მასშტაბური ახალგაზრდული ფესტივალი „სტუდფესტ 2024“ დასრულდა. 
 

ფესტივალის ფარგლებში, საქართველოს უნივერსიტეტებს შორის გაიმართა სპორტული შეჯიბრებები, კულტურული და შემოქმედებითი ღონისძიებები, მოხალისეობრივი აქტივობები და სხვა. თსა-ს სტუდენტები აქტიურად იყვნენ ჩართული როგორც სპორტულ, ასევე ინტელექტუალურ აქტივობებში.  აღსანიშნავია, რომ წელს ფესტივალს 25 000-მდე მონაწილე და 665 გამარჯვებული სტუდენტი ჰყავს. მათ შორის, საპრიზო ადგილებზე გავიდნენ თსა-ს სტუდენტებიც. სტუდენტური დებატები - თსა-ს გუნდმა (ხატია დევაძე, გიორგი ბარაქაძე და დავით მარჯანიძე) მეორე ადგილი დაიკავა. ნარდის შეჯიბრში მეორე ადგილოსანი შოთა სოლომონიძე გახდა, ხოლო ნუცა გაბიტაშვილმა, რომელმაც ჩოგბურთის შეჯიბრში იასპარეზა, მესამე საპრიზო ადგილი დაიმსახურა.
 

აკადემიის სტუდენტები ასევე ჩართული იყვნენ ინტელექტუალურ თამაშში რა? სად? როდის?

გარდა ამისა, სტუდფესტ 2024 -ის ფარგლებში, თსა-ს სტუდენტები ჩაერთნენ მოხალისეობრივ კომპონენტში. თსა-ს სტუდენტურმა კლუბმა “საზოგადოების დამხმარეებმა” საჯარო და კერძო სკოლების მოსწავლეების მონაწილეობით განახორციელეს პროექტი „ეკო პულსი“. პროექტის მიზანია ახალგაზრდების ჩართვა და გაძლიერება ჩვენს საზოგადოებაში არსებული გარემოსდაცვითი გამოწვევების გადაჭრაში მთელი რიგი საგანმანათლებლო აქტივობების განხორციელებით. პროექტში ასევე მონაწილეობდნენ სპეციალური საგანმანათლებლო საჭიროების მქონე მოზარდები სოციალური საწარმო „ბაბალედან.“ 

ფესტივალის ფარგლებში, აკადემიის სტუდენტები ასევე მონაწილეობდნენ შემდეგ სპორტულ აქტივობებში: მინი ფეხბურთი, შაში, ჭადრაკი, ფრენბურთი, კარტინგი, ბილიარდი, ფეინთბოლი, კალათბურთი და  ჯომარდობა.
 

„სტუდფესტი 2024“ საქართველოს განათლების, მეცნიერებისა და ახალგაზრდობის სამინისტროს ინიციატივით, სსიპ ახალგაზრდობის სააგენტოს, ქალაქ თბილისის მუნიციპალიტეტის მერიისა და საქართველოს სტუდენტური ორგანიზაციების ასოციაციის ორგანიზებით ჩატარდა.