ოქტომბერი ძუძუს კიბოს შესახებ ცნობიერების ამაღლების თვეა. კამპანიამ სახელწოდებით „შენი სიცოცხლე შენს ხელშია“ დღეს აიღო სტარტი და მთელი წლის განმავლობაში გაგრძელდება.

კამპანიის პირველი ღონისძიება სლოგანით, „ჩაიტარე სკრინინგი და იყავი დაცული“ დღეს გაიმართა. თსა-ს სტუდენტებმა, ადმინისტრაციის თანამშრომლებმა, ეროვნული სკრინინგ ცენტრის წარმომადგენლებმა,  ორგანიზაცია „ევროპა დონა საქართველოსთან“ და რიგით მოქალაქეებთან ერთად ცოცხალი ჯაჭვი შეკრეს. ღონისძიება სიმბოლურად ძუძუს კიბოს შესახებ ცნობიერების ამაღლებას და პაციენტთა მიმართ სოლიდარობის გამოხატვას ემსახურება.

თბილისის სამედიცინო აკადემია ტრადიციულად უერთდება ძუძუს კიბოს შესახებ ცნობიერების ამაღლების კამპანიას და არაერთ ღონისძიებას გეგმავს ამ მიმართულებით.