გაცვლითი პროგრამები

თბილისის სამედიცინო აკადემია, ადამიანური კაპიტალის გაძლიერების მიზნით, სტუდენტებს გაცვლით საგანმანათლებლო პროგრამებში მონაწილეობისთვის სხვადასხვა სასტიპენდიო პროგრამას სთავაზობს. თსა-ს სტუდენტებს პირველივე კურსიდან აქვთ შესაძლებლობა, მოიპოვონ სტიპენდია და შეარჩიონ სასურველი პროგრამა ევროპის წამყვან უნივერსიტეტებში.

საერთაშორისო თანამშრომლობის ფარგლებში, აკადემია სტუდენტებს სთავაზობს სემესტრულ და ბილატერალურ გაცვლით პროგრამებს, ასევე მოკლევადიან და კლინიკურ სტაჟირებებს.

გაცვლით პროგრამებში მონაწილეობა თსა-ს სტუდენტებს აძლევს უნიკალურ შესაძლებლობას, გაეცნონ საერთაშორისო სამედიცინო საგანმანათლებლო სივრცეებს, კლინიკური პრაქტიკის საერთაშორისო სტანდარტებს და რეალურ გარემოში აღიქვან, როგორ ფუნქციონირებს მაღალეფექტიანი სამედიცინო სისტემა.

აკადემიური განვითარების გარდა, საგანმანათლებლო გაცვლითი პროგრამები სტუდენტებს ეხმარება კულტურული კომპეტენციებისა და ეთიკური პასუხისმგებლობის გაძლიერებაში. მრავალფეროვანი კულტურის მქონე პაციენტებთან კომუნიკაცია აძლიერებს ემპათიასა და პროფესიონალიზმს. ჯანდაცვის სხვადასხვა მოდელთან გაცნობა სტუდენტებს აძლევს ფართო ხედვას საზოგადოებრივი ჯანმრთელობის სისტემებზე, საავადმყოფოების მართვაზე და პაციენტზე ორიენტირებულ გარემოზე.

გვჯერა, რომ გაცვლითი საგანმანათლებლო პროგრამები გრძელვადიან სარგებელს ქმნის საქართველოს ჯანდაცვის სისტემისთვისაც. სტუდენტები სამშობლოში ბრუნდებიან ახალი ხედვით, საერთაშორისო კონტაქტებითა და მოტივაციით, რითაც წვლილი შეაქვთ საქართველოს სამედიცინო განათლებისა და კლინიკური პრაქტიკის მოდერნიზაციაში. საერთაშორისო საუკეთესო პრაქტიკისა და ინოვაციური მიდგომების გაზიარებით, თსა-ს სტუდენტები მონაწილეობენ ჯანდაცვის ხარისხის გაუმჯობესისა და საქართველოში მედიცინის მომავლის გაძლიერების პროცესში.

გაცვლითი ქსელი

პარტნიორი უნივერსიტეტები

33 პარტნიორი

ანტვერპენის უნივერსიტეტი ბელგია სოფიას სამედიცინო უნივერსიტეტი ბულგარეთი სარაევოს უნივერსიტეტი ბოსნია და ჰერცეგოვინა ფრეზენიუსის უნივერსიტეტი გერმანია ალექსანდრიის უნივერსიტეტი ეგვიპტე გრანადის უნივერსიტეტი ესპანეთი ჩუკუროვას უნივერსიტეტი თურქეთი სტამბოლის აიდინის უნივერსიტეტი თურქეთი საკარიას უნივერსიტეტი თურქეთი ლოკმან ჰეკიმის უნივერსიტეტი თურქეთი ათათურქის უნივერსიტეტი თურქეთი სტამბოლის უნივერსიტეტი-ჯერაჰფაშა თურქეთი გირესუნის უნივერსიტეტი თურქეთი რეჯეფ თაიფ ერდოღანის უნივერსიტეტი თურქეთი კატანიას უნივერსიტეტი იტალია მოლისეს უნივერსიტეტი იტალია ათენას ჯანდაცვის მოწინავე კვლევების ცენტრი იტალია კენიატას უნივერსიტეტი კენია ვილნიუსის უნივერსიტეტი ლიეტუვა კლაიპედას უნივერსიტეტი ლიეტუვა ლოძის სამედიცინო უნივერსიტეტი პოლონეთი ბიალისტოკის სამედიცინო უნივერსიტეტი პოლონეთი სიალკოტის უნივერსიტეტი პაკისტანი ლუჩიან ბლაგას სახელობის სიბიუს უნივერსიტეტი რუმინეთი ერევნის სახელმწიფო სამედიცინო უნივერსიტეტი სომხეთი ტრადიციული მედიცინის უნივერსიტეტი სომხეთი ტულუზას უნივერსიტეტი საფრანგეთი ხალტონის სახელმწიფო სამედიცინო უნივერსიტეტი ტაჯიკეთი ბუხარას სახელმწიფო სამედიცინო ინსტიტუტი უზბეკეთი ტერნოპილის ეროვნული სამედიცინო უნივერსიტეტი უკრაინა ყარაღანდის სამედიცინო უნივერსიტეტი ყაზახეთი მასარიკის უნივერსიტეტი ჩეხეთი ზაგრების უნივერსიტეტი ხორვატია