დერმატოლოგიისა და კოსმეტოლოგიის IX ევრაზიულ კონგრესს ნაზარბაევის უნივერსიტეტმა (ასტანა, ყაზახეთი) უმასპინძლა. კონგრესზე ყაზახეთის დერმატოლოგიური საზოგადოების პრეზიდენტის პირადი მიწვევით პლენარული სპიკერის სტატუსით მონაწილეობა მიიღო თბილისის სამედიცინო აკადემიის მედიცინის სკოლის დეკანმა, პროფესორმა ლალი მეკოკიშვილმა. მან კოლეგებს გაუზიარა თანამედროვე ხედვა და პირადი გამოცდილება კანის ჰიპერპიგმენტაციის დიაგნოსტიკასა და მკურნალობაზე. 

ფორუმზე მონაწილეობდნენ დარგის წამყვანი სპეციალისტები მსოფლიოს 20-ზე მეტი ქვეყნიდან. კონგრესის ფარგლებში შედგა შეხვედრები სხვადასხვა უნივერსიტეტის წარმომადგენლებთან. დაიგეგმა პარტნიორული ურთიერთობების დამყარება აკადემიასა და ნაზარბაევის უნივერსიტეტს შორის.