2014 წელი - სამეცნიერო ჟურნალ Nature-ში ჰარუკო ობოკატას და მისი კოლეგების ორმა სტატიამ მსოფლიო სამეცნიერო საზოგადოების ყურადღება მიიპყრო. ავტორებმა დიფერენცირებული უჯრედის პლურიპოტენტურ ღეროვან უჯრედად გარდაქმნის საოცრად მარტივი მეთოდი წარმოადგინეს. თუმცა, მითითებულ პუბლიკაციებში წარმოდგენილი მონაცემების ორიგინალურობაში ეჭვი იქნა შეტანილი. უფრო მეტიც, ჰარუკოს დამსაქმებლის, RIKEN განვითარების ბიოლოგიის ცენტრის (კობე, იაპონია) მიერ ჩატარებული მოკვლევით დადგინდა აკადემიური კეთილსინდისერების პრინციპების დარღვევა. ჰარუკო ობოკატას სამეცნიერო კარიერა დასრულდა, მას ჩამოერთვა დოქტორის წოდება.   

18 ოქტომბერი მსოფლიო აკადემიური კეთილსინდისიერების პრინციპების დაცვის საერთაშორისო დღეა. მის აღსანიშნავად თბილისის სამედიცინო აკადემიაში  ჩატარდა თემატური ინტელექტუალური თამაში "რა? სად? როდის?" და მოეწყო მხატვრული ფილმის "სიტყვები" განხილვა.