ცხადდება სტუდენტური აკადემიის არჩევნები!

არჩევნების გზით შეირჩევა ორი სტუდენტი: ერთი საქართველოს მოქალაქე სტუდენტი და ერთი საერთაშორისო სტუდენტი, რომლებიც დაიკავებენ სტუდენტური აკადემიის ამბასადორების პოზიციას ერთი წლის განმავლობაში. 

კანდიდატურის წარმდგენი პირი უნდა აკმაყოფილებდეს შემდეგ კრიტერიუმებს:

• სტუდენტის აკადემიური მოსწრება (GPA) არ უნდა იყოს 1.5 -ზე ნაკლები.
• კანდიდატს არ უნდა ჰქონდეს დისციპლინური გადაცდომის ისტორია (დისციპლინური გადაცდომის ისტორია ავტომატურად გამოიწვევს კანდიდატის დისკვალიფიკაციას).
• კანდიდატი არ უნდა იყოს გამოვლენილი ბულინგში ან სხვა სახის არაეთიკურ ქცევაში. 

კანდიდატებმა, რომლებიც აკმაყოფილებენ ზემოაღნიშნულ მოთხოვნებს, უნდა წარმოადგინონ შემდეგი დოკუმენტაცია:

1. მოკლე ბიოგრაფია, რომელიც აღწერს კანდიდატის მოხალისეობრივ საქმიანობას, ლიდერობის გამოცდილებას და ასევე, მოიცავს სხვა დამატებით ინფორმაციას, რაც კანდიდატის სასარგებლოდ იმოქმედებს (არაუმეტეს 300 სიტყვისა).
2. სამოქმედო გეგმა მომდევნო 1 წლის პერიოდისათვის. (თუ რა მიზნებს და ამოცანებს ისახავს კანდიდატი სტუდენტური აკადემიის ეფექტიანი მუშაობისთვის და რა კონკრეტულ ღონისძიებებს შესთავაზებს აკადემიას აღნიშნული მიზნებისა და ამოცანების მისაღწევად)
3. ფოტოსურათი

შერჩეული კანდიდატების შესახებ ინფორმაცია (ბიოგრაფია, სამოქმედო გეგმა, ფოტოსურათი) განთავსდება ვებგვერდზე.

არასრულად წარმოდგენილი სააპლიკაციო ფორმის ან ვადაგადაცილებით შემოსული განაცხადები შემთხვევაში თქვენი კანდიდატურა არ განიხილება.

არჩევნების დღე:

• არჩევნები ჩატარდება ელექტრონულად, Google Forms-ის მეშვეობით. ხმის მიცემის უფლება ექნებათ სტუდენტებს მხოლოდ თსა-ს ელ-ფოსტის გამოყენებით (verified).
• გამარჯვებულები იქნებიან ის სტუდენტები, რომელთაც ექნებათ მოპოვებული ყველაზე მეტი ხმა.
• არჩევნებზე მიღებული შედეგები ჩაითვლება ვალიდურად მხოლოდ იმ შემთხვევაში, თუ მასში მონაწილეობას მიიღებს თსა-ს სტუდენტების არანაკლებ 10%.

2026 წლის არჩევნების პროცესის მნიშვნელოვანი თარიღები:

• კანდიდატურების რეგისტრაციის პერიოდი - 22 მაისი - 7 ივნისი
• მიღებული განაცხადების განხილვა/გამოქვეყნება - არაუმეტეს  8 ივნისისა
• საარჩევნო კამპანიის პერიოდი - 9-15 ივნისი
• არჩევნების დღე - 16 ივნისი 08:00 - 17:00 საათი

რეგისტრაცია

სტუდენტური აკადემიის დებულება