თსა-ს სტუდენტური კლუბის “გულის მცველების” ინიციატივით გაიმართა სტუდენტური სამეცნიერო კონფერენცია „ინოვაციები კარდიოლოგიაში“, რომელმაც გააერთიანა კარდიოლოგიით დაინტერესებული ახალგაზრდები.

კონფერენციის ფარგლებში მონაწილეებმა წარმოადგინეს მოხსენებები კარდიოლოგიის თანამედროვე და სწრაფად განვითარებად მიმართულებებზე. განსაკუთრებული ყურადღება დაეთმო კათეტერული აბლაციის ინოვაციურ მეთოდებს, გულ-სისხლძარღვთა დაავადებების დიაგნოსტიკისა და მკურნალობის უახლეს სტრატეგიებს, ასევე აქტუალურ კარდიოლოგიურ პათოლოგიებსა და მათი მართვის თანამედროვე მიდგომებს.

კონფერენციამ სტუდენტებს საშუალება მისცა უკეთ გაეცნოთ კარდიოლოგიის სფეროში მიმდინარე სიახლეები და გამოწვევები, ამასთან, ხელი შეუწყო სტუდენტებს შორის აკადემიური დისკუსიის გაღრმავებას და სტუდენტთა პროფესიული ინტერესის განვითარებას.