„მიღწევები და გამოწვევები ალცჰაიმერის დაავადებაში“ - თსა-ს სამეცნიერ კლუბის ორგანიზებით ღონისძიება გაიმართა.

ღონისძიების მიზანი იყო სტუდენტებისთვის ალცჰაიმერის დაავადების არსის, პათოფიზიოლოგიური მექანიზმების, თანამედროვე დიაგნოსტიკისა და თერაპიული მიდგომების გაცნობა. ასევე, მიმდინარე სამეცნიერო კვლევებისა და ეთიკური საკითხების განხილვა, რაც ალცჰაიმერის დაავადების კლინიკური მართვის ასპექტებს უკავშირდება.

ღონისძიება ინტერაქციულ ფორმატში წარიმართა, რამაც მონაწილეებს საშუალება მისცა აქტიურად ჩართულიყვნენ დისკუსიაში, გაეზიარებინათ საკუთარი მოსაზრებები და ემსჯელათ ალცჰაიმერის დაავადებასთან ასოცირებულ გამოწვევებსა და შესაძლო კვლევით პერსპექტივებზე.