"როგორ ვიპოვო მოტივაციის წყარო?" - თბილისის სამედიცინო აკადემიაში სტუდენტებისათვის ტრენინგი გაიმართა. ტრენინგს უძღვებოდა ფსიქოლოგი და ტრენერი ნინო ბუაძე.

ინტერაქციითა და სხვადასხვა აქტივობით დატვირთულ შეხვედრაზე განიხილეს მოტივაციის რაობა, მექანიზმი და მოტივაციის წყაროები. სტუდენტებს შესაძლებლობა ჰქონდათ მონაწილეობა მიეღოთ ვოკრშოპში, ეფიქრათ საკუთარი მოტივაციის წყაროზე მასზე მოქმედ ფაქტორებზე, სწავლასა თუ ყოველდღიურ ცხოვრებაში. ასევე, მოტივაციისა და თვითშეფასების კავშირსა და იმ დისპოზიციებზე, რომლებიც ხელს უშლიან დარჩნენ უფრო მოტივირებულები, სწავლის პროცესში.

„ძალიან საინტერესო იყო აუდიტორიასთან შეხვედრა, სტუდენტების ჩართულობა საკმაოდ ინტერაქციული იყო, მათ საშუალება ჰქონდათ ინდივიდუალური სავარჯიშო გაეკეთებინათ, ეს კი მათთვის სასარგებლოა, რადგან მათ კონკრეტულ მიზანს ეხება და უფრო ნათლად დაინახეს რა არის მათი მიზანი. სტუდენტებმა საინტერესო კითხვები დასვეს. ვფიქრობ, მომავალში ეს იქნება მათთვის ხელშემწყობი ეფექტურად დაგეგმონ საკუთარი სურვილები და მიზნები“ - აღნიშნა ნინო ბუაძემ.

შეხვედრის მსვლელობისას სტუდენტებმა შეიმუშავეს ინდივიდუალური სტრატეგია საკუთარი მიზნების მისაღწევად, რაც დამატებით სარგებელს მისცემს მათ გამოიყენონ ეს უნარები ცხოვრებაში.

„კმაყოფილი ვარ დღევანდელი შეხვედრით, რადგან ძალიან დამაფიქრა თუ რა არის მოტივაციის საფუძველი, რა მოქმედებს მასზე და რა არის მნიშვნელოვანი მიზნის მისაღწევად. ფსიქოლოგი საინტერესოდ და დეტალურად საუბრობდა. ვფიქრობ, უფრო ღრმად შევისწავლი რა უნდა გავაკეთო იმისათვის, რომ ჩემს მიზნებს მივაღწიო“ - ლუკა ღვინიაშვილი, პირველი კურსის სტუდენტი.