პროექტ „ლაბ-ორატორის“ დასკვნით ღონისძიებას - სტუდენტურ კონფერენციას თბილისის სამედიცინო აკადემიამ (თსა) უმასპინძლა. კონფერენციაზე პროექტის მონაწილე სტუდენტებმა წარმოადგინეს მოხსენებები რეოლოგიის თემაზე სალექციო და ლაბორატორიული აქტივობებიდან გამომდინარე.

პროექტის გამარჯვებულები გახდნენ თსა-ს სტუდენტები: ელენე ლიპარტია, სულიკო გოგიჩაშვილი და დავით მარჯანიძე, თემით: ,,რეოლოგია ნორმალური ორსულობის დროს”.

ჟიურის რჩეულები გახდნენ: მარიამ ინაშვილი (თსუ) და მიხეილ ბექაური (თსსუ), ხოლო, ორგანიზატორთა რჩეული გახდა გიორგი ხოტენაშვილი (თსა).

პროექტ „ლაბ-ორატორის“ მიზანია საზოგადოებაში ცნობიერების ამაღლება რეოლოგიასა და ბიორეოლოგიის შესახებ, როგორც თეორიული, ისე პრაქტიკული მიმართულებით. პროექტი სამ ეტაპად განხორციელდა. პირველ ეტაპზე დაინტერესებულმა სტუდენტებმა მოისმინეს ლექცია, რომლის შედეგადაც შეირჩა 20 საუკეთესო სტუდენტი. მეორე ეტაპზე მათ შესაძლებლობა მიეცათ პრაქტიკული მეცადინეობა გაევლოთ ლაბორატორიაში, ხოლო დასკვნით ეტაპზე, პროექტის მონაწილე სტუდენტებმა ჯგუფურად წარადგინეს პრეზენტაციები.

პროექტი „ლაბ-ორატორი“ ორგანიზებულია თბილისის სამედიცინო აკადემიის (თსა) სტუდენტური კლუბისა და თბილისის სახელმწიფო სამედიცინო უნივერსიტეტის (თსსუ) სტუდენტური თვითმმართველობის განათლების კომიტეტის მიერ.

პროექტის მხარდამჭერია სპორტის ტურიზმისა და ახალგაზრდობის საერთაშორისო ფონდი.