საქართველოს არითმიის სკოლის ორგანიზებითა და თბილისის სამედიცინო აკადემიის მხარდაჭერით, ბაკურიანში არითმიის ზამთრის სკოლის მორიგი სესია გაიმართა. ზამთრის სკოლაში მონაწილეობდა საქართველოს ხუთი სამედიცინო უნივერსიტეტის 60-მდე სტუდენტი.

თსა-ს გუნდს წარმოადგენდნენ როგორც ქართველი, ასევე საერთაშორისო სტუდენტები, მათ შორის, ათათურქის უნივერსიტეტის ორი სტუდენტი, რომლებიც თსა-ს მოწვევითა და სრული დაფინანსებით სპეციალურად ზამთრის სკოლაში მონაწილეობის მისაღებად ჩამოვიდნენ.

ორდღიანი სესიის ფარგლებში სტუდენტებმა მონაწილეობა მიიღეს სხვადასხვა პრაქტიკულ სემინარსა და ვორკშოპში. ასევე, გაიმართა ინტელექტუალური თამაში ელექტროკარდიოგრაფიის წაკითხვაში, რომელშიც თსა-ს სტუდენტებმა ლაშა აგულაშვილმა და სოფიო შამუგიამ საპრიზო ადგილები დაიმსახურეს.