თსა-ს სტუდენტებმა ელენე ლილუაშვილმა და ელენე ლიპარტიამ, რომლებიც საერთაშორისო სტუდენტური (ბიო)სამედიცინო კონგრესის  (ISCOMS) ამბასადორები არიან, თანატოლებისთვის საინფორმაციო შეხვედრა გამართეს. შეხვედრის მიზანი იყო გაეზიარებინათ ინფორმაცია ISCOMS-ის შესახებ. კერძოდ, რა არის ISCOMS? ვის და როგორ შეუძლია ამ საერთაშორისო კონგრესში მონაწილეობის მიღება და როგორ უნდა მოვემზადოთ ISCOMS 2024-სთვის. 

ამბასადორებმა, რომლებმაც თავადაც მიიღეს ISCOMS 2023-ში მონაწილეობა, სტუდენტებს გაუზიარეს კონგრესში მონაწილეობის შედეგად მიღებული გამოცდილება.

„დღევანდელი შეხვედრა ვფიქრობ მნიშვნელოვანი იყო, ვინაიდან, შეეხებოდა წლევანდელ კონგრესს, რომელიც ჩატარდება ივნისში. ჩვენს სტუდენტებს გავაცანით ის შესაძლებლობები, თუ როგორ შეუძლიათ მიიღონ მონაწილეობა ISCOMS-ის კონგრესზე, რა ტიპის კვლევები შეუძლიათ წარადგინონ და ზოგადად, რას მოიცავს ეს ღონისძიება“ - ელენე ლილუაშილი, თსა-ს მეოთხე კურსის სტუდენტი .

საერთაშორისო სტუდენტური (ბიო)სამედიცინო კონგრესი (ISCOMS) - ეს არის სტუდენტების მიერ ჩამოყალიბებული არაკომერციული ორგანიზაცია, რომელიც მიზნად ისახავს სტუდენტური კვლევების და მათი განხორციელებისას მიღებული შედეგების საერთაშორისო დისემინაციის ხელშეწყობას.