თსა-მ ნეიროფსიქოლოგ მაია მაჭავარიანს უმასპინძლა. შეხვედრა სტუდენტების ინიციატივით გაიმართა. მომხსენებელმა სტუდენტებთან ისაუბრა ისეთ აქტუალურ საკითხზე, როგორიცაა დისლექსია და დასწავლის უნარის დარღვევები. 

დისლექსია არის ნეირობიოლოგიური მდგომარეობა, რომელიც ეხება სწავლის უნარის გაძნელებას, ასევე ასოცირდება ყურადღების კონცენტრირების, ხანმოკლე მეხსიერებისა და ორგანიზების სირთულესთან.  შეხვედრაზე განიხილებოდა თუ როდის და რა სიმპტომებით შეიძლება ამოვიცნოთ დისლექსია, ინტელექტის დონესა და სოციო-კულტურული ფაქტორების გათვალისწინებით. სტუდენტებმა მიიღეს ინფორმაცია, დისლექსიის სხვადასხვა ფორმაზე, როგორ ვლინდება სხვადასხვა ასაკში და თუ როდის უნდა მივმართოთ სპეციალისტს.

“ძალიან საჭირო ინფორმაცია მივიღე. მოხარული, ვარ რომ მომხსენებელიცპროფესიონალი შეარჩია აკადემიამ და შესაბამისი ხარისხიც ინფორმაცია გაგვიზიარა სტუდენტებს. მე დაინტერესებული ვარ ამ საკითხით და ვიმედოვნებ, მომავალში კვლავ მომეცემა შესაძლებლობა კიდევ უფრო ღრმა დეტალებში განვიხილოთ ეს საკითხი” - აღნიშნა თსა-ს სტუდენტმა ალექსანდრე ყანჩაველმა.

თსა-ს მიზანია სტუდენტებს შეუქმნას მათი მოთხოვნების და საჭიროებების შესაბამისი სასწავლო გარემო. შესაბამისად, აკადემიას როგორც სტუდენტზე ორიენტირებულ ინსტიტუციას, შემუშავებული აქვს სტუდენტთა აკადემიური, ფსიქოლოგიური და კარიერული მხარდაჭერის მექანიზმები და სერვისები.