თბილისის სამედიცინო აკადემიამ თსა-ს კურსდამთავრებულს, კარდიოლოგ ზვიად კერესელიძეს უმასპინძლა. შეხვედრის ფარგლებში მომხსენებელმა ისაუბრა კლინიკურ პრაქტიკაში გაიდლაინებისა და მტკიცებულებების მნიშვნელობაზე და ასევე წარმოადგინა თავისი უახლესი კვლევა.

სტუდენტებს შესაძლებლობა მიეცათ მონაწილეობა მიეღოთ ჯგუფურ აქტივობაში, რომელიც ეხებოდა პაციენტის გულ-სისხლძარღვთა დაავადების რისკის შეფასებას. სესია მეტად საინტერესო და მნიშვნელოვანი გამოცდილება იყო, განსაკუთრებით მათთვის, ვინც მომავალში კარდიოლოგიის მიმართულებით აპირებს განვითარებას.

თბილისის სამედიცინო აკადემია ამაყობს თავისი კურსდამთავრებულებით და ყოველთვის მზად არის ითანამშრომლოს მათთან. თავის მხრივ, კურსდამთავრებულებიც სიამოვნებით უზიარებენ საკუთარ ცოდნასა და გამოცდილებას მომავალ კოლეგებს.