2-17 აპრილს თბილისის სამედიცინო აკადემია აბიტურიენტებს ღია კარის დღეებზე მასპინძლობს.

მონაწილეობა მიიღეს სიმულაციურ ტრენინგში "ერთი დღე კლინიკაში“ და სრულიად უსაფრთხო გარემოში სამედიცინო სიმულატორებსა და მულაჟებზე შეასრულეს შემდეგი სამედიცინო პროცედურები: • პირველადი რეანიმაციული ღონისძიებები - გულის არაპირდაპირი მასაჟი, ხელოვნური სუნთქვის ჩატარება, დეფიბრილაცია;
• ინტრავენური მიდგომები - პერიფერიულ ვენაში კათეტერის ჩადგმა, სისხლის ნიმუშის აღება, ვენაში პრეპარატის შეყვანა;
• ჭრილობის პირველადი დამუშავება და გაკერვა;
• ენდოტრაქეული ინტუბაცია - სასუნთქი მილის მოთავსება ტრაქეაში ლარინგოსკოპის გამოყენებით;

აბიტურიენტებმა ასევე მოინახულეს ბიბლიოთეკა, ლაბორატორია და გაეცნენ ანატომიური მაგიდის (Anatomage) შესაძლებლობებს. მედიცინის სკოლის დეკანმა, მაკა მაღლაკალიძემ აბიტურიენტებს ამომწურავი ინფორმაცია მიაწოდა აკადემიის სასწავლო და გაცვლითი პროგრამების, სტუდენტური ცხოვრებისა და საუნივერსიტეტო სტიპენდიების შესახებ. შეხვედრა კითხვა-პასუხის რეჟიმში წარიმართა და აბიტურიენტებისთვის საინტერესო ყველა შეკითხვას გაეცა პასუხი.