15 თებერვალი მარფანის სინდრომის შესახებ ცნობიერების ამაღლების დღეა!

მარფანის სინდრომი გენეტიკური დაავადებაა, რომელიც გავლენას ახდენს შემაერთებელ ქსოვილზე. ამ გავლენის გამო, მარფანის სინდრომს შეუძლია დააზიანოს სხეულის სხვადასხვა სისტემა და ორგანო: გულსისხლძარღვთა, სასუნთქი, საყრდენ-მამოძრავებელი და მხედველობის სისტემები. 

განურჩევლად ერისა, ეთნიკურობისა თუ სქესისა, მსოფლიო მასშტაბით, მარფანის სინდრომი 5,000 ადამიანიდან ერთს აღენიშნება. სიმპტომების გვიან გამოვლინების გამო, მარფანის სინდრომით დაავადებულმა პაციენტების თითქმის ნახევარმა, არ იცის საკუთარი დიაგნოზის შესახებ.

სწორედ იმისთვის, რომ ადრეულ წლებში მოხდეს მარფანის სინდრომის დიაგნოზირება, აუცილებელია ავამაღლოთ ცნობიერება. თითოეული ჩვენი ნაბიჯი, ნიშნავს ამ პაციენტების გვერდით დგომას და საზოგადოების ინფორმირებას. 

ეს დაავადება განაჩენი არ არის. ამის მაგალითი მარფანის სინდრომის მქონე ცნობილი ადმიანები არიან, რომლებმაც შეძლეს მიეღწიათ წარმატებისთვის. მაგალითად: აშშ-ის მე-16 პრეზიდენტი აბრაამ ლინკოლნი, მევიოლინე და კომპოზიტორი ნიკოლო პაგანინი, ჯგუფი ,,Of Mice & Men”-ის სოლისტი ოსტინ კარლაილი, რომელიც საკუთარი დიაგნოზის შესახებ ღიად საუბრობს და ეხმარება მარფანის სინდრომის მქონე ადამიანებს.