თბილისის სამედიცინო აკადემიაში მედიცინით დაინტერესებულ აბიტურიენტებს კვლავ ვუმასპინძლეთ. თსა-ში მოსულ ახალგაზრდებს აკადემიის რექტორმა, ირინე შოთაძემ და სტუდნეტებმა უმასპინძლეს.

თსა-ს საგანმანათლებლო პროგრამებზე, საერთაშორისო გაცვლით შესაძლებლობებზე, თანამედროვე ინფრასტრუქტურასა და მრავალფეროვან საგანმანათლებლო რესურსებზე, აბიტურიენტებს რექტორი ესაუბრა. გააცნო ყველა ის სტუდენტური სერვისი და შესაძლებლობა, რომელსაც აკადემია სტუდენტებს ყოველდღიურ სასწავლო პროცესში სთავაზობს.

თბილისის სამედიცინო აკადემიის 2026 წლის ერთ-ერთი მთავარი სიხალე სტუდენტთა განათლების ფინანსური მხარდაჭერის ახალი მოდელია. კერძოდ, ინგლისურენოვან მედიცინის პროგრამაზე ჩარიცხულ სტუდენტებს პირველი აკადემიური წელი სრულად უფინანსდებათ. მომდევნო სასწავლო წლიდან, სტუდენტები, რომლებიც სემესტრის ბოლოს დააგროვებენ 3.5 ან მეტ GPA-ს, მომდევნო სემესტრშიც შეინარჩუნებენ სწავლის საფასურის 100%-იან დაფინანსებას; ხოლო ისინი, ვინც სემესტრის ბოლოს დააგროვებენ 3.0-დან 3.5-მდე GPA-ს, შემდგომ სემესტრში მოიპოვებენ სწავლის საფასურის 50%-იან დაფინანსებას.

ღონისძიება მხოლოდ საინფორმაციო ნაწილით არ შემოიფარგლა. აბიტურიენტებმა თავად მიიღეს მონაწილეობა პრაქტიკულ აქტივობებში და უფრო ახლოს გაეცნენ სამედიცინო პროფესიის ყოველდღიურობას. კლინიკური უნარ-ჩვევების ცენტრში, უსაფრთხო გარემოში, გამოსცადეს გულ-ფილტვის რეანიმაცია (CPR), სისხლის ნიმუშის აღება და ქირურგიული კერვა. ამ პროცესში აბიტურიენტებს მენტორობას თსა-ს კლინიკური ცენტრის თანამშრომლები და სტუდენტები უწევდნენ.

* * *

თბილისი სამედიცინო აკადემიაში შექმნილია კულტურული მრავალფეროვნების მიზიდულობის სივრცეები, რომლებიც შემდგომში სტუდენტების ხელშეწყობით ბუნებრივად განაგრძობს განვითარებას. აკადემიის მისიის შესაბამისად შექმნილი სტუდენტზე ორიენტირებული, თანასწორი გარემო ეფუძნება ინკლუზიურობის, მრავალფეროვნების პატივისცემისა და არადისკრიმინაციული მიდგომების პრინციპებს. ეს მოიცავს როგორც ფიზიკურად ხელმისაწვდომ ინფრასტრუქტურას, ისე სწავლების მოქნილ და სტუდენტზე ორიენტირებულ მიდგომებს, რაც ითვალისწინებს განსხვავებულ სასწავლო საჭიროებებსა და შესაძლებლობებს.