PROFFORMANCE + პროექტის დასკვნით კონფერენციას ბუდაპეშტმა უმასპინძლა. კონფერენციამ სახელწოდებით „დაინტერესებულ მხარეთა შეხვედრა - ღონისძიება სწავლებისა და სწავლის ხარისხის გაუმჯობესებისთვის“ – 14 ქვეყნის 90 წარმომადგენელი გააერთიანა.
ღონისძიებაზე პეტრე შოთაძის სახელობის თბილისის სამედიცინო აკადემიას (თსა) წარმოადგენდა ხარისხის უზრუნველყოფის სამსახურის ხელმძღვანელის მოადგილე და PROFFORMANCE-ის ინსტიტუციური ელჩი (PIA), ბიძინა ჩაჩხიანი.
კონფერენციის მთავარი ფოკუსი იყო PROFFORMANCE-ის შეფასების ხელსაწყოს, მოკლე სასწავლო კურსებისა და სწავლების სრულყოფისათვის შექმნილი მონაცემთა ბაზის პრაქტიკული გამოყენება.
ღონისძიება ჩატარდა Erasmus+-ისა და Tempus Public Foundation-ის მხარდაჭერით.