თსა-ს სტუდენტური კლუბის „საზოგადოების დამხმარეების“  ხელმძღვანელმა ანანო ახობაძემ ამერიკულ საბჭოებში ახალი პროექტი „მედიცინა და ფსიქოლოგია“ განახორციელა. ამ ინიციატივამ  თბილისის სამედიცინო აკადემიისა (თსა) და თბილისის სახელმწიფო უნივერსიტეტის (თსუ) სტუდენტები გააერთიანა.

პროექტი ითვალისწინებდა ფსიქოლოგიასა და სამედიცინო სფეროებს შორის ურთიერთკავშირის ხაზგასმას. ფსიქოლოგიის მიმართულებას უძღბებოდნენ თსუ-ს სტუდენტები, რომლებმაც ჩაატარეს ტრენინგი, ხოლო სამედიცინო მიმართულებაზე ანანო ახობაძემ ისაუბრა. მან დამსწრე აუდიტორიას პირველადი გადაუდებელი დახმარების ვორკშოფი შესთავაზა, რომელიც მოიცავდა ისეთ ტექნიკებს როგორიცაა: არტაშნისა და ტურნიკეტის გამოყენება, სამკუთხა სახვევის გამოყენება, ძლიერი სისხლდენის დროს მოქცევის წესბი და სხვ. ამასთან, მან აუდიტორიას გაუზიარა პრაქტიკული რჩევები, რომელიც უნდა გაითვალისწინოს კრიტიკულ სიტუაციაში მყოფმა ადამიანმა, პირველადი გადაუდებელი დახმარების აუცილებლობის შემთხვევაში.

პროექტი „მედიცინა და ფსიქოლოგია“ მიზნად ისახავდა აღენიშნა ორივე სფეროს საერთო მისია: ადამიანების დახმარება. მან ხაზი გაუსვა ინდივიდუალურად ფსიქოლოგიის და მედიცინის უნიკალურ მნიშვნელობას, წარმოაჩინა მათი როლი ადამიანების ცხოვრების გაუმჯობესებაში.