„ონკოლოგიური დაავადებების დიაგნოსტიკა და მონიტორინგი ბიომარკერების პანელის გამოყენებით“ - ამ თემით წარსდგა პეტრე შოთაძის სახელობის თბილისის სამედიცინო აკადემიის გუნდი ივანე ჯავახიშვილის დაბადებიდან 150 წლისთავისადმი მიძღვნილ საერთაშორისო სამეცნიერო კონფერენციაზე. ღონისძიებას 23-24 აპრილს, ივანე ჯავახიშვილის სახელობის თბილისის სახელმწიფო უნივერსიტეტში გაიმართა. მოხსენება თსა-ს ლაბორატორიის მენეჯერმა, ეთუნა დუმბაძემ წარადგინა. პრეზენტაცია მიეძღვნა მოლეკულური ონკოლოგიის აქტუალურ საკითხებს და განიხილავდა სიმსივნური დაავადებების გამოვლენისა და მონიტორინგის თანამედროვე მიდგომებს. განსაკუთრებული ყურადღება გამახვილდა ისეთი სპეციფიკური ბიომარკერების სადიაგნოსტიკო პოტენციალზე, როგორებიცაა სიმსივნე-სათესლის ანტიგენები (მაგალითად, NY-ESO-1), PIWI ცილები და სიმსივნე-სუპრესორული ცილა TP53. კვლევა ფოკუსირებულია ბიომარკერული პანელების დახვეწასა და იმუნოფერმენტული მეთოდის გამოყენებაზე, რაც მიზნად ისახავს კლინიკურ პრაქტიკაში ონკოლოგიური დაავადებების მართვის ეფექტიანი მექანიზმების განვითარებას.