დერმატოლოგთა მსოფლიო კონგრესს სინგაპურმა უმასპინძლა. კონგრესში ევროპის ამბასადორის, საერთაშორისო სპიკერისა და სესიის თანათავმჯდომარის სტატუსით მონაწილეობდა თსა-ს მედიცინის სკოლის დეკანი ლალი მეკოკიშვილი. მისი მოხსენება შეეხებოდა სტაფილოკოკური ინფექციების თანამედროვე მკურნალობასა და პრევენციას. ღონისძიების ფარგლებში, მან ასევე მონაწილეობა მიიღო გენერალურ ასამბლეის მუშაობაში, როგორც დერმატოლოგთა საზოგადოებების საერთაშორისო ლიგის წარმომადგენელმა.

გარდა ამისა, მედიცინის სკოლის დეკანს დიალოგი ჰქონდა რომის, ვროცლავის, მიჩიგანის უნივერსიტეტის პროფესორებთან ერთობლივ სამომავლო პროექტებზე.

დერმატოლოგთა მსოფლიო კონგრესს 12000-ზე მეტი დელეგატი ესწრებოდა მსოფლიოს ყველა ქვეყნიდან. 300-მდე საერთაშორისო სპიკერმა აუდიტორიას გაუზიარა დარგის უახლესი მიღწევები და ინოვაციები.

დერმატოლოგთა მსოფლიო კონგრესი 4 წელიწადში ერთხელ იმართება და დარგის უმნიშვნელოვანეს სამეცნიერო-პრაქტიკულ მოვლენას წარმოადგენს.