თბილისის სამედიცინო აკადემიამ თურქეთის, ქალაქ ტრაბზონის კარადენიზის ტექნიკური უნივერსიტეტის წარმომადგენლებს უმასპინძლა. სამუშაო შეხვედრას ესწრებოდნენ მეცნიერებათა ფაკულტეტის ქიმიის განყოფილების პროფესორი სედათ ქელეში, ჯანდაცვის მეცნიერებათა ფაკულტეტის პროფესორი ნურჰან გუმრუქჩუოღლუ, ჯანდაცვის მეცნიერებათა ფაკულტეტის პროფესორი ბეითულაჰ ერთემი და მკვლევარი და მწერალი რაჰმან აიჰანი.

მხარეებმა განიხილეს ორმხრივი თანამშრომლობის პერსპექტივები. აღსანიშნავია, რომ უახლოეს პერიოდში უნივერსიტეტებს შორის გაფორმდება ურთიერთთანამშრომლობის მემორანდუმი, რაც საშუალებას მისცემს როგორც სტუდენტებს, ასევე აკადემიურ და ადმინისტრაციულ პერსონალს ისარგებლონ გაცვლითი პროგრამებით.