რა არის პლანეტარული ჯანმრთელობა და რატომ არის ეს ასე გადამწყვეტი ჩვენი, როგორც ჯანდაცვის პროფესიონალებისათვის? - ეკო კლუბის ორგანიზებით თსა-ში ამ თემაზე სემინარი გაიმართა. ღონისძიებას, რომელიც გარემოს დაცვის მსოფლიო დღეს მიეძღვნა უძღვებოდნენ თსა-ს ინსტიტუციური კულტურის განვითარების დეპარტამენტის ხელმძღვანელი მაკა მაღლაკელიძე და თსა-ს სტუდენტი რიშუ შაჰი. მათ აუდიტორიას გაუზიარეს საკუთარი გამოცდილება პლანეტარული ჯანმრთელობის მიმართულებით.

“მე ვარ თსა-ს ეკო კლუბის წევრი და ჩვენ ახლა ვართ იმ უნივერსიტეტში, რომელიც ხშირად ამახვილებს ყურადღებას პლანეტარულ ჯანმრთელობაზე და მის კორელაციაზე მედიცინასთან. ჩვენთვის, როგორც მომავალი ექიმებისთვის ძალიან მნიშვნელოვანია ვიცოდეთ მეტი ამ თემის შესახებ. უნდა ვიცოდეთ თუ როგორ გამოვიყენოთ ეს ცოდნა ჩვენს ყოველდღიურობაში. მიდმივი პრაქტიკა და მუშაობა დაგვეხმარება გავაუმჯობესოთ ჩვენი CanMeds-ის როლები“ - რიშუ შაჰი, სტუდენტი.

შეხვედრის ფარგლებში მაკა მაღლაკელიძემ მიმოიხილა მის მიერ ჩატარებული კვლევა, რომლის მთავარი მიზანი იყო შეესწავლა რა გავლენას ახდენს ჰაერის დაბინძურება ასთმისა და ფილტვის ქრონიკული ობსტრუქციული დაავადების (ფქოდ) გამწვავებასა და ჰოსპიტალიზაციაზე. კვლევის შედეგებმა ცხადყო, რომ ჰაერის დაბინძურების დონის 10 მიკროგრამი კუბურ მეტრზე მატებაც კი, სპეციფიკურად კი აზოტის დიოქსიდში, ასოცირდება ამ ორი დაავადების გამო ჰოსპიტალიზაციის 11%-ით ზრდასთან ბერლინში, ქალაქში, სადაც დაბინძურების ზღვრული მაჩვენებლები არ აჭარბებდა ევროკავშირის მიერ დადგენილ ნორმებს.

კვლევა - Asthma and COPD exacerbation in relation to outdoor air pollution in the metropolitan area of Berlin, Germany - PubMed (nih.gov)