თსა-მ მოლისეს უნივერსიტეტთან (იტალია) პარტნიორობით Erasmus+ მობილობის პროექტების ფარგლებში გრანტი მოიპოვა.

მიღებული გრანტი მიზნად ისახავს როგორც სტუდენტების და პერსონალის წევრების მობილობის ხელშეწყობას პარტნიორ უნივერსიტეტებს შორის, ასევე საუკეთესო პრაქტიკების და გამოცდილებების გაზიარებას მომავალი სამი წლის განმავლობაში. ამასთან, აღნიშნული პარტნიორობა თავის მხრივ ხელს შეუწყობს შემდგომ თანამშრომლობას როგორც საგანმანათლებლო, ასევე სამეცნიერო მიმართულებებით და შექმნის ერთობლივი პროექტების განხორციელების შესაძლებლობებს როგორც დიპლომამდელ, ისე დიპლომისშემდგომ საფეხურზე.