“მენტალური ჯანმრთელობა ძალზედ მნიშვნელოვანია ყოველდღიურ ცხოვრებაში. მიუხედავად იმისა, რომ შეიძლება ერთი შეხედვით არ ემჩნეოდეს ნებისმიერ ჩვენგანს სტრესი ან მსგავსი ემოციები, საბოლოოდ მაინც ყველას უწევს ცხოვრებაში საკუთარ დაბრკოლებებთან ბრძოლა” - გვითხრა თსა-ს სტუდენტმა, სტუდენტური კლუბის „საზოგადოების დამხმარეების“ ხელმძღვანელმა ანანო ახობაძემ, რომელიც ახორციელებს პროექტს „ხელოვნების თერაპია“.

 „ხელოვნების თერაპია” ის თემატიკაა, რომელიც ნებისმიერი ასაკის ადამიანზეა გათვლილი და პროექტის მონაწილეებს შესაძლებლობას აძლევს ნახატებში გადმოიტანონ ის ემოციები, რასაც გრძნობენ: შიში, სტრესი, სევდა თუ სიხარული. Პროექტის მიზანია  ხელოვნებისა და მედიცინის კავშირის წარმოჩენა. ეს ტრანსდისციპლინური მიდგომა ეხმარება მონაწილეებს საკუთარ თავში განსხვავებული შესაძლებლობები აღმოაჩინონ და ხელოვნებით გადმოსცენ ემოციები.