პეტრე შოთაძის სახელობის თბილისის სამედიცინო აკადემიის (თსა) მისია და ინსტიტუციური განვითარების ხედვა გულისხმობს ხარისხის უზრუნველყოფისა (QA) და ხარისხის გაუმჯობესების (QI) ინტეგრირებულ მიდგომას როგორც ადმინისტრაციული, ისე კვლევის და მესამე მისიის (საზოგადოების განვითარებაში წვლილის შეტანა) მიმართულებებით.

თსა-ის ხარისხის უზრუნველყოფის სამსახურის მიზანია საუნივერსიტეტო სივრცეში ხარისხის კულტურის დამკვიდრება და მუდმივი განვითარება.

თსა-ში არსებული ხარისხის კულტურის ძირითადი ღირებულებებია:

• თანმიმდევრულობა – მისიასა და ხედვაში გაცხადებული პრიორიტეტების რეალურ საქმიანობაში დანერგვა
• ერთიანი მიდგომა – ერთიანი სტანდარტებისა და მიდგომების დამკვიდრება
• თანამონაწილეობა - თითოეული თანამშრომლის მიერ ორგანიზაციის ადგილობრივ და საერთაშორისო დონეზე პოზიციონირების და ხარისხის განვითარებაში წვლილის შეტანა;
• გამჭვირვალობა – შეფასებების და შედეგების გაზიარება დაინტერესებულ მხარეებთან
• მხარდამჭერი გარემო – სამართლიანობისა და გულწრფელობის პრინციპებზე დაყრდნობით
• ურთიერთპატივისცემა
• ინფორმირებულობა – ინფორმაციის ხელმისაწვდომობის უზრუნველყოფა

ხარისხის უზრუნველყოფის სამსახური ხელმძღვანელობს საქართველოს კანონებით და ითვალისწინებს ეროვნულ და საერთაშორისო სტანდარტებს.

ხარისხის შიდა უზრუნველყოფა

თსა-ში მოქმედი ხარისხის უზრუნველყოფის სისტემა დაფუძნებულია „Plan-Do-Check-Act Cycle“ პრინციპზე, რომელიც მოიცავს როგორც ხარისხის კონტროლის, ასევე ხარისხის გაუმჯობესების პროცედურებს. სისტემა ორიენტირებულია საგანმანათლებლო პროგრამების ხარისხზე და შიდა ხარისხის კულტურის განვითარებაზე.თსა-ში მოქმედი ხარისხის უზრუნველყოფის სისტემა დაფუძნებულია ე.წ. “Plan- Do-Check-Act cycle” პრინციპზე, შედგება ოთხი რგოლისგან და მოიცავს როგორც ხარისხის კონტროლის (განახორციელე, შეაფასე) ასევე ხარისხის მუდმივი გაუმჯობესების პროცედურებს (განავითარე, დაგეგმე). დინამიური და განმეორებადი პროცედურები ორიენტირებულია თსა-ს საგანმანათლებლო პროგრამების ხარისხის უზრუნველყოფასა და შიდა ინსტიტუციური ხარისხის კულტურის განვითარებაზე.