დიაბეტის მსოფლიო დღესთან დაკავშირებით, თბილისის სამედიცინო აკადემიაში ჩატარდა საქველმოქმედო აქცია, რომლის ფარგლებშიც ნებისმიერ მოქალაქეს შეეძლო ჩაეტარებინა სისხლში შაქრის დონის განმსაზღვრელი უფასო სკრინინგი.

ღონისძიება 3 საათის განმავლობაში მიმდინარეობდა და ჯამში 18-დან 75-წლამდე ასაკის 90-ზე მეტმა მოქალაქემ მიიღო მონაწილეობა. პროცედურებს ატარებდნენ თსა-ს ლიცენზირებული ენდოკრინოლოგები, რომლებსაც ეხმარებოდნენ თსა-ს სტუდენტები. საქველმოქმედო აქციის ფარგლებში, ექიმებმა და სტუდენტებმა, პაციენტებს გაუზიარეს რეკომენდაციები დიაბეტის ადრეულ ფაზაში გამოვლენის შესახებ, შეაფასეს მათთვის მომავალში დიაბეტის განვითარების რისკი, მიაწოდეს ინფორმაცია დაბალანსებული და დიაბეტური საკვები რაციონის შესახებ.

„ასეთი აქცია ძალიან მნიშვნელოვანია როგორც დიაბეტის მქონე, ასევე დიაბეტის არმქონე ადამიანებისთვის. ძალიან მომეწონა. კარგი იქნება თუ ასეთი აქციები ხშირად გაიმართება, ეს მისასალმებელია. მე მსგავსში არასოდეს მიმიღია მონაწილეობა და ძალიან მოხარული ვარ რომ ახლა მომეცა ამის შესაძლებლობა“ - ნანული ლიჩელი, 67 წლის.