვის საკუთარი აზრის თავისუფლად გამოთქმის რეჟიმში წარმართა.

შეხვედრის მონაწილეები გაეცნენ აკადემიის სტრატეგიული განვითარების მიმართულებებს, საგანმანათლებლო პროგრამას, საბიბლიოთეკო რესურსებს და მართვის ელექტრონულ სისტემას. მათ ასევე შესაძლებლობა მიეცათ დაეთვალიერებინათ თსა-ს საგანმანათლებლო ინფრასტრუქტურა, კერძოდ, კლინიკური უნარ-ჩვევების ცენტრი, ანატომიური მაგიდა და სასწავლო-კვლევითი ლაბორატორია.

შეხვედრების შემდეგ მონაწილეებს დაევალათ ტრენინგის თვითანალიზის შექმნა.

2024-03-22

თსა-ს ფაკულტეტის ფაკულტეტის განვითარების დეპარტამენტის ორგანიზებით პორტფოლიოს მენტორებთან მორიგი სამუშაო შეხვედრა გაიმართა.

შეხვედრის ფარგლებში მენტორებმა იმსჯელეს პორტფოლიოში არსებული გამოწვევების შესახებ და ერთმანეთს გაუზიარეს გამოცდილება ამ მიმართულებით. მენტორებმა მონაწილეობა მიიღეს ობიექტურად სტრუქტურირებულ სასწავლო სავარჯიშოში (OSTE -Objective Structured Teaching Exercise), რომლის მიზანი იყო პორტფოლიოს მენტორების მიერ სტუდენტებისათვის ეფექტური უკუკავშირის მიცემის უნარ-ჩვევების განვითარება.

მენტორებს აღნიშნული სავარჯიშოს ფარგლებში საშუალება ჰქონდათ დაჰკვირვებოდნენ სტადარტიზირებული სტუდენტისა და მენტორის სიმულაციურ ინდივიდუალურ შეხვედრას და გამოეთქვათ მოსაზრება (დებრიფინგი) აღნიშნული სიმულაციური სცენარის ფარგლებში მენტორის მიერ მიცემული უკუკავშირის შესახებ. აზრების გაზიარების/ დებრიფინგის დროს მენტორები სარგებლობდნენ ფაკულტეტის განვითარების დეპარტამენტის მიერ შემუშავებული ეფექტური უკუკავშირის შეფასების ფურცლით.

მსგავსი ობიექტურად სტრუქტურირებული სასწავლო სავარჯიშო (OSTE) ასევე გამოყენებულ იქნა კლინიკური სასწავლო კურსების განმახორციელებლების ტრენინგის დროს საგანმანათლებლო პროგრამების ინოვაციების დეპარტამენტის (CIMED) ხელმძღვანელების მიერ, სადაც ტრენინგის მონაწილეები დააკვირდნენ სტანდარტიზებული სტუდენტისა და კლინიცისტის სიმულაციურ შეხვედრას, ხოლო შემდეგ უკუკავშირი მისცეს კოლეგას წინასწარ შემუშავებული შეფასების ფურცლის საშუალებით. აღნიშნული ობიექტურად სტრუქტურირებული სასწავლო სავარჯიშო სამუშაო გარემოსთან მეტად მსგავსების მიზნით ჩატარდა აკადემიის კლინიკური-უნარ ჩვევების ცენტრში, სადაც შეხვედრის მონაწილეებს დებრიფინგის დროს ასევე საშუალება ჰქონდათ ენახათ სიმულაციური შეხვედრის ვიდეოჩანაწერი დეტალებზე მეტად კონცენტრირების მიზნით.

2024-03-18

თსა-ში თანატოლთა სწავლების პროგრამაში ჩართული სტუდენტებისათვის ტრენინგები ჩატარდა. ორ დღიანი ტრენინგი ორგანიზებული იყო თსა-ს ფაკულტეტის განვითარების დეპარტამენტისა და თანატოლთა სწავლების პროგრამის შემქმნელების მიერ. პროგრამა კი შემუშავებული იყო საერთაშორისო გამოცდილების გათვალისწინების საფუძველზე.

საერთაშორისო სტუდენტთა კოორდინატორი საიფ რუსტუმი, ტრენინგის მონაწილე სტუდენტებს თანატოლთა სწავლების პროგრამის მნიშვნელობაზე ესაუბრა, ხოლო ინსტიტუციური კულტურის განვითარების დეპარტამენტის ხელმძღვანელმა მაკა მაღლაკელიძემ მონაწილეებს თსა-ს მისია ინტერაქციულ ფორმატში წარუდგინა და მისცა მათ საკუთარი მოსაზრებების გამოთქმის საშუალება.

ტუტორები ტრენინგის ფარგლებში გაეცნენ თსა-ს საგანმანათლებლო პროგრამას, აქტიური სწავლების მეთოდებს, მცირე ჯგუფებში მუშაობის ტექნიკას და აკადემიური კეთილსინდისიერების პრინციპებს.

2023-12-27

თსა-მ საგანმანათლებლო პროგრამების ინოვაციების დეპარტამენტის ხელმძღვანელებს (CIMED) პროფესორ ჯოზეტ დენეკენსსა და პროფესორ ჰერმან ვან როსუმს უმასპინძლა. სამუშაო ვიზიტის ფარგლებში, პროფესორები შეხვდნენ ადმინისტრაციის წარმომადგენლებს, პროგრამის ხელმძღვანელებს, მიიღეს ინფორმაცია საგანმანათლებლო პროგრამაში უკვე დანერგილი ინოვაციების შესახებ და დასახეს სამომავლო გეგმები. CIMED-ის ხელმძღვანელები დაესწრნენ შემთხვევის განხილვაზე დაფუძნებული კლინიკური მსჯელობის (CBCR) სესიას და მისცეს უკუკავშირი სტუდენტებსა და ლექტორებს.

ვიზიტის ფარგლებში ტრენინგები ჩატარდა კლინიკური მსჯელობის სესიის ტუტორებისათვის, სადაც განიხილეს ქეისები, რომლებიც უნდა წარუდგინონ სტუდენტებს. ასევე, იმსჯელეს შეფასების მეთოდებზე. ტრენინგები ასევე ჩატარდა ახალი პედაგოგებისათვის - „სამედიცინო განათლების მეთოდოლოგიის ძირითადი პრინციპები“, სადაც მინი ლექციის შემდეგ ლექტორები გადანაწილდნენ ჯგუფებში და ერთობლივად გაწერეს სწავლის შედეგები-სწავლების მეთოდი და შეფასების მეთოდი ტრენერებისგან მიღებული დავალების შესაბამისად. ჩატარებული როლური თამაშის „სტუდენტი - პაციენტი“ (ანამნეზის შეკრება) შემდეგ მონაწილეებს საშუალება ჰქონდათ უკუკავშირი მიეცათ „სტუდენტისთვის“ და შემდეგ მოესმინათ ტრენერების აზრი.

სამუშაო ვიზიტის კვირეული ასევე მოიცავდა ტრენინგებს პორტფოლიოს მენტორებისათვის, სადაც ჯოზეტ დენეკენსის მინი ლექციის შემდეგ - „რატომ არის რეფლექსია მნიშვნელოვანი“, ჯგუფებში გადანაწილებულმა მენტორებმა განიხილეს ტრენერებისგან მიწოდებული ერთ-ერთი სტუდენტის (ანონიმური) თვითანალიზი და იმსჯელეს, თუ როგორი უკუკავშირი იქნებოდა ყველაზე ეფექტიანი აღნიშნულ შემთხვევაში.

კვირეულის ბოლო შეხვედრა დაეთმო ტრენინგს „მინდობილი პროფესიული აქტივობა“ (EPA), სადაც CIMED-ის ხელმძღვანელებმა მონაწილეებს გააცნეს EPA-ს თეორიული ასპექტები, მსოფლიო გამოცდილების მაგალითები, შემდეგ კი პროგრამის ხელმძღვანელთან ნინო კეკენაძესთან ერთად მონაწილეებს წარუდგინეს EPA-ს პილოტურ რეჟიმში განხორციელების გეგმა. ტრენინგის ფარგლებში ჩატარებული როლური თამაშის „სტუდენტი-პაციენტი“ (ანამნეზის შეკრება) შემდეგ, მონაწილეებს საშუალება ჰქონდათ უკუკავშირი მიეცათ „სტუდენტისათვის“ წინასწარ შემუშავებული შეფასების ფურცლის საშუალებით.

2023-12-21

თსა-ს აკადემიურმა პერსონალმა მონაწილეობა მიიღო ევროპის სამედიცინო განათლების საერთაშორისო ასოციაციის მიერ ორგანიზებულ კონფერენციაში - AMEE 2023. აღნიშნულ კონფერენციაში მიღებული გამოცდილების გაზიარების მიზნით, თსა-ში სამუშაო შეხვედრა გაიმართა.

პროგრამის ხელმძღვანელმა ცისანა ლომაშვილმა, ხარისხის უზრუნველყოფის სამსახურის უფროსმა ნინო სიხარულიძემ, ხარისხის უზრუნველყოფის სამსახურის უფროსის მოადგილემ ბიძინა ჩაჩხიანმა, ფაკულტეტის განვითარების დეპარტამენტის ხელმძღვანელმა მაკა ზარნაძემ და იმუნოლოგიის ლექტორმა კახა ბრეგვაძემ კოლეგებს სამეცნიერო კონფერენციებზე მიღებული გამოცდილება გაუზიარეს და ისაუბრეს იმაზე თუ რამდენად მნიშვნელოვანია მსგავსი ტიპის საერთაშორისო ღონისძიებებში თსა-ს მონაწილეობა.

შეხვედრას ესწრებოდნენ აკადემიის ადმინისტრაციის წარმომადგენლები, აკადემიური და მოწვეული პერსონალი. სამუშაო შეხვედრების ფარგლებში მონაწილეებს შესაძლებლობა ჰქონდათ, განეხილათ და ერთმანეთისთვის გაეზიარებინათ სიახლეები, გამოცდილება, გამოწვევები და შესაძლებლობები სამედიცინო განათლების განვითარების, პედაგოგების პროფესიული განვითარების ხელშეწყობისა და შემდგომი საერთაშორისო ურთიერთობების განვითარების კუთხით.

2023-09-28

თბილისის სამედიცინო აკადემიაში ახალი ლექტორებისთვის საორიენტაციო შეხვედრები გაიმართა. შეხვედრის მონაწილეებისთვის ჩატარდა ტრენინგი თემაზე: შესავალი სამედიცინო განათლების მეთოდოლოგიაში, პრეზენტაციის ორგანიზების ძირითადი პრინციპები.

შეხვედრის ფარგლებში ახალი ლექტორები გაეცნენ აკადემიის ისტორიას, მისიას, სტრატეგიული განვითარების მიმართულებებს, საგანმანათლებლო პროგრამას, საბიბლიოთეკო რესურსებს და მართვის ელექტრონულ სისტემას. მათ ასევე შესაძლებლობა მიეცათ დაეთვალიერებინათ თსა-ს საგანმანათლებლო ინფრასტრუქტურა, კერძოდ, კლინიკური უნარ-ჩვევების ცენტრი, ანატომიური მაგიდა და სასწავლო-კვლევითი ლაბორატორია.

შეხვედრის დასასრულს, მედიცინის სკოლის დეკანმა ლალი მეკოკიშვილმა და პროგრამის ხელმძღვანელებმა უპასუხეს ახალ ლექტორებს მათთვის საინტერესო ყველა შეკითხვაზე.

2023-09-11

მსოფლიოს სამედიცინო სკოლების კალენდარში ყველაზე დიდი მოვლენა ევროპის სამედიცინო განათლების საერთაშორისო ასოციაციის (AMEE) ყოველწლიური კონფერენციაა.

წელს, AMEE 2023-ს გლაზგომ (შოტლანდია) უმასპინძლა. კონფერენციის პარალელურად მიმდინარეობდა ჯანდაცვის პროფესიებში ფაკულტეტის განვითარების მე-7 საერთაშორისო კონფერენციაც.

თბილისის სამედიცინო აკადემია ორივე ღონისძიების მონაწილე იყო. კონფერენციებზე იმყოფებოდნენ აკადემიის წარმომადგენლები - ცისანა ლომაშვილი (ერთსაფეხურიანი საგანმანათლებლო პროგრამის ხელმძღვანელი), ნინო სიხარულიძე (ხარისხის უზრუნველყოფის დეპარტამენტის ხელმძღვანელი), ბიძინა ჩაჩხიანი (ხარისხის უზრუნველყოფის დეპარტამენტის ხელმძღვანელის მოადგილე), მაკა ზარნაძე (ფაკულტეტის განვითარების დეპარტამენტის ხელმძღვანელი) და კახა ბრეგვაძე (პროგრამების განვითარების დეპარტამენტი).

აკადემიის წარმომადგენლებს წარდგენილი ჰქონდათ ზეპირი პრეზენტაციები და ელექტრონული პოსტერები. ზეპირი მოხსენებები წარადგინეს ნინო სიხარულიძემ და მაკა ზარნაძემ. ხოლო, ელექტრონული პოსტერი წარადგინა კახა ბრეგვაძემ.

მაკა ზარნაძე

Effect of "Bacteria Game" on consolidation of knowledge in medical bacteriology and antibiotic therapy from the perspective of medical students

მატილდა ლესკატი (სორბონის უნივერსიტეტი, პარიზი, საფრანგეთი), მანანა ლოლაძე, საიფ რუსტუმი, ცისანა ლომაშვილი, დეა გოდერძიშვილი, მაგდა ტვილდიანი - პეტრე შოთაძის სახელობის თბილისის სამედიცინო აკადემია (თბილისი, საქართველო).

ნინო სიხარულიძე

Impact of COVID-19 and lockdown-related mental health issues on learning performance in medical education

ბიძინა ჩაჩხიანი, სალომე ხუბულავა - პეტრე შოთაძის სახელობის თბილისის სამედიცინო აკადემია (თბილისი, საქართველო);

ნ. კატრიენ ჰარგრეივსი - თბილისის სახელმწიფო სამედიცინო უნივერსიტეტი (თბილისი, საქართველო).

კახა ბრეგვაძე

The Faculty Mentors’ Perceptions Towards Portfolio in Undergraduate Medical Curriculum at Tbilisi Medical Academy in Georgia.

ყოველწლიურ კონფერენციაზე პროფესიონალები და პედაგოგები მთელი მსოფლიოდან და ჯანდაცვის ყველა სექტორიდან იკრიბებიან, რათა ერთმანეთს გაუზიარონ ახალი იდეები, განიხილონ თუ როგორ ვითარდება ტექნოლოგიები, გააღრმაონ თანამშრომლობა, ჩაერთონ სხვადასხვა პრაქტიკულ ვორკშოპში და მიიღონ ის რესურსები, რაც გააუმჯობესებს მათ სამუშაო გარემოს.

AMEE-ს ყოველწლიური კონფერენცია აერთიანებს პროფესიონალებს, მასწავლებლებს, სტუდენტებს, ინსტიტუციებს და ორგანიზაციებს ჯანდაცვის სხვადასხვა სექტორიდან, თანამშრომლობის ქსელის კიდევ უფრო გაფართოების მიზნით. ყოველწლიური კონფერენცია შესაძლებლობაა, რომ მოხდეს ახალი კავშირების დამყარება, სწავლებისა და შეფასების ინოვაციური მეთოდების გაცნობა, უახლესი მიღწევებისა და პრაქტიკის გაზიარება, ასევე, ჯანდაცვის სექტორში კიდევ უფრო მეტი ჩართულობა და განვითარება.

2023-08-17

როგორ გავუზარდოთ სტუდენტებს მოტივაცია დამოუკიდებელი სწავლისათვის ?- თბილისის სამედიცინო აკადემიაში ინტერაქციული შეხვედრა გაიმართა. სამედიცინო განათლების მეთოდოლოგიაში არსებული სიახლეებისა და საკუთარი გამოცდილების გაზიარების მიზნით, თსა-ს ლექტორები საგანმანათლებლო ღონისძიებაზე შეიკრიბნენ.

შეხვედრაზე თსა-ს ლექტორებმა - მანანა ლოლაძემ, ია ხახუტაიშვილმა, ნანუკა წიკლაურმა და ია ხურცილავამ მიმოიხილეს სამედიცინო განათლების საერთაშორისო ასოციაციის (AMEE) გზამკვლევები და ჟურნალ “Medical Teacher”-ში გამოქვეყნებული უახლესი კვლევები სტუდენტთა მოტივაციის გაზრდის და დამოუკიდებელი მუშაობის უნარ-ჩვევების განვითარების მიმართულებით.

მომხსენებლებმა ისაუბრეს შემდეგ საკითხებზე: „მოტივაცია სამედიცინო განათლებაში“ (AMEE-ს გზამკვლევი N115), კონცეფციის რუკა: სწავლა-სწავლების დამხმარე საშუალება (ჟურნალი Medical Teacher"), თორმეტი რჩევა ნეიროანატომიის სწავლებისთვის სამედიცინო სტუდენტების პერსპექტივიდან (ჟურნალი „Medical Teacher“), დამოუკიდებელი სწავლის უნარები (Practical Guide for Medical Teachers). შეხვედრა ინტერაქციულ ფორმატში მიმდინარეობდა.

თსა-ს ლექტორებმა საერთაშორისო გამოცდილების გაზიარებასთან ერთად ისაუბრეს იმაზე, თუ თავად როგორ ცდილობენ სასწავლო კურსის ფარგლებში სტუდენტებს გაუზარდონ მოტივაცია დამოუკიდებელი სწავლისათვის. შეხვედრის თემა შეირჩა პროგრამის განხორციელებაში ჩართული პერსონალის კმაყოფილების კვლევის შედეგების და სტუდენტთა გამოკითხვის საფუძველზე.

ანტვერპენის უნივერსიტეტის დელეგაცია თსა-ში

2023-08-03

Erasmus+ Staff Mobility-ის ფარგლებში თბილისის სამედიცინო აკადემიამ (თსა) ანტვერპენის უნივერსიტეტის დელეგაციას უმასპინძლა. სამუშაო შეხვედრები და ტრენინგები ჩატარდა თსა-ს აკადემიური და მოწვეული პერსონალისთვის თემებზე: შეფასება სამედიცინო განათლებაში, შეფასება სამუშაო ადგილას (WPBA), თანატოლთა სწავლება, ტრენერების მომზადება.

შეხვედრებს უძღვებოდნენ ნელე მიჩელი - ანტვერპენის უნივერსიტეტის პროფესორი, ოჯახის ექიმთა ევროპული აკადემიიის (EURACT) პრეზიდენტი, მედიცინისა და ჯანდაცვის მეცნიერების საგანმანათლებლო საბჭოს წევრი, კრისტინ ვან დენ ბოგერდი ანტვერპენის უნივერსიტეტის კლინიკური უნარ-ჩვევების ცენტრის კოორდინატორი და კრისტოფ შოტერსი - კლინიკური უნარ-ჩვევების ცენტრის კოორდინატორი.

ტრენინგების ფარგლებში, მოწვეულმა სტუმრებმა თსა-ს ლექტორებს პრეზენტაციების, ჯგუფური დავალებებისა და როლური თამაშების მეშვეობით გააცნეს როგორც ანტვერპენის უნივერსიტეტის, ასევე, საერთაშორისო გამოცდილება კლინიკურ გარემოში სწავლების, შეფასების მეთოდებისა და უკუკავშირის მექანიზმების შესახებ.

შეხვედრებზე ასევე განიხილეს თანატოლთა სწავლების მნიშვნელობა, ტრენერების მომზადების გზებისა და სასწავლო გარემოს შექმნის აუცილებლობა.

თსა-ში გამართულ სამუშაო შეხვედრებს წინ უძღოდა აკადემიის წარმომადგენლების ია ავალიანის, ნინო კეკენაძისა და თამარ შოთაძის ვიზიტი ანტვერპენში, რომლის ფარგლებშიც აკადემიის წარმომადგენლებს საშუალება ჰქონდათ დაჰკვირვებოდნენ ობიექტურად სტრუქტურირებული კლინიკურ გამოცდის (OSCE) მიმდინარეობას, ბელგიელი კოლეგების მუშაობას კლინიკური უნარ-ჩვევების ცენტრში და ასევე, კლინიკური ეტაპის სწავლებას.

თსა-ს წარმომადგენლებს ასევე შეხვედრები ჰქონდათ ანტვერპენის უნივერსიტეტის საერთაშორისო დეპარტამენტთან, სადაც განიხილეს უნივერსიტეტებს შორის შემდგომი თანამშრომლობის შესაძლებლობები.

ლოძის სამედიცინო უნივერსიტეტის დელეგაცია თსა-ში

2023-06-30

Erasmus+ Staff Mobility პროგრამის ფარგლებში თბილისის სამედიცინო აკადემიამ (თსა) ლოძის სამედიცინო უნივერსიტეტის (პოლონეთი) დელეგაციას უმასპინძლა. თსა-ში სამუშაო ვიზიტით იმყოფებოდნენ ლოძის სამედიცინო უნივერსიტეტის სამედიცინო განათლების ცენტრის წარმომადგენლები ლუკაშ ადამუსი, კაროლინა ჯეზიორეკი, მიხელ ბარტჩაკი და მედიცინის ფაკულტეტის რეაბილიტაციის დეპარტამენტის ხელმძღვანელი მარია სტანისევსკა.

ვიზიტის მიზანი იყო სტუდენტებისთვის სამედიცინო და აკადემიური პროფესიონალიზმისა და კომუნიკაციის უნარების სწავლა-სწავლების პრაქტიკის ადა მეთოდოლოგიის გავლა. ასევე, კლინიკური სწავლების ეტაპის, განსაკუთრებით კი რეაბილიტაციის სწავლების თავისებურებების გაცნობა და საერთაშორისო გარემოში კლინიკური მუშაობის გამოცდილების მიღება. ამასთან, სამუშაო შეხვედრები ორიენტირებული იყო უნივერსიტეტებს შორის თანამშრომლობის გაღრმავებაზე.

ვიზიტის ფარგლებში პოლონელი სტუმრები შეხვდნენ თსა-ს ადმინისტრაციის წარმომადგენლებს, ისაუბრეს ლოძის უნივერსიტეტსა და თსა-ში ფაკულტეტის განვითარების ხელშემწყობი აქტივობებისა და შემდგომი თანამშრომლობის შესაძლებლობების შესახებ. გარდა ამისა, მოწვეულმა სტუმრებმა თსა-ს ლექტორთან ნატალია კოჭლაშვილთან ერთად პირველი და მეორე კურსის სტუდენტებისათვის ჩაატარეს სემინარები თემაზე „რა არის პროფესიონალიზმი მედიცინაში?“

სამუშაო შეხვედრები ასევე გაიმართა რეაბილიტაციის სასწავლო კურსის განმახორციელებელ ლექტორებთან თეონა შავშიშვილთან და დავით გურგენიძესთან. სამუშაო შეხვედრის ფარგლებში მხარეებმა მიმოიხილეს კლინიკური სწავლების, მათ შორის რეაბილიტაციის თავისებურებები საქართველოსა და პოლონეთში.

მარია სტანისევსკა ასევე დაესწრო სემინარებს რეაბილიტაციაში, მონაწილეობა მიიღო პაციენტის კონსულტაციაში და ჩაატარა ლექცია სტუდენტებისათვის „ტკივილის შემცირების არაფარმაკოლოგიური მეთოდები“.

2023-06-28

თბილისის სამედიცინო აკადემია (თსა) განაგრძობს პერსონალის უწყვეტი პროფესიული განვითარების მხარდაჭერას სამედიცინო განათლების მეთოდოლოგიის მიმართულებით. თსა-ს კიდევ სამმა წარმომადგენელმა ხარისხის უზრუნველყოფის სამსახურის უფროსმა ნინო სიხარულიძემ, კურიკულუმის კომიტეტის წევრმა, ანატომიისა და ჰისტოლოგიის დეპარტამენტის ასისტენტ - პროფესორმა სალომე ხუბულავამ და ფაკულტეტის განვითარების დეპარტამენტის წევრმა დეა გოდერძიშვილმა წარმატებით გაიარეს სამედიცინო განათლების საერთაშორისო ასოციაციის (AMEE) მიერ ორგანიზებული ოთხი ტრენინგ - კურსი და სამედიცინო განათლების სპეციალისტის სტატუსი მოიპოვეს.

AMEE-ს მიერ შემოთავაზებული ტრენინგ-კურსები ESME - „ძირითადი უნარ-ჩვევები სამედიცინო განათლებაში“ - წინ გადადგმული ნაბიჯია ამ გზაზე. ხოლო, თსა-სთვის კი უმნიშვნელოვანესია ევროპულ საგანმანათლებლო სივრცეში ინტეგრაციისთვის.

„ტრენინგ-კურსები ორგანიზებული იყო AMEE-ს რეგიონული, საქართველოს წარმომადგენლობის მიერ.

2023-06-15

Erasmus+ Staff Mobility პროგრამის ფარგლებში ლოძის სამედიცინო უნივერსიტეტში (Lodz Medical University) სამუშაო მივლინებით იმყოფებოდნენ თსა-ს წარმომადგენლები: ნატალია კოჭლაშვილი (საერთაშორისო ურთიერთობების დეპარტამენტი) და სალომე ხუბულავა (ჰისტოლოგიის, ციტოლოგიის და ემბრილოგის დეპარტამენტი). ვიზიტის ფარგლებში თსა-ს პერსონალის წევრებს საშუალება ჰქონდათ აქტიურად ჩართულიყვნენ სიმულაციური მედიცინის და ჰისტოლოგიის, ციტოლოგიის და ემბრიოლოგიის დეპარტამენტების საქმიანობაში. ამასთან, სამუშაო შეხვედრები შედგა საერთაშორისო დეპარტამენტის, სამედიცინო განათლების, სამეცნიერო-კვლევითი განვითარების და და სადოქტორო პროგრამების მიმართულებების ხელმძღვანელებთან, სადაც მხარეებმა განიხილეს ორმხრივი თანამშრომლობის გაძლიერების შესაძლებლობები და სამომავლო ერთობლივი აქტივობების მიმართულებები.

ახლო მომავალში იგეგმება ორმხრივი მობილობის შესაძლებლობების შემუშავება სტუდენტებისათვის როგორც სასწავლო, ასევე მოკლევადიანი კლინიკური სტაჟირებების მიმართულებით და ერთობლივი პროექტების განხორციელება სამეცნიერო, კვლევითი და ტრანსდისციპლინური მიმართულებებით.

2023-06-07

Erasmus+ Staff Mobility პროგრამის ფარგლებში თსა-ში სამუშაო ვიზიტით იმყოფებოდა ლოძის სამედიცინო უნივერსიტეტის (პოლონეთი) მედიცინის ფაკულტეტის ახალშობილთა პათოლოგიისა და ძვალ-სახსართა სისტემის პათოლოგიების დეპარტამენტის პედიატრი იაკუბ ნოვიცკი.

ვიზიტის მიზანი იყო კლინიკური სწავლების, განსაკუთრებით პედიატრიის ეტაპის თავისებურებების გაცნობა და საერთაშორისო გარემოში კლინიკური მუშაობის გამოცდილების მიღება.

იაკუბ ნოვიცკი შეხვდა თსა-ს ადმინისტრაციის წარმომადგენლებს და პედიატრიის სასწავლო კურსის განმახორციელებელ ლექტორებს. სამუშაო შეხვედრის ფარგლებში მხარეებმა მიმოიხილეს კლინიკური სწავლების (განსაკუთრებით პედიატრიის) თავისებურებები საქართველოში და პოლონეთში.

სტუმარი ასევე დაესწრო სემინარებს პედიატრიაში, მონაწილეობა მიიღო პედიატრიული პაციენტის კონსულტაციაში და გაეცნო პედიატრიული პრაქტიკის თავისებურებებს საქართველოში.

CyberPatient-ის დამფუძნებლის ვიზიტი თსა-ში

2023-05-29

2021 წლიდან თბილისის სამედიცინო აკადემია სიმულაციური სწავლების მიმართულებით კომპანია CyberPatient-თან თანამშრომლობს. აღნიშნული პარტნიორობის ფარგლებში, 2023 წლის მაისში თბილისის სამედიცინო აკადემიამ სიმულაციური პლატფორმის CyberPatient-ის დამფუძნებელს დოქტორ კარიმ ქაიუმის უმასპინძლა. ბრიტანეთის კოლუმბიის უნივერსიტეტის ქირურგიის პროფესორმა და სამედიცინო განათლების ექსპერტმა, თსა-ს პერსონალს და სტუდენტებს სიმულაციური სწავლების მეთოდების შესახებ თავისი ცოდნა და გამოცდილება გაუზიარა. ინტერაქციულ შეხვედრაზე პროფესორმა კარიმ ქაიუმიმ განიხილა სიმულაციური სწავლების მნიშვნელობა კომპეტენციებზე დაფუძნებულ განათლებაში.

სიმულაციური პლატფორმა CyberPatient კლინიკური უნარების, დიაგნოსტიკისა და მკურნალობის გასაუმჯობესებლად უნიკალურ შესაძლებლობას წარმოადგენს. სხვადასხვა სამედიცინო მიმართულებით 100-ზე მეტი სიმულაციური შემთხვევის განხილვით სტუდენტებს ეძლევათ შესაძლებლობა პრაქტიკულად გამოიყენონ თეორიული ცოდნა.

2023-05-04

თსა-ში ფაკულტეტის განვითარების დეპარტამენტის ორგანიზებით, პედაგოგებისთვის ტრენინგების კვირეული გაიმართა. სამეცნიერო კვლევითი დეპარტამენტის წარმომადგენელმა საბა იორდანიშვილმა აუდიტორიას გაუზიარა თსა-ს მეთოდური რეკომენდაცია აკადემიური კეთილსინდისიერების შესახებ. პრეზენტაცია ასევე მოიცავდა ისეთ მნიშვნელოვან საკითხს, როგორიცაა აკადემიური კეთილსინდისიერების პრინციპების დაცვა პორტფოლიოში სტუდენტების მხრიდან. ტრენინგის ფარგლებში, სტუდენტებთან ურთიერთობის კოორდინატორმა საიფ რუსტუმმა ტურნიტინის პროგრამის შესაძლებლობების შესახებ პრეზენტაცია წარმოადგინა.

ტრენინგების კვირეულის ფარგლებში თსა-ს ვიცე რექტორმა კვლევის მიმართულებით, ეკატერინე კლდიაშვილმა აუდიტორიასთან ისაუბრა სამეცნიერო კომუნიკაციის მეთოდიკაზე. მიმოიხილა სტუდენტური სამეცნიერო ნაშრომის (პრეზენტაცია, ესე, ანგარიში, პროექტი) ორგანიზებისა და შეფასების ძირითად პრინციპები.

ფაკულტეტის განვითარების დეპარტამენტის ხელმძღვანელმა მაკა ზარნაძემ აუდიტორიას გააცნო შეფასების ძირითადი პრინციპები სამედიცინო განათლებაში. ხოლო, საგამოცდო ცენტრის ხელმძღვანელმა ვახო დეისაძემ წარმოადგინა საერთაშორისო რეკომენდაციები MCQ სტანდარტული ტესტის შექმნის შესახებ.

პედაგოგთა ტრენინგების მიზანია აკადემიური და მოწვეული პერსონალის პროფესიონალიზაციის ხელშეწყობა სწავლა-სწავლების, შეფასების მეთოდებისა და სამეცნიერო-კვლევითი უნარების განვითარების მიმართულებით. ასევე, აკადემიური და მოწვეული პერსონალის კვალიფიციური და გამოცდილი გუნდის ფორმირების ხელშეწყობა, რომელიც იზიარებს აკადემიის ხედვას სწავლების და კვლევის მიმართულებით, აკადემიის ინსტიტუციურ კულტურას და შესაბამისად, ზრუნავს სწავლების ხარისხის გაუმჯობესებაზე.

2023-03-10

თსა-ში მორიგი სამუშაო ვიზიტით იმყოფებოდნენ სამედიცინო განათლების ინოვაციების ცენტრის ხელმძღვანელები პროფესორები ჟოზეტ დენეკენსი და ჰერმან ვან როსუმი (ბელგია, ანტვერპენი). ვიზიტის ფარგლებში, სამი კვირის განმავლობაში მიმდინარეობდა სამუშაო შეხვედრები ადმინისტრაციული, აკადემიური და მოწვეული პერსონალის მონაწილეობით. შეხვედრებზე განიხილეს პილოტურ რეჟიმში განხორციელებული ინოვაციური პროექტების შედეგები და მათი პროგრამაში შემდგომი იმპლემენტაციის გზები. შეიქმნა ინოვაციების რუკა, განხორციელებული ცვლილებების ასახვის, ასევე, პედაგოგებისა და სტუდენტებისათვის უკეთ გაცნობის მიზნით.

ცენტრის ხელმძღვანელები შეხვდნენ სტუდენტებს და მოისმინეს მათი აზრი ინოვაციების და ზოგადად სასწავლო პროცესის შესახებ.

გაიმართა სამუშაო შეხვედრები პორტფოლიოს მენტორებისათვის, სადაც მენტორებმა ერთმანეთს და ცენტრის ხელმძღვანელებს გაუზიარეს გამოცდილება, ისაუბრეს არსებულ გამოწვევებზე, სამუშაო მცირე ჯგუფებად გადანაწილებულებმა განიხილეს პორტფოლიოს ფარგლებში დაგროვილი რამდენიმე საინტერესო ქეისი, მოისმინეს ცენტრის ხელმძღვანელების მიერ მომზადებული ლექცია - თვით - ანალიზის მნიშვნელობის შესახებ სამედიცინო პრაქტიკაში.

ცენტრის ხელმძღვანელები შეხვდნენ კლინიკური სასწავლო კურსების განმახორციელებელ პედაგოგებს, მოისმინეს მათგან ინფორმაცია არსებული გამოწვევების შესახებ და ერთად დასახეს გზები კლინიკურ ეტაპზე სწავლების პროცესის გაუმჯობესების მიზნით.

თსა აკადემიური და მოწვეული პერსონალისათვის ჩატარდა ტრენინგები - სამუშაო გარემოში სწავლებისა და შეფასების მეთოდების შესახებ, მინი-კლინიკური სავარჯიშოს შეფასება, გუნდურ მუშაობაზე დაფუძნებული სწავლება და კლინიკური მსჯელობის ხაზის განვითარება პროგრამაში.

2023-02-17

თსა-ში საპილოტე რეჟიმში ჩატარდა ინოვაციური საგანმანათლებლო თამაში Bacteria Game. თამაშში მონაწილეობდნენ მესამე, მეოთხე და მეხუთე სემესტრის სტუდენტები და აკადემიის პროფესორ მასწავლებლები.

Bacteria Game - ეს არის ინოვაციური საგანმანათლებლო თამაში, რომელიც შეიქმნა პარიზში, სორბონის უნივერსიტეტში, საფრანგეთის მიკრობიოლოგთა ასოციაციის მხარდაჭერით.

თამაშის პრინციპი მარტივია - მოთამაშეებმა კლინიკური თვალსაზრისით მნიშვნელოვანი ბაქტერიების სახალისო ნახატები უნდა დაუკავშირონ მათ შესაბამის მახასიათებლებს (მორფოლოგიური თავისებურებები, ვირულენტობა, ინფექციის წყარო, სამიზნე ორგანოები, შესაბამისი ანტიბიოტიკი, ბუნებრივი და შეძენილი რეზისტენტობა ანტიბიოტიკებისადმი) და ამავე დროს, იმავე პრინციპით, ამოიცნონ მოწინააღმდეგის ბაქტერია. ფრანგი კოლეგები თვლიან, რომ მსგავსი საგანმანათლებლო თამაში საშუალებას მისცემს სტუდენტებს მოახდინონ ცოდნის კონსოლიდაცია/ორგანიზება ბაქტერიებისა და შესაბამისი ანტიბიოტიკოთერაპიის შესახებ, რათა მომავალში თავიდან აიცილონ ანტიბიოტიკების არარაციონალური გამოყენება, რაც ჯანდაცვის ერთ-ერთი გლობალური პრობლემის ანტიბიოტიკორეზისტენტული ბაქტერიების რიცხვის ზრდის ერთ-ერთი ძირითადი მიზეზია.

თამაშის მონაწილე თსა-ს სტუდენტები და პედაგოგებიც თვლიან, რომ თამაში სახალისოა და ხელს უწყობს ცოდნის ორგანიზებას, ინდივიდუალური საგანმანათლებლო საჭიროებების აღმოჩენას და უკუკავშირის მიღებას.

საგანმანათლებლო თამაშების შესახებ ვრცელი სტატიები ხელმისაწვდომია ბმულზე:

ტრენინგები თსა-ს აკადემიური და მოწვეული პერსონალისთვის

2023-02-16

თსა აკადემიური და მოწვეული პერსონალისათვის ჩატარდა ტრენინგი თემაზე - კლინიკური ქეისების ორგანიზება ობიექტურად სტრუქტურირებული კლინიკური (OSCE) გამოცდისათვის. ტრენინგი მომზადდა Erasmus + SAFEMED (Simulation in Undergraduate Medical Education for Improvement of Safety and Quality of Patient Care) პროექტის ფარგლებში მიღებული საერთაშორისო გამოცდილების საფუძველზე და მას უძღვებოდნენ პროექტში ჩართული თსა-ს აკადემიური პერსონალის წარმომადგენლები მანანა კუთხაშვილი და ცისანა ლომაშვილი.

ტრენინგის ფარგლებში მონაწილეები გაეცნენ ობიექტურად სტრუქტურირებული კლინიკური გამოცდისათვის კლინიკური შემთხვევის ორგანიზაციის ძირითად პრინციპებს, გადანაწილდნენ ჯგუფებში და სამუშაო ჯგუფებში შექმნეს როგორც კლინიკური ქეისების სცენარები სტანდარტიზებული პაციენტისათვის, ასევე სტუდენტის შეფასების ფორმები.

გარდა ამისა, ტრენინგების სერია მოიცავდა საკითხს როგორ შევქმნათ სტანდარტული ტესტი MCQ (Multiple Choice Question). ტრენინგი ჩაატარა თსა-ს საგამოცდო ცენტრის ხელმძღვანელმა ვახტანგ დეისაძემ და შეხვედრის მონაწილეებს გააცნო სტანდარტული ტესტის შესაქმნელად საერთაშორისო გამოცდილების საფუძველზე შემუშავებული რეკომენდაციები და თსა-ში ერთიანი ხედვის მნიშვნელობა სტანდარტულ MCQ ტესტთან მიმართებით.

2022-11-10

სამედიცინო განათლების ინოვაციების ცენტრის (CIMED) ინიციატივითა და მხარდაჭერით, თსა-ში პირველი სემესტრის სტუდენტებს სტრუქტურირებული ზეპირი გამოცდა (SOE) ჩაუტარდათ. გამოცდას წინ უძღოდა პედაგოგების/გამომცდელების ტრენინგები და სამუშაო შეხვედრები. გამოცდის მიზანი იყო - სტუდენტის მიერ ანატომიის, ფიზიოლოგიის, ჰისტოლოგიის სასწავლო კურსების და გუნდურ მუშაობაზე დაფუძნებული სწავლების (TBL) სესიების ფარგლებში შეძენილი ცოდნის ვერბალიზაციის უნარის შეფასება.

ზეპირი სტრუქტურირებული გამოცდა მოიცავდა სამ სადგურს:

· თითოეულ სადგურზე სტუდენტს ხვდებოდა გამომცდელი ერთ-ერთი სასწავლო კურსიდან (ანატომია, ჰისტოლოგია, ფიზიოლოგია);
· თითოეულ სადგურზე სტუდენტის დაყოვნდება იყო 15 წუთი;
· სტუდენტების შეფასება ხდებოდა წინასწარ შემუშავებული კრიტერიუმების საფუძველზე.

საერთაშორისო კონფერენციებზე მიღებული გამოცდილების გაზიარება

2022-11-02

საერთაშორისო კონფერენციებსა და საზაფხულო სკოლებში მიღებული გამოცდილების გაზიარების მიზნით თსა-ში სამუშაო შეხვედრები გაიმართა.

პროგრამის ხელმძღვანელმა ცისანა ლომაშვილმა, ვიცე რექტორმა კვლევის მიმართულებით ეკატერინე კლდიაშვილმა, უწყვეტი პროფესიული განვითარების სამსახურის მენეჯერმა მაკა ზარნაძემ, ხარისხის უზრუნველყოფის სამსახურის უფროსმა ნინო სიხარულიძემ, სამედიცინო განათლების სპეციალისტმა დეა გოდერძიშვილმა და ინსტიტუციური კულტურის განვითარების დეპარტამენტის უფროსმა მაკა მაღლაკელიძემ კოლეგებს ევროპის სამედიცინო განათლების საერთაშორისო ასოციაციის (AMEE) და ევროპის სამედიცინო სკოლების ასოციაციის (AMSE) მიერ ორგანიზებულ სამეცნიერო კონფერენციებზე მიღებული გამოცდილება გაუზიარეს.

საერთაშორისო პროექტების კოორდინატორმა ხათუნა ხატიაშვილმა, სტუდენტთა სამეცნიერო აქტივობების კურატორმა საბა იორდანიშვილმა და საგამოცდო ცენტრის კოორდინატორმა ვახო დეისაძემ კი ნიდერლანდებში, რადბაუდის უნივერსიტეტში საზაფხულო სკოლაში მიღებული გამოცდილების შესახებ ისაუბრეს.

მიმდინარე პროექტების კოორდინატორმა ნატალია კოჭლაშვილმა კი აუდიტორიას გაუზიარა Erasmus-ის პროექტის, თანამშრომელთა მობილობის პროგრამის ფარგლებში რადბაუდის უნივერსიტეტთან თანამშრომლობის ისტორია და სამომავლო გეგმები.

შეხვედრაში მონაწილეობა მიიღეს აკადემიის ადმინისტრაციის წარმომადგენლებმა, აკადემიურმა და მოწვეულმა პერსონალმა. შეხვედრების ფარგლებში მონაწილეებს შესაძლებლობა ჰქონდათ, განეხილათ და ერთმანეთისთვის გაეზიარებინათ სიახლეები, გამოცდილება, გამოწვევები და შესაძლებლობები სამედიცინო განათლების განვითარების, პედაგოგების პროფესიული განვითარების ხელშეწყობისა და შემდგომი საერთაშორისო ურთიერთობების განვითარების კუთხით.

2022-10-13

საქართველომ ევროპის სამედიცინო სკოლების ასოციაციის (AMSE) ყოველწლიურ კონფერენციას უმასპინძლა. კონფერენციაში მონაწილეობდნენ სამედიცინო განათლების განვითარებისთვის მნიშვნელოვანი ევროპული და საერთაშორისო ინსტიტუციების წარმომადგენლები: სამედიცინო განათლების მსოფლიო ფედერაცია (WFME), ევროპის საუნივერსიტეტო ასოციაცია - სადოქტორო განათლების საბჭო (EUA-CDE), ბიომედიცინის სადოქტორო განათლების ორგანიზაცია და ჯანდაცვითი მეცნიერებები ევროპულ სისტემაში (ORPHEUS) და მედიცინის სტუდენტთა ასოციაციების საერთაშორისო ფედერაცია (IFMSA). მონაწილეებს შორის კონფერენციაზე წარმოდგენილი იყო თბილისის სამედიცინო აკადემია. თსა-ს წარმომადგენლებმა სამი თემა წარადგინეს:

ხელოვნება, როგორც სამედიცინო განათლების სწავლების ეფექტური მიდგომა - მაია ზარნაძე, ასოცირებული პროფესორი, თსა-ს უწყვეტი პროფესიული განათლების მენეჯერი;
საბაზისო სწავლების ეტაპზე ინტეგრირებულ მოდულებში PSI კურიკულუმის იმპლემენტაცია - ცისანა ლომაშვილი, ერთსაფეხურიანი საგანმანათლებლო პროგრამის ხელმძღვანელი;
კვლევის ხაზის სასწავლო კურსის დასაწყისში კლინიკური მსჯელობის აქტივობების გამოყენება დამათავრებელი კურსის სტუდენტების კვლევისადმი ინტერესის ხელშემწყობ ფაქტორს წარმოადგენს - ეკატერინე კლდიაშვილი, პროფესორი, ვიცე რექტორი კვლევის მიმართულებით.

მომხსენებლებს შორის იყვნენ სამედიცინო განათლების დარგში საერთაშორისო დონეზე აღიარებული ექსპერტები და ლიდერები: დევიდ გორდონი - სამედიცინო განათლების მსოფლიო ფედერაციის პრეზიდენტი, მანჩესტერის უნივერსიტეტის ემერიტუს პროფესორი (დიდი ბრიტანეთი); ჰარმ პიტერსი - ევროპის სამედიცინო სკოლების ასოციაციის პრეზიდენტი, შარიტეს უნივერსიტეტის პროფესორი, (გერმანია); ალექსანდრე ჰასგალი - ევროპის უნივერსიტეტების ასოციაციის (EUA) სადოქტორო განათლების საბჭოს ხელმძღვანელი; რობინ სტივენსონი - European CME Journal-ის მთავარი რედაქტორი, მედიცინის ემერიტუს პროფესორი, გლაზგოს უნივერსიტეტი, (დიდი ბრიტანეთი); იანუშ იანჟუკოვიჩი ლოძის უნივერსიტეტის პროფესორი (პოლონეთი), ნებოჟა ლალიჩი - ბელგრადის უნივერსიტეტის პროფესორი (სერბეთი) და კრის სკოტერი - ჯანმრთელობის მსოფლიო ორგანიზაციის ადამიანური რესურსების ექსპერტი.

კონფერენციაში ასევე მონაწილეობდნენ მომხსენებლები უკრაინიდან, უნგრეთიდან, ლიეტუვიდან და ათზე მეტი ინსტიტუციის წარმომადგენელი საქართველოდან.

კონფერენციას მასპინძლობდა დავით ტვილდიანის სახელობის სამედიცინო უნივერსიტეტი.

2022-10-07

თბილისის სამედიცინო აკადემიამ, Erasmus-ის თანამშრომელთა მობილობის პროგრამის ფარგლებში, ბელგიელ კოლეგებს უმასპინძლა. თსა-ს სტუმრობდა ზოგადი პრაქტიკის/საოჯახო მედიცინის მასწავლებელთა ევროპული აკადემიის პრეზიდენტი, ოჯახის ექიმთა ტრენერთა ჯგუფის ხელმძღვანელი, ანტვერპენის უნივერსიტეტის კლინიკური უნარ-ჩვევების ცენტრის ხელმძღვანელი ნელე მიჩელსი, ასევე, კომუნიკაციური უნარ-ჩვევების ხაზის კოორდინატორები (ანტვერპენის უნივერსიტეტი) კრისტინ ვან დენ ბოგერდი და კატრინ ბომბეკე.

სამუშაო ვიზიტის ფარგლებში, კლინიკური და საბაზისო საგნების პედაგოგებმა გაიარეს ტრენინგი შემდეგ თემებზე: როგორ ვასწავლოთ და შევაფასოთ კომუნიკაციური უნარ-ჩვევები, როგორ ვასწავლოთ პაციენტის კონსულტაციის უნარ-ჩვევები და როგორ მოვამზადოთ სიმულაციური პაციენტი.

„მსგავსი ტრენინგები ხელს შეუწყობს სწავლების დროს სტუდენტებში ისეთი კომუნიკაციური უნარ-ჩვევების გაუმჯობესებას, როგორიც არის პაციენტისთვის ცუდი ამბის მიწოდება, სამოტივაციო ინტერვიუ, ფსიქიატრიული პრობლემების მქონე პაციენტებთან კომუნიკაცია. სამუშაო შეხვედრებზე დეტალურად განიხილეს კონკრეტული საკომუნიკაციო ტექნიკები. მნიშვნელოვანი ნაწილი ასევე დაეთმო ზემოთაღნიშნული უნარების შეფასების მეთოდებს. ამასთან, ცალკე უნდა აღინიშნოს სიმულაციური პაციენტების შერჩევის, მომზადების, სწავლების მეთოდებისა და მოსალოდნელი შედეგების შეფასების ნაწილი, სიმულაციური პაციენტების ტრენინგის სხვადასხვა დიდაქტიკური ასპექტის ამოცნობა და მათთან მუშაობა“ - ხათუნა ხატიაშვილი, საერთაშორისო ურთიერთობების სამსახურის კოორდინატორი, თსა-ს აფილირებული, ასოცირებული პროფესორი ქცევითი მეცნიერებების მიმართულებით.

გარდა ამისა, თსა აკადემიურმა და მოწვეულმა პედაგოგებმა ბელგიელ კოლეგებს გაუზიარეს თავიანთი გამოცდილება კომუნიკაციური უნარ-ჩვევების სწავლება/შეფასების მიმართულებით და სიმულაციური პაციენტების საგანმანათლებლო პროგრამაში ჩართულობის მაგალითები. ქართველმა და ბელგიელმა კოლეგებმა განიხილეს თსა-ში 2022 წლის ზაფხულში ჩატარებული ობიექტურად სტრუქტურირებული კლინიკური გამოცდის (OSCE) შედეგები და სტატისტიკური მახასიათებლები.

სტუმრებს ასევე ჰქონდათ სამუშაო შეხვედრები აკადემიის ადმინისტრაციის წარმომადგენლებთან Erasmus-ის ფარგლებში შემდგომი კოლაბორაციის გაგრძელების და ოჯახის ექიმთა ურთიერთთანამშრომლობის (GP network) გაძლიერების მიზნით.

2022-09-15

თბილისის სამედიცინო აკადემიას თსა სამედიცინო განათლების ინოვაციების ცენტრის (CIMED) ხელმძღვანელები პროფესორი იოუკ დენეკენსი და პროფესორი ჰერმან ვან როსემი (ანტვერპენი/ბელგია) სტუმრობდნენ.

ხუთ დღიანი ვიზიტის ფარგლებში სამუშაო შეხვედრები გაიმართა თსა-ს ადმინისტრაციასთან, აკადემიურ და მოწვეულ პედაგოგებთან. პედაგოგებმა წარადგინეს ინტეგრირებული ქეისები და შესაბამისი ინტეგრირებული დავალებები, იმსჯელეს სტუდენტზე ორიენტირებული სწავლების მაგალითებზე თავიანთი სასწავლო კურსების ფარგლებში, უკუკავშირისა და გუნდურ მუშაობაზე დაფუძნებული სწავლების ორგანიზებაზე და პორტფოლიოს შემდგომი განვითარების შესაძლებლობებზე.

კვირეულის ფარგლებში ასევე ჩატარდა ტრენინგები პედაგოგებისათვის თემებზე - „პაციენტზე, სტუდენტზე ორიენტირებული, ინტეგრირებული პროგრამის რეალიზაცია“, “გუნდურ მუშაობაზე დაფუძნებული სწავლების ხაზის განვითარება პროგრამაში”, “მენტორის როლი პორტფოლიოში“, „სწავლებისა და შეფასების მეთოდები პირველი სემესტრის სასწავლო პროგრამაში“, „ანატომიური მაგიდის შესაძლებლობების მაქსიმალურად გამოყენება სხვადასხვა სასწავლო კურსების ფარგლებში“ და სხვ.

თსა-მ AMEE-ს ყოველწლიურ კონფერენციაზე ორი თემა წარადგინა

2022-09-06

ევროპის სამედიცინო განათლების საერთაშორისო ასოციაციის (AMEE) ყოველწლიურ კონფერენციაზე (AMEE 2022), რომელიც ლიონში (საფრანგეთი) გაიმართა, თსა-მ ორი თემა წარადგინა.

თსა-ს ვიცე რექტორმა კვლევის მიმართულებით ეკატერინე კლდიაშვილმა და სამედიცინო განათლების ექსპერტმა დეა გოდერძიშვილმა წარადგინეს ზეპირი პრეზენტაცია სახელწოდებით: „Virtual Patient Simulators as a Pilot of eHealth Introduction in Medical Curricula“, ხოლო უწყვეტი პროფესიული განვითარების მენეჯერმა, კურიკულუმის კომიტეტის წევრმა მაკა ზარნაძემ, პრეზენტაცია წარადგინა თემაზე “The impact of the Self-Reflection on the Identification Learning needs of the Medical Students during preclinical years “.

ლიონში გამართულ კონფერენციას თსა-დან ასევე ესწრებოდნენ საგანმანათლებლო პროგრამის ხელმძღვანელი ცისანა ლომაშვილი და ხარისხის უზრუნველყოფის სამსახურის უფროსი ნინო სიხარულიძე. კონფერენციის ფარგლებში აკადემიის წარმომადგენლებმა მონაწილეობა მიიღეს სხვადასხვა თემატურ ვორქშოპსა და სამუშაო შეხვედრაში. ამასთან, მათ შესაძლებლობა ჰქონდათ გაცნობოდნენ სამედიცინო განათლებაში აღიარებული ექსპერტების მოსაზრებებს და მონაწილეობა მიეღოთ დისკუსიებში როგორც მსგავსი, ასევე განსხვავებული ინტერესების მქონე კოლეგებთან მსოფლიოს სხვადასხვა კუთხიდან.

AMEE-ს კონფერენცია წლის ყველაზე მნიშვნელოვანი მოვლენაა სამედიცინო განათლებაში ჩართული ყველა პირისათვის. წელს კონფერენციაში მონაწილეობა მიიღო 90 ზე მეტმა სამედიცინო სკოლამ მსოფლიოს სხვადასხვა კუთხიდან.

თსა-ს თანამშრომლებმა სამედიცინო განათლების სპეციალისტის სტატუსი მოიპოვეს

2022-04-12

თსა განაგრძობს თავისი პერსონალის უწყვეტი პროფესიული განვითარების მხარდაჭერას. სამედიცინო განათლების სფეროში, სამედიცინო განათლების საერთაშორისო ასოციაციის (AMEE) მიერ შემოთავაზებული ტრენინგ-კურსები მნიშვნელოვანი ნაბიჯია ამ გზაზე.

თსა-ს აკადემიურმა პერსონალმა ცისანა ლომაშვილმა (პროგრამის ხელმძღვანელი), ია ხახუტაიშვილმა (კურიკულუმის კომიტეტის წევრი) და მაკა ზარნაძემ (კურიკულუმის კომიტეტის წევრი) გაიარეს AMEE-ს მიერ ორგანიზებული ოთხი ტრენინგ - კურსი „ძირითადი უნარ-ჩვევები სამედიცინო განათლებაში“ და სამედიცინო განათლების სპეციალისტის სტატუსი მოიპოვეს. ეს კი თსა-სთვის უმნიშვნელოვანესია ევროპულ საგანმანათლებლო სივრცეში ინტეგრაციისთვის.

„ტრენინგ-კურსები ორგანიზებული იყო AMEE-ს რეგიონული, საქართველოს წარმომადგენლობის მიერ და მას AMEE-ს პრეზიდენტი ტრევორ გიბსი უძღვებოდა. აღნიშნულმა კურსებმა საშუალება მოგვცა გავცნობოდით სამედიცინო განათლების მეთოდოლოგიის სიახლეებს აქტიური და საკმაოდ დატვირთული სამუშაო შეხვედრების ფორმატში. ტრენინგებზე სავალდებულო აქტივობის გარდა მსმენელებს მოგვეთხოვებოდა ტრენინგის შემდგომი დავალების შესრულება (ტრენინგის რეფლექსია), სადაც უნდა აღგვეწერა, თუ რა ცოდნა შევიძინეთ ტრენინგის მიმდინარეობის პროცესში და როგორ გამოვიყენებთ მას პრაქტიკაში. ტრენინგ-კურსების დავალების ფარგლებში ასევე ჩავატარეთ ორი კვლევა სამედიცინო განათლების მეთოდოლოგიის მიმართულებით - “ონლაინ შებრუნებული საკლასო ოთახის (Flipped Classroom) გავლენა კრიტიკულ აზროვნებაზე, გუნდურ მუშაობასა და დამოუკიდებელ სწავლის უნარებზე სწავლების პრეკლინიკურ ეტაპზე მყოფ სტუდენტებში” და “თვითრეფლექსიის გავლენა სწავლის საჭიროებების იდენტიფიცირებაზე სწავლების პრეკლინიკურ ეტაპზე“.

ერთ-ერთი კვლევა წარდგენილი იყო AMEE 2021 გლაზგოს კონფერენციაზე ზეპირი პრეზენტაციის სახით, ხოლო მეორე წარდგენილია - AMEE 2022 ლიონის კონფერენციაზე. აღნიშნულ ტრენინგებში აკადემიის ჩართულობა მნიშვნელოვანია, რადგან ამ დროს ვეცნობით სამედიცინო განათლების მეთოდოლოგიის სიახლეებს. მიღებულ ცოდნასა და გამოცდილებას ვუზიარებთ კოლეგებს და ერთობლივად ვცდილობთ სწავლების, სწავლის და შეფასების თანამედროვე სტანდარტები დავნერგოთ თსა-ში“ - მაკა ზარნაძე.

სამედიცინო განათლების სპეციალისტის სტატუსის მოპოვების მიზნით, ამჟამად თსა-ს კიდევ ექვსი თანამშრომელია ჩართული AMEE-ს ტრენინგ-კურსებში.

2022-04-04

ინტეგრაციის კვირეულის ბოლო ეტაპზე სტუდენტებისთვის გუნდურ მუშაობაზე დაფუძნებული სწავლების (TBL) სესია ჩატარდა. სესიის მიზანი იყო სტუდენტებში დამოუკიდებელი მუშაობის უნარ-ჩვევების, გუნდში მუშაობის, კომუნიკაციის უნარისა და კრიტიკულ აზროვნების განვითარება და მტკიცებულებაზე დაფუძნებული მედიცინის პრინციპების სწავლება.

„TBL არის ერთ-ერთი გზა, რომ ვაჩვენოთ სტუდენტს, თუ რამდენად მნიშვნელოვანია ჰქონდეს გუნდური მუშაობის უნარი. Მედიცინა უსაზღვრო, ამოუწურავი და სწრაფად განვითარებადია, შესაბამისად, აუცილებელია სხვადასხვა და ასევე ერთი და იგივე მიმართულების სპეციალისტების არა მხოლოდ არსებობა ერთ ან სხვადასხვა სამედიცინო დაწესებულებაში, არამედ მათი შეთანხმებული, მჭიდრო თანამშრომლობა, რათა მიღწეულ იქნას პაციენტისათვის ყველა შესაძლო, მათ შორის, საუკეთესო შედეგი“ - სალომე ბულისკერია, თსა-ს ლექტორი.

სესიამდე ერთი კვირით ადრე პედაგოგებმა სტუდენტებს გააცნეს TBL სესიის მიზანი, სწავლის შედეგები, დაჰყვეს ჯგუფებად და მიაწოდეს შესაბამისი ლიტერატურა. სესიის ფარგლებში სტუდენტებმა ჯგუფებად იმუშავეს დიაბეტით დაავადებული პაციენტის ქეისზე და შესაბამის დავალებაზე. დავალება მოითხოვდა სტუდენტების მხრიდან მოდულის ფარგლებში (ანატომია, ჰისტოლოგია, ფიზიოლოგია) მიღებული ცოდნის ინტეგრაციას და კლინიკური პრობლემის ამოხსნას.

„TBL გვაჩვევს გუნდურ მუშაობას, სტუდენტები ინტეგრირებულ დავალებებზე ერთად ვმუშაობთ, რაც სამომავლოდ დაგვეხმარება ეფექტური და სრულფასოვანი მომსახურება გაუწიოთ პაციენტს. სწორედ ახლა გავდივართ ენდოკრინულ სისტემას, შევისწავლით სხვადასხვა დაავადებებს, მათ შორის დიაბეტს. რეალურ პაციენტთან პირდაპირი კომუნიკაცია დაგვეხმარა თემის უკეთ გააზრებაში. გავარჩიეთ ქეისი დიაბეტზე და ამ თემის ირგვლივ წარმოვადგინეთ პოსტერები“ - იაკო ბარაბაძე, ქართულენოვანი მედიცინის მეორე კურსის სტუდენტი.

მენტორებმა შეაფასეს, როგორც სტუდენტების მიერ ჯგუფურად შესრულებული ინტეგრირებული დავალება, ასევე მათი ინტერპერსონალური უნარები.

2022-03-23

ინტეგრაციის კვირეულის ფარგლებში, თსა-ს სტუდენტები რეალურ პაციენტებს შეხვდნენ. კვირეულის მიზანს წარმოადგენს სტუდენტების კონტაქტი რეალურ პაციენტებთან სწავლების პრეკლინიკურ ეტაპზე და სხვადასხვა სასწავლო კურსის ფარგლებში შეძენილი ცოდნისა და უნარების გამოყენება მათი პრობლემის გასაცნობიერებლად.

„მსგავსი ღონისძიება ჩვენთვის, როგორც მომავალი ექიმებისთვის საინტერესოა, რადგან ექიმსა და პაციენტს შორის სწორი კომუნიკაცია ერთ-ერთი მნიშვნელოვანი ასპექტია. დღეს კი საშუალება მოგვეცა კარგი მაგალითი გვენახა იმისა, თუ როგორ უნდა წარიმართოს პაციენტთან დიალოგი. სწორედ ახლა ვსწავლობთ დიაბეტს და ენდოკრინულ სისტემას, პაციენტთან პირდაპირი კომუნიკაცია კი ძალიან დაგვეხმარა თეორიული ცოდნის გაღრმავებაში“- სანდრო საღლიანი, ინგლისურენოვანი მედიცინის მეორე კურსის სტუდენტი.

სტუდენტებს შესაძლებლობა ჰქონდათ მოესმინათ დიაბეტით დაავადებული პაციენტებისა და მათი მკურნალი ექიმის დიალოგი, დაესვათ მათთვის შეკითხვები და გაემართათ დისკუსია ამ თემის ირგვლივ.

„მიყვარს ახალგაზრდებთან ურთიერთობა და მომავალ ექიმებთან კომუნიკაცია ჩემთვის ძალიან მნიშვნელოვანი იყო. ყურადღებით მისმენდნენ და საინტერესო შეკითხვებს სვამდნენ. ვცდილობდი, ამომწურავად მეპასუხა მათთვის. ვფიქრობ, სტუდენტებს ეს პრაქტიკული გამოცდილება პროფესიულ ცოდნის გაღრმავებაში დაეხმარება, ამიტომ სიამოვნებით მივიღებ მსგავს აქციებში მონაწილეობას სხვა დროსაც. ეს ჩემზეც დადებითად მოქმედებს, როდესაც კითხვები მრავალფეროვანია, შენს თავს გვერდიდან უყურებ, ეს კი საინტერესო და სასარგებლო პროცესია“ - პაციენტი ასმათ გულიაშვილი, 67 წლის.

შეხვედრის დასასრულს, სტუდენტები გადანაწილდნენ ჯგუფებში, რომლებსაც მიეცათ ერთი კვირის ვადა, პედაგოგების მიერ მიწოდებული დიაბეტით დაავადებული პაციენტების ქეისებზე სამუშაოდ და პოსტერების წარმოსადგენად.

ინტეგრაციის კვირეულის ბოლო ეტაპს კი წარმოადგენს გუნდურ მუშაობაზე დაფუძნებული სწავლების (TBL) სესია, სადაც სტუდენტებმა უნდა იმუშაონ ინტეგრირებულ დავალებაზე.

2022-03-22

თსა-ს სამედიცინო განათლების ინოვაციების ცენტრის ორგანიზებით გაიმართა ონლაინ ტრენინგი თემაზე - ინტეგრირებული ქეისებისა და დავალების შექმნა.
შეხვედრას უძღვებოდნენ პროფ. იოუკ დენეკენსი და პროფ. ჰერმან ვან როსემი (ანტვერპენი, ბელგია). ტრენინგის მიზანი იყო ინტეგრირებული მოდულების ფარგლებში სასწავლო პროცესის ჰარმონიზაცია. ტრენერებმა პრეზენტაციები წარმოადგინეს შემდეგი მიმართულებით - სტუდენტზე და პაციენტზე ორიენტირებული პროგრამა და როგორ შევქმნათ ინტეგრირებული დავალება.
ონლაინ შეხვედრას ესწრებოდა აკადემიური პერსონალი და მოწვეული პედაგოგები, რომლებიც ახორციელებენ ინტეგრირებულ მოდულს. მათ შესაძლებლობა ჰქონდათ გუნდურად ემუშავათ ინტეგრირებულ დავალებებზე და მიეღოთ უკუკავშირი ბელგიელი კოლეგებისგან.

2021-10-18

პეტრე შოთაძის სახელობის თბილისის სამეციდინო აკადემიაში (თსა) პორტფოლიოს მენტორების სამ დღიანი ონლაინ ტრენინგი ჩატარდა.

ტრენინგს უძღვებოდნენ თსა-ს სამედიცინო განათლების ინოვაციების ცენტრის ხელმძღვანელები იოუკ დენეკენსი (სამედიცინო განათლების პროფესორი) და ჰერმან ვან როსემი (სამედიცინო განათლების პროფესორი) (ანტვერპენი, ბელგია).

ტრენინგის ფარგლებში, მინი-ლექციების, სამუშაო-შეხვედრებისა და დისკუსიის რეჟიმში მონაწილეები გაეცნენ აკადემიაში შემუშავებულ პორტფოლიოს კონცეფციას, პორტფოლიოს ფარგლებში სტუდენტის მიერ განსახორციელებელი დავალებების სტრუქტურას, შეფასებას, ეფექტური უკუკავშირის პრინციპებს და პორტფოლიოს მენტორის უფლება-მოვალეობებს.

პორტფოლიო სწავლების და შეფასების ინოვაციური მეთოდია აკადემიის საგანმანათლებლო პროგრამებში. პორტფოლიოს ფარგლებში განხორციელებული თვითრეგულირებული სასწავლო აქტივობები (თვით-ანალიზი (self-reflection) და პერსონალური განვითარების გეგმა (PDP) სტუდენტებს შესაძლებლობას აძლევს ჩაერთონ აქტიური სწავლის პროცესში როგორც პროფესიული, ასევე, პიროვნული განვითარებისათვის და მიაღწიონ საგანმანათლებლო პროგრამით განსაზღვრულ იმ კომპეტენციებს, რომლებიც პირდაპირ არის დაკავშირებული პროფესიონალიზმთან (მათ შორის, სწავლასთან მთელი სიცოცხლის განმავლობაში).

პორტფოლიოს სისტემით გათვალისწინებული დავალებების შესრულებისას სტუდენტებს დახმარებას უწევენ მენტორები.

თსა-ს მედიცინის სკოლამ პირველი ნაბიჯები პორტფოლიოს მეთოდის დანერგვისკენ 2020- 2021 აკადემიური წლის განმავლობაში გადადგა და პროცესში ოთხი მენტორი იყო ჩართული. ამჟამად ტრენინგი გაიარა თხუთმეტმა პოტენციურმა მენტორმა.

2021-08-31

2021 წლის 27-30 აგვისტოს, თბილისის სამედიცინო აკადემიამ (თსა) სამედიცინო განათლების საერთაშორისო ასოციაციის (AMEE) მიერ ორგანიზებულ ვირტუალურ კონფერენციაში მიიღო მონაწილეობა. თსა-დან მოხსენება თსა-ს პროგრამების ხელმძღვანელმა ცისანა ლომაშვილმა წარადგინა. მისი მოხსენება მოიცავდა Flipped Classroom-ის ფორმატის ფარგლებში სტუდენტებში კრიტიკული აზროვნების ჩამოყალიბების, დამოუკიდებელი და ჯგუფური მუშაობის უნარების გამომუშავებას. მოხსენების თანაავტორები არიან: ცისანა ლომაშვილი, ია ხახუტაიშვილი პეტრე შოთაძის სახელობის თბილისის სამედიცინო აკადემია(თსა) თინათინ ჩიქოვანი, თბილისის სახელმწიფო სამედიცინო უნივერსიტეტი (თსსუ), ლეილა ახვლედიანი, ლევან მეტრეველი - ბათუმის საერთაშორისო უნივერსიტეტი (ბსუ).

ცისანა ლომაშვილის მოხსენების თემა ეფუძნებოდა AMEE-ს რეგიონალურ საერთაშორისო ქსელის ცენტრში (თბილისი) ჩატარებული ტრენინგის - „კვლევის ძირითადი უნარები სამედიცინო განათლებაში“ (RESME) ფარგლებში განხორციელებულ კვლევას, რომელსაც პროფესორი დევიდ ტეილორი უძღვებოდა. კვლევაში სამი ინსტიტუცია თანამშრომლობდა - თბილისის სამედიცინო აკადემია, თბილისის სახელმწიფო სამედიცინო უნივერსიტეტი და ბათუმის საერთაშორისო უნივერსიტეტი.

თსა AMEE-ს მიერ ორგანიზებულ საერთაშორისო კონფერენციას 2016 წელს დამსწრის სტატუსით შეუერთდა, ხოლო 2017 წელს უკვე პოსტერ-პრეზენტაცია წარადგინა ობიექტურად სტრუქტურირებული გამოცდის კურიკულუმში დანერგვის შესახებ.

AMEE კონფერენცია ყოველწლიური ღონისძიებაა და მასში მონაწილეობას იღებენ სამედიცინო განათლებისა და ჯანდაცვის სფეროს წარმომადგენლები. 2021 წლის კონფერენციაში მონაწილეობა მიიღეს სამედიცინო განათლებისა და ჯანდაცვის სფეროს ექსპერტებმა და სიმპოზიუმების, სემინარებისა და ვორკშპების საშუალებით გაუზიარეს გამოცდილება ერთმანეთს.

სამედიცინო განათლების საერთაშორისო ასოციაცია ეს არის მსოფლიო ორგანიზაცია, რომელიც ხუთი კონტინენტის 90-ზე მეტ წევრ ქვეყანას აერთიანებს.

2019-11-05

თბილისის სამედიცინო აკადემიას ეწვია ანტვერპენის (ბელგია) უნივერსიტეტის პროფესორი, კლინიკური უნარ-ჩვევების ცენტრის ხელმძღვანელი ნელე მიშელსი. პროფესორი, ნელე მიშელსი თსა-ში სამუშაო ვიზიტით იმყოფებოდა და გამართა შეხვედრები აკადემიურ და ადმინისტრაციულ პერსონალთან. დაათვალიერა თსა-ს განახლებული კლინიკური უნარ-ჩვევების და ობიექტურად სტრუქტურირებული გამოცდების ცენტრი, გაეცნო როგორც მედიცინის საგანმანათლებლო პროგრამაში არსებულ სიახლეებს, ასევე სადოქტორო პროგრამას „მედიცინის მეცნიერებები“. აგრეთვე ვიზიტის ფარგლებში დაიგეგმა ისეთი მნიშვნელოვანი საკითხი, როგორიცაა Erasmus+ თანამშრომლობა პერსონალის და სტუდენტების მობილობის მიზნით, როგორც თსა-დან, ასევე ანტვერპენის უნივერსიტეტიდან.

სამედიცინო განათლების მეთოდოლოგიის ძირითადი პრინციპები

2019-09-20

თსა-ს აკადემიურმა პერსონალმა, 17-20 სექტემბერს, ჩაატარა ტრენინგი „თსა-ს ახალი მოწვეული პერსონალის ადაპტაცია და უწყვეტი პროფესიული განვითარების უზრუნველყოფა“. ტრენინგის მონაწილეები იყვნენ ახალი პედაგოგები, რომლებიც გაუძღვებიან 2019/2020 სასწავლო წელს.

ტრენინგი მიზნად ისახავდა შემდეგ ამოცანებს:
• აკადემიის პრიორიტეტული სტრატეგიული მიმართულებების, სასწავლო პროცესის მარეგულირებელი წესების გაცნობა;
• სამედიცინო განათლების მეთოდოლოგიაში არსებული სიახლეების გაცნობა;
• დისციპლინებსა და დეპარტამენტებს შორის ურთიერთთანამშრომლობა.

ტრენინგის თითოეული დღე მიმართული იყო, არა მხოლოდ პედაგოგების ინფორმირებასა, თუ ადაპტაციაზე აკადემიაში, არამედ მათ წინაშე სამედიცინო განათლებაში არსებული გამოწვევების გაანალიზებასა და განხორციელებაზე, სასწავლო პროცესში.

"პერსონალის განვითარება და ტრანსნაციონალური თანამშრომლობა” - ანგარიში

VITAL პროექტის ოფიციალური დაწყება

პოლონეთის დელეგაცია თსა-ში

EUA-ის ყოველწლიური ფორუმი

საგრანტო პროექტი - VITAL

CIMED-ის ხელმძღვანელების ვიზიტი თსა-ში

თსა PROFFORMANCE + პროექტის კონფერენციაზე

ევროპის უნივერსიტეტების ასოციაციის შეხვედრა

თსა EUA-ს თემატური სამუშაო ჯგუფის შეხვედრაში მონაწილეობს

ვორქშოპი - „შეფასება სამუშაო ადგილზე (WPBA – Mini-CEX და CbD)“

საერთაშორისო კურსი „მინდობილი პროფესიული საქმიანობა“

ლექციებისაგან თავისუფალი პროგრამის წარდგენა

AMEE 2025

ტრენერთა ტრენინგი

VOSCE ტრენინგ კურსი თსა-ში

პროფესორ კირან პანდიტის (აშშ) საჯარო ლექცია თსა-ში

თსა-ს წარმომადგენლებმა EUA-ს სამუშაო ჯგუფის შეხვედრაზე

ტრენინგები თსა-ს აკადემიური და მოწვეული პერსონალისათვის

თსა-ს ISR/CSR აქტივობები

ეფექტიანი სამეცნიერო ხელმძღვანელობის ძირითადი პრინციპები

ტრენინგები აკადემიური და მოწვეული პერსონალისთვის

თსა EUA-ს თემატურ სამუშაო ჯგუფში

სწავლა სახალისოა

პროფესორი ჯულიო პეტრონიო თსა-ში

აქტივობები MEDIC 2024-ის ფარგლებში

ვიზიტი სანტიეგო დე კომპოსტელას უნივერსიტეტში

AMSE - 2024

თსა-ს წარმომადგენლები დუბროვნიკში

ტრენინგები ახალი ლექტორებისთვის

AMEE - 2024

თსა-ს დელეგაცია რადბაუდის უნივერსიტეტში

ტრენინგი - „VOSCE (ვირტუალური OSCE)

ხელოვნური ინტელექტი უმაღლეს განათლებაში

რეგისტრაცია EACCME® მიერ აკრედიტებულ კურსზე

ტრენინგები ლექტორებისთვის

AMEE - სამედიცინო განათლების სპეციალისტის სტატუსი

ტრენინგები კლინიკური სასწავლო კურსების განმახორციელებლებისათვის

თანატოლთა სწავლების პროგრამა

კვლევითი უნარების განვითარება

სორბონას უნივერსიტეტის პროფესორი თსა-ში

ტრენინგები თსა-ს ახალი ლექტორებისთვის

შეხვედრა პორტფოლიოს მენტორებთან

ტუტორების ტრენინგი

ტრენინგების კვირეული თსა-ში

გამოცდილების გაზიარება

ტრენინგები ახალი ლექტორებისთვის

AMEE-ს ყოველწლიური კონფერენცია

საგანმანათლებლო ღონისძიება

ანტვერპენის უნივერსიტეტის დელეგაცია თსა-ში

ლოძის სამედიცინო უნივერსიტეტის დელეგაცია თსა-ში

ტრენინგი საბიბლიოთეკო რესურსების გამოყენებასთან დაკავშირებით

AMEE - სამედიცინო განათლების სპეციალისტის სტატუსი

Erasmus+ Staff Mobility

პოლონელი პედიატრის ვიზიტი თსა-ში

CyberPatient-ის დამფუძნებლის ვიზიტი თსა-ში

ტრენინგები პედაგოგებისათვის

CIMED-ის ხელმძღვანელების ვიზიტი თსა-ში

საგანმანათლებლო თამაში Bacteria Game

ტრენინგები თსა-ს აკადემიური და მოწვეული პერსონალისთვის

სტრუქტურირებული ზეპირი გამოცდა

საერთაშორისო კონფერენციებზე მიღებული გამოცდილების გაზიარება

თსა AMSE-ს ყოველწლიურ კონფერენციაზე

ბელგიელი კოლეგების ვიზიტი თსა-ში

CIMED-ის ტრენინგების კვირეული თსა-ში

თსა-მ AMEE-ს ყოველწლიურ კონფერენციაზე ორი თემა წარადგინა

თსა-ს თანამშრომლებმა სამედიცინო განათლების სპეციალისტის სტატუსი მოიპოვეს

გუნდურ მუშაობაზე დაფუძნებული სწავლების (TBL) სესია

ინტეგრაციის კვირეული თსა-ში

ინტეგრირებული ქეისებისა და დავალების შექმნა

პორტფოლიოს მენტორების სამ დღიანი ონლაინ ტრენინგი

AMEE

როგორ შევქმნათ სტანდარტული MCQ ტესტი

ტრენინგი, პროგრამა TURNITIN

ტრენინგი თემაზე ’’შებრუნებული საკლასო ოთახი’’

Turnitin-ის ტრენინგი თსა-ში

იოუკ დენეკენის სამუშაო ვიზიტი თსა-ში

პედაგოგების ტრენინგი თსა-ში

პროფესორი, ნელე მიშელსის ვიზიტი თსა-ში

თსა-ს თანამშრომლები AMEE-ს ტრენინგს დაესწრნენ

სამედიცინო განათლების მეთოდოლოგიის ძირითადი პრინციპები