როგორ გამაძლიერა ბრძოლამ
თსა-ს სტუდენტი / TMA Student
როგორ გამაძლიერა ბრძოლამ
როგორ გამაძლიერა ბრძოლამ
ვინ ვარ – მე ვარ ადანა, მედიცინის სტუდენტი ნიგერიიდან, მივისწრაფვი ვიყო საკუთარი თავის უკეთესი ვერსია და ვამაყობ , რომ ვამთავრებ მედიცინის სკოლის მე-5 კურსს.
ის, რითაც ვარ განსაკუთრებული - არის ჩემი პიროვნება და ჩემი გამოცდილება.
ჩემი ჰობი - აფრიკული წიგნების კითხვა, მეგობრებთან ერთად გართობა და YouTube-ის ყურება.
სამი რამ, რისი კეთებაც მიყვარს - მეგობრებისთვის საჭმლის მომზადება, ლოცვა და ხანგრძლივი სეირნობა.
რა მახარებს - გემრიელი საჭმელი და სიმშვიდე.
ცხოვრების მთავარი მიზანი/ოცნება- შევძლო ჩემი სუპერ ძალების მაქსიმიზაცია.
ჩემი ამბავი
მე ვარ ადანა ჯოისი, ნიგერიიდან, თსა-ს მე-5 კურსის სტუდენტი. მე გაგიზიარებთ ჩემს გამოცდილებას და მოგიყვებით იმ გამოწვევების შესახებ, რასაც მედიცინის სწავლების პროცესში გადავაწყდი.
მთელი ჩემი შეგნებული ცხოვრება ვიცოდი, რომ მედიცინის შესწავლა მინდოდა. ჩემი ეს გადაწყვეტილება კიდევ უფრო განამტკიცა ჩემი ოჯახის წევრის ჯანმრთელობასთან დაკავშირებულმა გარემოებამ. პირველივე ჯერზე არ გამიმართლა და სკოლის დამთავრებისთანავე სამედიცინო სკოლაში ჩაბარება ვერ მოვახერხე, ეს გარკვეულ საგანმანათლებლო პოლიტიკასთან იყო დაკავშირებული. ჩემი მომავალი კარიერისკენ სწრაფვისთვის თავის დანებებას ვაპირებდი, რადგან, ვერ ვხვდებოდი რატომ უნდა მესწავლა ერთი და იგივე სფერო დიდი ხნის განმავლობაში. თსა-ს ერთ-ერთმა სტუდენტმა გამიზიარა ინფორმაცია საქართველოში მედიცინის სწავლების შესახებ და მეც მივიღე გადაწყვეტილება თსა-ში შემომეტანა საბუთები. გარკვეული პროცედურების გავლის შემდეგ მე ეს შევძელი და უკვე მალე დავასრულებ კიდეც სასწავლო პროგრამას.
ჩემი პირველი სემესტრი თსა-ში 2018 წლის მარტში დაიწყო. ძალიან ვღელავდი, ჩემთვის ყველაფერი ახალი და განსხვავებული იყო. მოხვდე უნივერსიტეტში, სადაც ასობით სტუდენტი შეიძლება იჯდეს აუდიტორიაში და ამ დროს ლექტორმა ყველა მათგანის სახელი იცოდეს, ეს შთამბეჭდავი იყო. ლექტორები შესაძლებლობას მაძლევდნენ დამესვა კითხვები და მიმეღო პასუხები ყველა მათგანზე.
