Erasmus+ ინსტიტუციური თანამშრომლობის პროექტების ფარგლებში (KA2 - CBHE - უმაღლეს განათლებაში უნარ-ჩვევების გამომუშავება), თსა ჩართულია კონსორციუმში, რომელიც მიზნად ისახავს სამედიცინო და ჯანდაცვის განათლებაში ურთიერთდასწრების მექანიზმის და მიზნების შემუშავებას, ასევე, ინოვაციების დანერგვასა და გამოცდილების გაზიარების ხელშეწყობას. პროექტი დაფინანსებულია ევროკავშირის მიერ და აერთიანებს მონაწილეებს საქართველოდან, აღმოსავლეთ პარტნიორობის ქვეყნებიდან, აზიიდან და ევროკავშირიდან.

პროექტი VITAL – Virtual Innovation and Training for Advancing Faculty Leaders, Digital Competencies, and Research Excellence წარმოადგენს სტრატეგიულ შესაძლებლობების განვითარების საერთაშორისო ინიციატივას, რომელიც დაფინანსებულია Erasmus+ Virtual Exchange პროგრამის გრანტით.

პროექტში თსა მონაწილეობს როგორც პარტნიორი ორგანიზაცია და მისი განხორციელება და კოორდინაცია აკადემიის მხრიდან უზრუნველყოფილია თსა-ს ფაკულტეტის განვითარების დეპარტამენტისა და სამეცნიერო-კვლევითი და დოქტორანტურის დეპარტამენტის ფასილიტაციით.

პროექტის კოორდინატორია სანტიაგო დე კომპოსტელას უნივერსიტეტი (University of Santiago de Compostela – USC), ესპანეთი. VITAL ხორციელდება საერთაშორისო კონსორციუმის მიერ, რომელიც აერთიანებს პარტნიორ ინივერსიტეტებს ესპანეთიდან (სანტიაგო დე კომპოსტელას უნივერსიტეტი), იტალიიდან (INFOR ელეა სმარტ ბიზნეს აკადემია), უკრაინიდან (უკრაინის მეცნიერებათა ეროვნული აკადემიის სურსათის ბიოტექნოლოგიისა და გენომიკის ინსტიტუტი - IFBG, ტერნოპოლის ეროვნული სამედიცინო უნივერსიტეტი) და საქართველოდან (პეტრე შოთაძის სახელობის თბილისის სამედიცინო აკადემია, ბიზნესისა და ტექნოლოგიების ინივერსიტეტი).

Digi-CHange – ჯანდაცვის გუნდებისთვის სასწავლო პროგრამების ციფრული ტრანსფორმაცია და განვითარება არის Erasmus+ პროგრამის ფარგლებში დაფინანსებული უმაღლესი განათლების შესაძლებლობების განვითარების პროექტი, რომლის კოორდინატორია პეტრე შოთაძის სახელობის თბილისის სამედიცინო აკადემია.

პროექტი ხორციელდება საერთაშორისო კონსორციუმის მიერ, რომელიც აერთიანებს უმაღლეს საგანმანათლებლო დაწესებულებებსა და პარტნიორ ორგანიზაციებს ევროკავშირის წევრი (ირლანდია, იტალია და ლატვია) და პარტნიორი (საქართველო და უკრაინა) ქვეყნებიდან. Digi-CHange-ის მიზანია სამედიცინო და საექთნო განათლების მოდერნიზება ციფრული ჯანდაცვის, ხელოვნური ინტელექტისა და ინტერდისციპლინური თანამშრომლობის ინტეგრაციის გზით, რათა ჯანდაცვის მომავალი პროფესიონალები მომზადდნენ ეთიკური, თანამშრომლობითი და ციფრულად გამართული კლინიკური პრაქტიკისთვის.